Matsiyù 11:30 - Bible Dzùùngoo Unicode

³⁰ Àwà, mun ne seen seyn fyɛyn, à sen yeè bà dzi.»

Matsiyù 11:30 Referans Kwoze

Yùxanà jɔ̀naà 5:3

Àwà, e Ŋaablà kɛn, tɔ̀ rii yɛ, a dzugooma xɔù rèè shi jiì, à dzugooma xɔù rèè to na seyn vuun waa.

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Filipika reè 4:13

Mun dzia goò sapɛ fa Kirisà baraka ɲan, tɔ̀ niì fààn siàn mun na.

Galatsika reè 5:1

Kirisà mùn xɔrɔnbeu ni ci mìn bà xɔrɔn taki ì. Tà doùn, e san gbaunma yè to, e maà dɔ̀n jònbee gɔɔ̀ dzuun kɔn kpɛrɛ dɛ.

Galatsika reè 5:18

Ŋà Ŋaablà re Dzia rìì ye ba ye kuru kuɔn, tɔ̀ y'a kpàdèe ci ye na ni sàrìyaa dzuun dɛ.

Kɛɛradzin neè faadziɛ 15:10

Fèe to boo dòònuùn, ye sàò ni à re, ye yè Ŋaablà dzuun bo ? Ɲe fàbɔɔ rèè ko ɲe yɛ̀r'leè tsu na dzi sàrìyaa seyn niì dzuun waa, fèe kamà ye sào ni à re, ye yè tà seen tsùù kàràndzin neè kùùn ?

Korɛntsika reè fiiraa 4:17

Àwà ɲe re nèe waatsi ree byɛnbee, tɔ̀ ŋɔn fyɛn è bà dɔ̀n boò. À nɔɔrɔ ko nɔɔrɔ rìì mà byɛn tsùɔ ɲe re, dò na ni nìi mà waa.

Kɛɛradzin neè faadziɛ 15:28

Àwà, Ŋaablà re Dzi Fɛnɛɛ nìi kpàdeò ɲe ra à goò tsɛ, tɔ̀ rii yɛ, ci ɲe mà goo xɔù kpɛrɛ ji ye jɔun waa, fɔ nìì reè farama takì ì.

Matsiyù 12:1

Àyìwà tɔ̀ waatsia ɲàn, ɲànwɔsii sɔn ma, Yesù ko e re kàràndzin neè na dɔ̀n boò shìmàn dzu swey ɲàn. È dɔ̀nkɔɔn, dzu na ni kàràndzin neè rà. Tɔ̀un, yè e maa, yè shìmàntan neè swey fùùrua, y'à tàa.