Matsiyù 10:19 - Bible Dzùùngoo Unicode

¹⁹ È ye e wɔ è suun waatsi riì bwèy, ye nà nìi dè, tà ko ye nà à dè dèù'n kur'liì rà, e maà tɔ̀ ka e vyɛɛ̀y waa. Nìi wù è dè, tɔ nà wɔ ye dzu tɔ̀ waatsia yɛ̀r'la ɲàn.

Matsiyù 10:19 Referans Kwoze

Tsìmotè fiiraa 4:17

Ŋà, Tsìfaà wɔu mun na. À fààn wɔu mun ɲan, gè riì ni à to mun baraka ɲan, Kùnàgoo Dziɔ̀ waajibia yè fa à dzii yè tsyɛn, kun neè sapɛ y'a myɛ̀n. Mun tsiu jɛ̀r'la dziɛ̀ rà.

Lukì 12:11

Àwà, è ye e kun, mun naa goo rèè kamà, ci è bèe ye kitsi ŋaablabegba rèè doùn, fààntsi rèè, ko à kùntsii rèè rè, ye nà gooma niì dè mɔn, ye raà yè dzibe, e maà tɔ̀ ka e vyɛɛ̀y waa.

Yàkubà 1:5

Akiriblabeè to ye e sɔn fɔn, à y'à gaa Ŋaablà re. À nà à sìn à tsìfa ra. À nà tɔ̀ fa, kàtsu Ŋaabla kaarià è mòdzian sapɛ kɔ, à na a sɔn dèe waa.

Matsiyù 6:31

Tà doùn, e maà vyɛ̀ɛ̀y ci ye nà fee ɲɔn, tàmafa, ye nà fee mìn waa. E to mà vyɛ̀ɛ̀y, ci ye nà vya ji e ma dzùrù waa.

Matsiyù 6:25

Tɔ̀ rii kamà, m'a dèe e ra ci: "E maà vyɛ̀ɛ̀y, ci ye nà fee ɲɔn tàmafa, ye nà fee mìn. E to mà vyɛ̀ɛ̀y, ci ye nà vya ji e ma dzùrù. Jaamabee na vùn ɲwɛyn goo mà ɔ̀n ? Màà yè bà vùn vya goo mà ɔ̀n ?

Filipika reè 4:6

E maà vyɛ̀ɛ̀y goo sɔn pɛn na waa. Ŋà goò sapɛ doùn, e magoo ni nìi rà, y'a gaa Ŋaablà re ko màfyɛyn ka, ye baraka sìn à ra.

Kɛɛradzin neè faadziɛ 6:10

Ŋà, Ŋaablà re Dzia baraka rɔ̀n, akiri goòmà nìi na ni Etsiyɛnìn dzu, è re goomaa na dzi à raà dɔn mɛɛy waa.

Matsiyù 6:34

E maà vyɛ̀ɛ̀y gbey ka waa, gbey raa goò ni tɔ̀ yɛ̀r'la suun. À jisee sapɛ ko e raa byɛnbe."»

Matsiyù 10:18

Mun kamà, è nà bè ye ka jàmààntsi ì ko màsa ì rè, ye yè bà ni kitsi. Tɔ̀ saabu ɲan, ye nà mun shɛɛrɛbe fa è ko kun kpɛrɛ mòdzin neè rè.

Lukì 12:12

E maà tɔ̀ ka e vyɛɛ̀y waa, kàtsu tà waatsi soo ɲàn, Ŋaablà re Dzi Fɛnɛɛ yɛ̀r'la rìì nà twɛy gooma reè wɔ ye dzu.»