Matsiyù 10:16 - Bible Dzùùngoo Unicode

¹⁶ Tà shɔ̀ùn, Yesù yè dzin kɔn ci: «À siin, mun ye ka bèe a ci saa ì, kparan ì fi. Tà doùn ye e yɛrɛ kun a ci myɛn ì, ye bà fyɛɔ a ci màsàkere ì.

Matsiyù 10:16 Referans Kwoze

Lukì 10:3

Àyìwà, dòònuùn y'a wa, mun ye ka bèe, a ci sààdzìniin ì bèuma dɔ̀n kparan ì fi.

Filipika reè 2:15

Tà tsuru ye bà ni ba mòdzin ì, jààma na ni nìì reè rà waa, yè bà fyɛɔ. Ye bà Ŋaablà dzin ì, fyɛ̀ na ni nìì reè rà waa, nèe waatsi ree mòdzin neè fi, twɛy nìì reè na tereòn waa, yè bà baraɔ̀. Ye den den è fi vyevyee tsuru, dziɲaan doùn.

Korɛntsika reè jɔ̀naà 14:20

N neema ì, akir'la kàjaa tsɛ, e maà bà dziinkòòmɛ̀yn ì waa. Gooɲaan kpɛ̀yn kàjaa tsɛ, ye bà dziinkòòmɛ̀yn ì, ŋà akir'la kàjaa tsɛ, ye bà jaaratsii ì.

Kolosika reè 4:5

Nìì reè na ɲɛynamoo ì waa, ye e re jaamabee fa akiri ka twɛy kàjaa tsɛ. Ye waatsia kùngɔ màbo.

Lukì 21:15

Tà doùn, mun yɛ̀r'la rìì nà akiri goòmà ì wɔ ye dzu, nìi nà à to ye ɲan rèè fa dzi goomaa latsi ye dzu, yè nà dzin ci yè ye sɔ̀swɛy.

Kɛɛradzin neè faadziɛ 20:29

M'a tɔ̀, ci mun ma ba ni waatsi riì bwèy dɛ, kparan ɲan ì tsuru mòdzin ì nà dɔ̀n ye fi, è to fa màtsuru sàà kur'là rà waa.

Korɛntsika reè fiiraa 11:3

Àwà, myɛɛn Awà sàn fìriu nìi tsuru e re sànbee ka, mun shiɔ̀, ye tsu akir'là mà nà e lakere, è ye dàn gbànbe e re duungoosoobee ko e re fyɛbee rà Kirisà kàjaa tsɛ waa.

Tesalonikika reè jɔ̀naà 5:22

Ye e kaàwɔ gooɲaan kaatsià sapɛ ra.

Korɛntsika reè fiiraa 11:14

Tɔ̀ na jia mòò dzii tsɛ waa, è ɲɛn à tsɛ Sùtana sa yeè e lakere baà vyevyeè mɛ̀rɛ̀kɛ.

Tesalonikika reè jɔ̀naà 2:10

Ye ɲe shɛɛrɛ, Ŋaablà sa yeè bà ɲe shɛɛrɛ, ci ye ɲɛynamoo rèè kàjaa tsɛ, ɲe yè e re jaamabee fau fyɛu tsɛ, ɲe y'à fa terenbe tsɛ, jààma to naà ni ɲe ra.

Kolosika reè 1:9

È ɲɛn tɔ̀ tsɛ, fɔ jisee riì ɲe twɛy kùnàgoo reè myɛ̀un, kudɛyn ɲe ni Ŋaabla mafyɛɛ̀n nà ye re. Ɲe y'à gaa Ŋaablà re, è ye ɲantsyɛn e saɔ twɛ̀ɛ rà, è kòrò à re Dzia rè akiriblabeè sapɛ, ko à re akiridzibeè sapɛ ka.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 8:20

Tɔ̀ ɲɛyn gir'lìi kɛ̀ɛ̀yfaɔ̀ ɲe mà e re faagoò doùn, à ni ba nìi tsuru ɲe mà tsoo bara tarà tɔ̀ kuun'n kur'la doùn, ɲe goò sapɛ faa, ɲe yè tɔ̀ jɔun bo.

Matsiyù 24:25

Y'a myɛ̀un dɛ, min toro kɔ̀u nòn !

Matsiyù 24:45

Jòn kɛ̀n ni tereòn akiri yè bà ni à re ? Tɔ jòn, nìi kùntsiɛ̀ yè e re gbàà jòn dzyee reè goojaa wɔ toò à suun, è nà ɲwɛɛ̀n sìn è ra e waatsi ɲan.

Matsiyù 25:2

Nùn na ni è ɲan, akiri na ni twɛy rè waa. Ŋà dzyee nùàn, akiri ni twɛy rè.

Matsiyù 25:4

Ŋà akiritsi rèè yè e raa rèè seun, twɛy yè ɲinin sa sen e suun ge ì doùn.

Matsiyù 25:9

Akiritsi rèè ci: "À fa dzi fa. Ɲe suun naà fa ye ko ɲe sa bo waa. Nìi fyan, ye bè ɲinin gɔɔ reè rè, ye sɔn fi."