Matsiyù 11:5 - Bible Dzùùngoo Unicode

⁵ Ye bè dzin à ra ci: «Jaana reè jɛ̀y faa, mùrùku reè jìɛ, byèèma reè cɛrɛmabeè, yè fɛnɛbe, torokper'neè myɛ̀yn faa, fùn nèè sèè kpunaàn, Kùnàgoo Dziɔ̀ yè bà dèe gbakɔɔn reè rà.

Matsiyù 11:5 Referans Kwoze

Lukì 4:18

«Mùn Tsìfa Ŋaablà re Dzia ni mun ɲan. Tɔ̀ rii y'à to è mun bo, ci mun yè nà gbakɔɔn reè toro kɔ̀ Kùnàgoo Dziɔ̀ rà. À mun ka naɔ, ci min nà byɛnkɔɔn reè laba goòmà dè è ra, min jaana reè jaa dzii san goòmà dè twɛy rà, nìì reè xɔn bìiŋnà, min twɛy bo vi ra.

Yàkubà 2:5

N neema ì, mun ye nìì reè kɛ̀niɔ̀n fɔ è bè geren, ye e toro wɔ. Dziɲan dzin nèè nìì reè jàa gbakɔɔn, Ŋaabla twɛy ɲankɛrɛɔ̀n rìì, yè bà gètsi ɲɛynaà kàjaa tsɛ, tà ko è re màsàbe riì làyiri seòn e kɛnbaa rèè rè, yè tɔ̀ tàrà shɛn.

Matsiyù 21:14

Àwà jaana reè ko sànsɔun nèè yè e kpɛrɛ̀ à ra Ŋaablà re gbà blàa fɔɔn doùn, à yè è cɛrɛmabe.

Yùxanà 10:38

Ŋà, min ba twɛy goo rèè rìì faa, e kɛnsɛɛn ma ɲɛn mun na, ye ɲɛn twɛy goo rèè rà kɛ̀, sànko y'a tɔ̀, ye ɲɛn à ra, ci mun Fà Ŋaabla ni mun ɲan, min bà ni à ɲan.»

Yùxanà 10:25

Yesù yè dzin è ra ci: «Mun y'à dèu ye ra nòn, ŋà, ye na ɲɛɔ̀n à ra waa. Mun goo nìì reè faa n Faà tsoo ra, twɛy rìì mun shɛɛrɛbe faa.

Yùxanà 5:36

Àwà, nìi mun, shɛɛrɛbe ni mun ne, nìi vùn Yùxanà raà mà. Tà doùn, Fà Ŋaabla goo nìì reè dzi siun mun na, ci mun yè è faa, twɛy goo rèè yɛ̀r'la mun shɛɛrɛbe faa. Y'à kpàdèe, ci Fà Ŋaablà rii mun ka naɔ.

Yùxanà 3:2

Tɔ̀ kpir'la yè nà Yesù rè fene, è nà dzin à ra ci: «Kàrànfaà, ɲe y'à tɔ̀, ci Ŋaabla rii wo ka naɔ, wo yè nà ɲe kàràn, kàtsu, wo yɛ kabagoo goo niì reè faa, Ŋaablà na ni mòò riì ka fyeu à tsìfa fa dzi tɔ̀ tsuru ì fa waa.»

Yùxanà 2:23

Àwà, è Yesù to Yerusalɛmùn Geren n tsɛɛ̀ sɛr'là waatsia bwèy, mòò giri yè ɲɛn à ra, à re kabagoo goo reè fakɔɔn kamà.

Marikì 9:25

Àwà Yesù jàmaà ladzyeèkɔɔn jau min niì, è cerè kweè tsɛ, è dzin à ra ci: «Wo kwey rìi mòò bàa bobo torokperen, mun ci e bo dziin nèe kpɛyn, a to mà a gban à kpɛyn dɛ byɛ !»

Marikì 7:37

À na jiɔ̀ è dzii tsɛ fɔ è bè geren, yè dziàn ci: «À goo o goo faa, à sapɛ wù. À y'à faa torokper'neè yè myɛ̀yn fa, bobo reè yè bà dzia gooma.»

Matsiyù 10:8

Ye ɲìnìnkɔɔn reè cɛrɛmabe, ye fùn nèè kpunan bo saàn ɲàn, ye byèèma reè cɛrɛmabe, yè fɛnɛbe, ye kwey rèè kaa bo mòdzian kpɛyn. Y'a tàrau maana, y'a sìn maana.

Matsiyù 9:30

Tɔ̀ nɔ̀nkɔɔrɔn ko e sa, è jaa rèè yè san. Tɔ̀ ɲan à y'à dè màxɔbe è ra ci: «E maà à to mòò pɛn y'à tɔ̀.»

Matsiyù 5:3

«Nìì reè y'à jàa ye gbaɔ̀ Ŋaablà kajaa tsɛ, twɛy raa wùbeu, kàtsu Ŋaablà re Màsàbee twɛy rìì laa.

Kɛɛradzin neè faadziɛ 2:22

Piyɛrì yè geren goomaa ka kɔn. À ci: «Ye Isirayɛlì mòdzin neè, ye e toro wɔu'n kuru wube, ye n devuà myɛ̀n: Àwà, Nazarɛtsika kpiri Yesù na mòò riì kuru, Ŋaabla tɔ̀ kpàdèu ye ra. Tɔ̀ doùn, è Yesù to ye fi, Ŋaablà y'a ka e re dzibaabe goo niì reè, ko e re kabagoo goo niì reè, ko e re tàànmàshɛn kabagooma niì reè fa kpadèu ye ra, ye na fìriɔ̀ tɔ̀ mà waa.

Matsiyù 11:4

Yesù yè dzin è ra ci: «Ye nìi myɛ̀ɛn, ko ye nìi jàa, ye bè tɔ̀ lakɛɛ̀y Yùxanà nà.»

Matsiyù 12:13

Tɔ̀un, è dzin kpiri si sɔn saunmaà nà ci: «A sià foro !» Kpir'la yè e sià foro. Tɔ fau, sià yè cɛrɛmabe soo tsuru.

Yùxanà 9:7

è kòmànà dzin à ra ci: «À wa, e b'à foò Silowè kɔ̀ɔ̀ dòùn yu rɔn.» 'Silowè', tɔ̀ dzuɔn Kɛɛradzin. Jaana kpir'là yè bè tɔ̀un, è bè e foò. À ci e ye kpɛyn sèè tsii min niì, à jaa dzii saun.