Matsiyù 12:46 - Bible Dzùùngoo Unicode

⁴⁶ Àyìwà, è Yesù to goomaa nà ko jàmaà ka, à naà ko à tseyn kpir'leè yè nà e tsiì da rɔ̀n, yè bà na ni à re yè gooma à ka.

Matsiyù 12:46 Referans Kwoze

Matsiyù 13:55

À na gɔ̀ɔ̀kpaabaà dzin kpir'la dɛ ? Wò rii naà tsoo na Mariyamùn ɔ̀n ? À tseyn nèè rìì na Yàkubà, ko Yusufù, ko Shimɔ̀n, ko Yudà ɔ̀ ?

Yùxanà 2:12

Tà shɔ̀ùn, Yesù ko e naà, ko à tseyn nèè ko à re kàràndzin neè yè jàà dɔn bè Kapɛrinaxumùn wɔ̀ rɔ̀n. Yè bwèy dan bàsɔùn nì fa mɔn.

Yùxanà 7:5

Tɔ̀ y'a tàrà, Yesù tseyn nèè yɛ̀r'la naà ɲɛɔ̀n à ra waa.

Yùxanà 7:3

Tà doùn, Yesù tseyn nèè yè dzin à ra ci: «Bo mìin a wa Yude mar'la ɲàn, sànko wo re kàràndzin neè, twɛy sa yeè wo re goo fakɔɔn reè jà.

Kɛɛradzin neè faadziɛ 1:14

È sapɛ na byɛɔ̀n à mà, yè e si ladzyee kudɛyn, yè Ŋaablà mafyɛ̀ɛn ko duungoo soo ka. Tàan dànman na ni è ka, tɔ̀ yeè ɲɛn Yesù na Mariyamùn tsɛ, ko Yesù tseyn nèè.

Marikì 6:3

À na gɔ̀ɔ̀kpaabaà dɛ ? Mariyamùn dzin kpir'la kɛ̀ ? À keresi reè rìì na Yàkubà, ko Yosè, ko Yudà ko Shimɔ̀n gbɛ ? À tseyn taan ree rìì na tsùuŋnà ɲe ka mìin dɛ ?» Tɔ̀ kɛ̀sɛmà nìi na ni è ɲan, tɔ bàu saabu, è na ɲɛn Yesù rà waa.

Galatsika reè 1:19

Ŋà mun na kɛɛradzin kpɛrɛ jà mɔn Tsìfaà tseyn kpiri Yàkubà tɛ̀y waa.

Korɛntsika reè jɔ̀naà 9:5

Ɲe yè neema taan sɔn ba e re tààn ɲe yè b'a ka a ci kɛɛradzin dzyee reè, ko Tsìfaà tseyn nèè ko Piyɛr'laà tsuru, tɔ̀ shi na ni ɲe suun ɔn ?

Yùxanà 7:10

Àwà, Yesù tseyn nèè dɔ̀n bèumaà shɔ̀ùn sɛr'là koùn, Yesù sa yeè e mɛnɛn dɔ̀n be mòdzian jaa bònè.

Lukì 2:48

À ker'làgè rèè y'à jàu min niì, à goò yè ji twɛy sa dzii tsɛ. Namaa yè dzin à ra ci: «Mun dziàn, wo nèe fau ɲe ka feera ? Mun ko wo fàà sa duungoo dooma nì na wo gaa beè.»

Lukì 8:10

È dzin è ra ci: «Ye nìì reè mun lamyɛɛ̀n, e Ŋaablà re Màsàbee gòndoo tɔ̀, tɔ̀ twɛ̀ɛ sìun ye rìì là. Nìì kpɛ̀yn dzyee rèè, twɛy y'à gooma reè myɛ̀ɛn gooma bɔɔ rèè rìì ɲàn. Tɔ̀ rii y'à to, è siin faa, ŋà, è na gèsɔn pɛn jàa waa. Yè bà myɛ̀yn faa, ŋà, è na gèsɔn pɛn fàànmuan waa.

