Lukì 4:5 - Bible Dzùùngoo Unicode

⁵ Tà goomaa shɔ̀ùn, Sànwɔbaà yè b'a ka gàne sɔn ɲan kɔn, nìi ni jìran. È ni mɔn, è dziɲaan màsà gane reè sapɛ kpadè à ra jaa soo.

Lukì 4:5 Referans Kwoze

Efɛsika reè 6:12

È ɲɛn à tsɛ, ɲe na ni kaà rà ko adamàdzin mòdzin ì ka waa, ŋà ɲe ko nìì reè ni à ra, tɔ kùntsii rèè rìì, ko fààntsi rèè, ko dziɲaan tsitsiɛ̀ kùntsii rèè, ko gooɲaan kwey nìì reè ni jìrànxɔ rɔ̀n.

Korɛntsika reè jɔ̀naà 15:52

Tɔ nà fa bo mɔn jaadzii tsyeè ko saàn fi, gàne soo ɲàn, vuru lataan fyɛ sii sèè. È ɲɛn à tsɛ, vur'la nà fyɛ, fùn nèè yè sèè kpunan bo saàn ɲàn twɛy fa fyee dɛ, ɲe, ɲe la yeè kere.

Matsiyù 4:8

Tà shɔ̀ùn, Sànwɔbaà yè b'a ka kɔn jèn gbààn sɔn senfi. Tɔ̀un è dziɲaan màsà gane reè ko è nɔɔrɔɔ̀ sapɛ kpadè à ra.

Efɛsika reè 2:2

Ye na ni twɛy goo tsu rèè ɲàn dan, ye yè bà na jìɛ è kòrò nèe dziɲan ree ko e kuntsiɛ̀ rè goo fau'n kur'la ka, nìi kwey rèè kùntsiɛ̀. Tɔ̀ dzia to bèe jɔun she, è faagoò fa mòdzin mabaunma rèè ɲàn Ŋaablà ma.

Korɛntsika reè fiiraa 4:17

Àwà ɲe re nèe waatsi ree byɛnbee, tɔ̀ ŋɔn fyɛn è bà dɔ̀n boò. À nɔɔrɔ ko nɔɔrɔ rìì mà byɛn tsùɔ ɲe re, dò na ni nìi mà waa.

Korɛntsika reè jɔ̀naà 7:31

Nìì reè dziɲan ree dzibe boò, y'à bà a ci è na à dzibe boò waa. È ɲɛn à tsɛ dziɲan ree ni niu'n kur'liì rà, tɔ nà dɔ̀n bo.

Matsiyù 24:14

Ŋaablà re Màsàbee Kùnàgoo Dziù rèe nà dè dziɲantsiɛ min niì sapɛ, è bà shɛɛrɛbe dziɲantsiɛ kun neè sapɛ re. Tà shɔ̀ùn, dziɲan lataan yè kòmànà wɔ.