Bib sou entènèt

Matsiyù 10:40 - Bible Dzùùngoo Unicode

⁴⁰ Àwà Yesù yè dzin kɔn ci: «Mòò o moò ye kuun'n kuru wubee, tɔ mun nì kuun'n kuru wubeu. Mòò o moò to ye mun kuun'n kuru wube, tɔ mun kabaà rìì kuun'n kuru wubeu.

Gade chapit la Kopi

tounen moute ⬆

Matsiyù 10:40
18 Referans Kwoze

Yùxanà 13:20

Sààben na, mun nì ci e ra, mun mòò riì kaɔ, mòò riì yè e tsiɛ tɔ̀ ra, tɔ̀ yeè e tsiiŋ mun nì nà. Mòò riì to yè e tsiɛ mun na, tɔ̀ yeè e tsiiŋ mun kabaà rìì là.»

Lukì 9:48

Tɔ̀un, è dzin kàràndzin neè rà ci: «Mòò o moò nèe dziin nèe tsuru kuun'n kuru wubee mun kamà, tɔ mun nì kuun'n kuru wubeu. Mòò o moò to mun kuun'n kuru wubee, tɔ mun kabaà rìì kuun'n kuru wubeu. Àwà, ye sapɛ ɲan, mòò riì ci wò dzyɛ̀n, tɔ̀ rii ni ye jɔun.»

Lukì 10:16

Tà shɔ̀ùn, Yesù yè dzin e re kàràndzin neè rà kɔn ci: «Mòò riì ye e toro wɔ ye re, tɔ̀ yeè e toro wɔu mun nì nè. Mòò riì ye ye maa, tɔ mun nì maaŋ. Mòò riì to ye mun maa, tɔ mun kabaà rìì maaŋ.»

Matsiyù 18:5

Mòò riì to nèe dziin nèe tsuru kuun'n kuru wubee mun kamà, tɔ mun nì kuun'n kuru wubeu.

Yùxanà fiiraa 1:9

Mòò o moò na toò Kirisà raa kàr'nà tsɛ, fɔ à sɔn ni bà beè à tɛ̀y, tɔ̀ na Ŋaablà taraɔ̀ waa. Ŋà mòò riì toò tà kàr'nà tsɛ, tɔ Fàà ko Dzin Kpir'la sa taraɔ̀.

Yùxanà 20:21

Àwà, Yesù yè dzin è ra e shɔùn ci: «Ŋaa yè xɛɛrɛ fa e re. Mun Fà Ŋaabla mun ka nau nìi tsuru, mun sa ye kaà tà tsuru.»

Matsiyù 25:40

Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."

Tesalonikika reè jɔ̀naà 4:8

Tà doùn, mòò riì nèe làtsii rèe rèè maa, à na adamàdzin mòdzin maaŋnà dɛ, ŋà à Ŋaablà rii maaŋma, tɔ̀ niì yè e re Dzi Fɛnɛɛ sìan ye ra.

Galatsika reè 4:14

Mun ne ɲìn'nà kpɛ̀ynto bàu byɛnbe brisi ye mà, ŋà tɔ̀ na à to ye yè mun ɲanfyɛnbe, tàmafa ye yè ɲii mun ɲan waa. Ye yɛ̀rɛ̀ to mun kùùntsiu ni a ci Ŋaablà re mɛ̀rɛ̀kɛ, arì Yesù Kirisà tsuru.

Yùxanà 5:23

sànko mòdzian sapɛ yeè Dzin Kpirimaa blàbe, a ci è Fàmaa blàbee nìi tsuru. Mòò riì ma Dzin Kpirimaa blàbe, Fà rìi y'à ka nau, à tsìfa na tɔ̀ rii blàbe waa.

Marikì 9:37

«Mòò o moò nèe dziin nèe tsuru kuun'n kuru wubee mun kamà, tɔ mun nì kuun'n kuru wubeu. Mòò o moò to mun kuun'n kuru wubee, tɔ na baà mun kuun'n kuru wubeò dɛ, à mun kabaà rìì kuun'n kuru wubeu.»

Matsiyù 25:45

Màsà kpir'là sa to nà dzin è ra tɔ̀un ci: "Sààben na, mun nì ci e ra, ye na twɛy tsuru fa mun neema kiɲaanin nèe rèè mòò sɔn ne min niì waa, ye na à fa mun nì nè waa."

Korɛntsika reè fiiraa 5:20

È geren tɔ̀ sapɛ tsɛ, ɲe Kirisà rè kɛɛradzin ni, à to ni a ci Ŋaablà yɛr'la rìì ye màxɔ̀ɔn, è bo ɲe dzu. Kirisà tsoo ra, ɲe ye màfyɛ̀ɛn nì ye e yɛrɛ to, y'a to e ko Ŋaablà fia la yeè mɔ̀nɔ̀n.

Swiv nou:

Lyen patwone

Piblisite

Piblisite