Bib sou entènèt

Matsiyù 11:21 - Bible Dzùùngoo Unicode

²¹ À ci: «Ye Korazɛnka reè, byɛnbe ye nìn ! Bɛtsisayidaka reè, byɛnbe ye nìn ! Byɛnbe ye nìn, kàtsu kabagoo goo niì reè fau ye re wɔ̀ rèè doùn, twɛy ye ba na fau Tsiirì wɔ̀ɔ̀ ko Sidɔ̀n wɔ̀ rèè rìì doùn, twɛy wɔ̀ùndzin neè na bɔ̀tɛ ko shi jiu e ma nòn, y'à kpàdè, ci ye yè e re jaamabee fau'n kur'la lakereò.

Gade chapit la Kopi

tounen moute ⬆

Matsiyù 11:21
31 Referans Kwoze

Kɛɛradzin neè faadziɛ 12:20

Àwà, Erodzì vunun na taɔ Tsiirika reè ko Sidɔnka reè kpɛyn fɔ è bè geren. Twɛy yè byɛ̀n à mà, ci ye nà mòdzin ì fù, twɛy yè b'a re, yè b'a sòròn. Kpiri sɔn na ni, ci Blasitusì. Wò rii na Erodzì ɲaangbaa goojaabobaa. Àwà, yè bè tɔ̀ kpir'la kpɛyn ŋe, yè bè tɔ̀ bà e dzunwɛynsi. È ko tɔ̀ byɛ̀unmaà shɔ̀ùn goo rèè mà, yè kòmànà wɔ Erodzì tsɛ, yè bè byɛ̀n gaa à re. È tɔ̀ fau, kàtsu, è raa jàmaàn ɲwɛyn dziɛ giri na boò Erodzì raa jàmaàn nì tsɛ.

Yùxanà 12:21

Yesù rè kàràndzin neè ɲàn, nìi tsoo Fìlipù, è bà boò Bɛtsisayidà wɔ̀ rɔ̀n Galile mar'la ɲàn, twɛy mòdzin neè yè e kpɛrɛ̀ tɔ̀ ra, yè dzin à ra ci: «Neema kpiri, ɲe sào ni, ɲe ko Yesù yè e si jà.»

Lukì 9:10

Àyìwà, kɛɛradzin neè sèè nau waatsi riì bwèy yè bo jìɛ̀ rà, è goo o goo fau jìɛ̀ doùn, yè nà tɔ̀ sapɛ lakɛ̀ɛ̀y Yesù rà. Tɔ̀un, Yesù yè fù è ka, è bo è ka mòdzian tɛyn, yè bè fɔ wɔ̀ sɔn kpakèrè ci Bɛtsisayidà.

Marikì 6:45

Tɔ̀ nɔ̀nkɔɔrɔn, Yesù y'à ji e re kàràndzin neè jɔun, ci yè dɔ̀n konkor'na doùn, yè e maa be wò jɔun yu blàa kɛ̀yn nɔn, Bɛtsisayidà wɔ̀ɔ̀ kpà, sani w'e shi sin dò jàmaà nà.

Matsiyù 15:21

Àyìwà, Yesù yè bo mɔn tɔ̀un, è dɔ̀n be Tsiirì ko Sidɔ̀n màr'lèè ɲàn.

Yudè 1:11

È raa barau ! È ɲɛn à tsɛ, è Kayinìn dɔ̀n shià seun, ɲɛyn goo yè bà saabu, yè e san fìrì a ci Bàlaamùn. È màbaunmaà doùn a ci Korè raà tsuru, è barau.

Yùxanà 1:44

Fìlipù na wɔ̀ sɔn modzin, nìi kir'là Bɛtsisayidà. Andère ko Piyɛrì sa yeè bà na boò tɔ̀ wɔ̀ rɔ̀n.

Lukì 6:17

Àyìwà, Yesù yè jàà bo jèèn tsɛ tɔ̀un, ko e re kɛɛradzin neè ka, è nà e tsiì gàne vɛ̀ɛ̀ sɔn ɲan. À re kàràndzin neè giri na ni mɔn, ko mòò giri kpɛrɛkuru ì. Twɛy mòdzin neè swey na boo Yerusalɛmùn, swey yè bo Yude mar'la gàne rèè swey ɲàn, swey yè bo kòòyù dziɛ tɛyn wɔ̀ rèè ɲàn, nìì reè kir'là ci Tsiirì, ko Sidɔ̀n.