Marikì 2:21

Yesù yè dzin kɔn ci: «Mòò pɛn na vya ye ka vya bɔrɔɔ tsyɛɛ̀rɛɛ waa. Tɔ̀ ye fa, vya yee vya bɔrɔɔ sɔ̀ɔ̀n vyɛ̀ɛ kpɛrɛ, à vyɛ̀maà si yè tsi.

Yùxanà 2:5

Yesù naà yè dzin faagoofadzin neè rà tɔ̀un ci: «À ye goo o goo dè e ra, y'a fa.»

Lukì 2:33

Simeyɔn na nìi sapɛ deè Yesù rè goò ɲàn, tɔ̀ na jiɔ̀ à fàà, ko à naà sa dzii tsɛ.

Yùxanà 2:1

Àyìwà, twɛy goo rèè faumaà bwèy zhììgìraa sii sèè, kɔnɲɔn goo na ni Galile mar'la wɔ̀ sɔn ɲan, ci Kanà. Yesù naà na ni tɔ̀ kɔnɲɔn goo rè.

Lukì 2:51

Yesù yè fù è ka tɔ̀un, yè dɔ̀n na Nazarɛtsì. À re blàbe na ni è tsɛ. Twɛy goo rèè gè o ge na faa, à sapɛ na toò à naà duùn.

Matsiyù 2:20

È dzin à ra ci: «Fù, e dziɛ̀n ko e naà sen, e sèè è ka Isirayɛli jamaan nɔn, kàtsu nìì reè na dziɛ̀n gaa vurama, twɛy saun.»

Matsiyù 2:11

Àwà, yè dɔ̀n gbàà doùn, yè dziɛ̀n ko e na Mariyamùn jà. Yè e kunun gban tɔ̀un, yè dziɛ̀n blàbe. Tà shɔ̀ùn, yè e re sùn nèè dzii san, yè bo ko sɛnu ka, ko wushuna, ko mà tsusaa gè fama kinin dziù, nìi kir'là miirì, y'à ka blàbe fa dziɛ̀n rè.

Matsiyù 1:18

Àyìwà, Ŋaablà Jaara moo Yesù kereu kereu'n kur'liì rà, tɔ̀ rii siin: Àwà, à na Mariyamùn, tɔ̀ na Yusufù rè màkùn taan. Ŋà, Mariyamùn yè don sen Ŋaablà re Dzi Fɛnɛɛ baraka rɔ̀n, tɔ̀ y'a tàrà à ko Yusufù na tsùɔ̀ fa esire ŋe waa.

Yùxanà 19:25

Tɔ̀ y'a tàrà, Yesù gbaàn gɔɔ̀ tɛyn, à naà tsìiŋma ni, à naà neema taan ni. Kpiri sɔn, ci Klopasì, tɔ̀ raa tààn Mariyamùn ni, Mariyamùn Màngàdàràkà taàn yè ɲɛn è tsɛ.

Lukì 1:43

Mun tsì rii tɔ̀ tsuru sa, mun Tsìfaà yɛ̀r'la naà yè bà naɔ̀ bo mun kpà ?

Matsiyù 12:47

[Tɔ̀un, sɔn yeè dzin à ra ci: «Wo naà ko wo tseyn kpir'leè tsìiŋma yɛ da rɔ̀n, è sào ni yè gooma wo ka.»]

Lukì 2:34

Tɔ̀un, Simeyɔn yeè dzwɛ ji è ra. Nìi Mariyamùn Yesù naà, è dzin tɔ̀ ra ci: «Nèe dzin nìi yɛ nèe, Ŋaablà y'a boo, è bà saabu mòò giri yè mɛɛy, tà ko mòò giri yè fù Isirayɛlì mòdzian ɲàn. À nà bà Ŋaablà re tàànmàshɛn kpadèuma mòdzian nà, è fa e tsiì nìi rà waa.