Lukì 3:2 - Bible Dzùùngoo Unicode

² Nìì reè na Saaka Jɔundzin bla reè tɔ̀ bwèy, tɔ̀ na Anì, ko Kàyifè. Àwà, è Jakàrìya dzin kpiri Yùxanà to jènjàà kor'nà doùn, Ŋaablà re goomaa yè dzi à tsɛ.

Lukì 3:2 Referans Kwoze

Kɛɛradzin neè faadziɛ 4:6

Nìì reè na ni mɔn, tɔ̀ na Anì, nìi Saaka Jɔundzin blaa, ko Kàyifè, ko Yùxànà tsoo kpɛrɛ, ko Alɛkisandziri tsoo sɔn, è ɲɛn Saaka Jɔundzin blaa rè mòdzìnbee sapɛ tsɛ.

Yùxanà 18:24

Tɔ̀un, Yesù si rèè shì tsùuŋmaà, Anì y'à bàji be Kàyifè rè, Saaka Jɔundzin bla yee.

Lukì 1:80

Àwà, dziɛ̀n yè bɔɔ bèe tɔ̀un, à akir'là sa yeè blàbe beè. Fur'lu, è nà bè to jènjàà kor'nà doùn, fɔ jisee riì à nàu e yɛrɛ kpadè Isirayɛlì mòdzin neè rà.

Yùxanà 1:23

Yùxanà yè dzin ci: «Ŋaablà re kɛɛra Esayì na à deò ci, Mòdzin sɔn sɛɛ̀y vu boò jènjàà kor'nà doùn ci: "Ye mùn Tsìfaà rè shia lamɔnɔ̀n, è bà tereòn can." Tɔ dèu mòò riì tsɛ, tɔ̀ rii mun.»

Matsiyù 26:3

Tà doùn, Saaka Jɔundzin neè, ko Dzyèèsìbee mòdzin neè rè bɔɔ rèè yè e si ladzyeè Saaka Jɔundzin blaa rè gàne rɔ̀n, tɔ̀ niì tsoo Kàyifè.

Matsiyù 11:7

Àyìwà, Yùxanà rè kɛɛra reè dɔ̀n bèuma shɔ̀ùn, Yesù yè e maa è dziàn jàmaà nà Yùxanà raa goò tsɛ ci: «Ye bèumaà nà jènjàà kor'nà doùn, ye bèu fee rìì jà jènjàà kor'nà doùn, ye bèu fee rìì jà ? Ye bèu vun maana ni jà fyɛɛn y'à flɛ̀flɛɛra ɔ ?

Marikì 1:2

Àyìwà à sɛbɛɔ̀n kɛɛra Esayì rè kìtaabuà doùn ci: «Mun Ŋaablà, mun nà n ne kɛɛradzian ka bè wo jɔun, è bè wo dɔ̀n shià lamɔnɔ̀n tsùù wo jɔun.