Marikì 8:22

Àyìwà, tà shɔ̀ùn, Yesù ko e re kàràndzin neè yè dɔ̀n be Bɛtsisayidà wɔ̀ rɔ̀n. È bèu dzi mɔn, yè nà jaana kpiri sɔn ka Yesù rè. Y'à màfyɛ̀n, è bà ni e dzyɛn à ra, è cɛrɛmabe.

Marikì 7:31

Tà shɔ̀ùn, Yesù yè bo kɔn Tsiirì wòòɲaan màr'lɔ̀ùn. È nà dɔ̀n bo Sidɔ̀n wɔ̀ rɔ̀n, wɔ̀ tsyeùn nìì reè kir'là Dekapɔlì, è twɛy fi shɛn dɔ̀n, è nà Galile yu blàa kpàkèrè.

Marikì 3:8

Swey boò Yerusalɛmùn, swey boò gàne sɔn ɲan ci Idumè, swey boò Yuridɛn baa kɛ̀yn, swey yè bà boò Tsiirì ko Sidɔ̀n wɔ̀ rèè wòòɲaan ɲàn. Tɔ̀ jàma brìsià na nàa à re, kàtsu à na nìi sapɛ faa, è na tɔ̀ myɛɔ̀n.

Matsiyù 18:7

Dziɲan dzin naà barau, mòdzian sàn fir'la yè bà tsoo. Àwà sàn fìrì goo kpɛyn na do jàa waa, ŋà wo mòò riì bàa tsoo sàn fir'la yè mòò tàrà, wo raa barau.

Matsiyù 11:22

Tɔ̀ kamà, mun nì ci e ra, tsìɛ̀ sii sèè, Tsiirì ko Sidɔ̀n wɔ̀ùndzin neè kuun'n kur'la nà fyanbe, è geren ye wɔ̀ fii rèe mòdzin neè raà tsɛ.

Kɛɛradzin neè faadziɛ 27:3

Tɔ̀ raa gbee, mìn bè wɔ Sidɔ̀n wɔ̀ rɔ̀n. Mùn wɔu mɔn, Yuliyusì ɲanwùɔ doùn ko Polì ka, à y'à to è bè bo e dzunwɛynsi reè kpà, sànko à màgoo ni goo nìi reè rà, twɛy yè tɔ̀ fa à re.

Lukì 4:26

Tà ko e sa ra, Ŋaablà na e re kɛɛra Àliì bàji be twɛy pɛn ne, è bè wɔ è ra waa. Àliì bèu fùnshɔ̀ùntaan sɔn ni nè jàmaan kpɛrɛ. Tɔ̀ taàn na tsùuŋnà Sarɛpita wɔ̀ɔ̀ rìì doùn, Sidɔn mar'la ɲàn.»

Marikì 7:24

Àyìwà, tà shɔ̀ùn, Yesù yè fù è bo mɔn, è bè Tsiirì wɔ̀ɔ̀ wòòɲaan ɲàn. À wɔu mɔn, è bè dɔ̀n gbà sɔn doùn. À sàò naà ni à re mòò y'à tɔ̀ ci wo ni mɔn waa. Ŋà, à na dzi e mɛnɛn waa.

Matsiyù 26:24

Adamà dziàn kpɛ̀yn nà san, a ci à sɛbɛɔ̀n à re goò tsɛ nìi tsuru. Ŋà, mòò riì nà bà à jàànfaà saabu, tɔ̀ tsìfa raà barau. À mà bà na kereu fyeu, tɔ̀ na fyan à mà.»

Goo kpàdèuma rèè 6:12

Àwà, m'a jàu sààtòmòìriɛ tàànmàshɛɛn tsùnmɛ̀naa warakau waatsi riì bwèy, dzɔ̀nxɔ̀ɔ̀mà kpinin bla yeè fù, bwèè yè tsì tɔ̀un tsi tsi tsi a ci vya tsi, kuɔ̀ min niì sapɛ yeè xè gan gan gan a ci tsììn.

Goo kpàdèuma rèè 11:3

Mun nà dzi sin n shɛɛrɛ fii rèè rà, yè kɛɛra goòmà ì dè bwèy gbaa soo ko càànmoò fii ko mùey doùn, nìi byɛɔ̀n kuu dzyèè ko dzin fiɛ̀ mà, bɔ̀tɛ̀ funun ì yè bà è mà vya.»

Swiv nou:

Lyen patwone

Piblisite

Piblisite