Matsiyù 10:32 - Bible Dzùùngoo Unicode

³² Àwà mòò o moò ye e tsiì è dzin mòdzian jaa ra ci wo mun naa, mun sa nà n tsiì, min dzin n Fa Ŋaablà jaa ra, tɔ̀ riì ni jìrànxɔ rɔ̀n, ci mun tɔ̀ tsìfa raa.

Matsiyù 10:32 Referans Kwoze

Goo kpàdèuma rèè 3:5

Àwà, mòò riì ye ba dzibaa, tɔ̀ sa nà vya fyɛ ì wɔ tɔ̀ tsuru. Mun fa à tsoò tsùsa bo jaamabee sɛbɛɛn doùn waa, mun to nà n tsiì à ra n Fa Ŋaablà ko e re mɛ̀rɛ̀kɛ rèè jaa ra, ci m'a tsìfa tɔ̀.

Yùxanà jɔ̀naà 4:15

Mòo o moò dziàn ci Yesù Ŋaablà Dzin Kpiri, Ŋaabla ni tɔ̀ ɲan, à sa yeè bà ni Ŋaablà ɲan.

Tsìmotè fiiraa 1:8

Tà doùn, maà seey e mùn Tsìfaà shɛɛrɛbe fa waa. A to mà seey mun ka, ci mun ni kàsoò rà à kamà waa. Kùnàgoo Dziɔ̀ byɛnbee rìì fa mun ka, è kòrò Ŋaablà re dzibaabee ka.

Goo kpàdèuma rèè 2:13

Wo tsùuŋnà min niì, m'a tɔ̀. Sùtan'ne màsà gbaaniɛn ni mɔn nì. Wo shìuma tou mun na, wo na a dziira tsɛ mun na ɲɛynaà doùn waa. Arì Antsipasì, mun shɛɛrɛ vusootsià, tɔ vuu waatsi riì bwèy Sùtana tsùùmaà gàne rɔ̀n ye re mɔn, wo shìuma tou mun na.

Yùxanà 9:22

À ker'là gè rèè tɔ̀ dèu, kàtsu, è na shiɔ̀ Dzyèèsìbee mòdzin neè jɔundzin neè jɔun. Twɛy na byɛ̀n faɔ̀ à mà, ci mòò o moò ye e tsiì à ra, ci Yesù rìì Ŋaablà Jaara Modzìàn, tɔ̀ tsìfa nà kaa ŋaablabegbaà tsɛ.

Matsiyù 25:34

Tà doùn, nìì reè ni màsà kpir'là sirama sia rè, à nà dzin twɛy rà ci: "Mun Fà Ŋaabla dzwɛ kuɔn ye nìì reè mà, ye nà. Màsà gane riì mabyɛ̀n tsùuŋnà ye re fɔ dziɲaan jɔ̀n bwey, ye nà dɔ̀n mɔn, y'a bà e re shɛn.

Lukì 15:10

Àwà, tɔ̀ fau'n kuru soo rà, mun nì ci e ra, mòò sɔn dzin soo ye seè bo e re gooɲaan kpɛyn, è re jaamabee fau'n kur'la lakere, Ŋaablà re mɛ̀rɛ̀kɛ rèè taamadzibe brìsi rìì faa tà tsìfa tsoo ra.»