Lukì 2:2 - Bible Dzùùngoo Unicode

² Tɔ̀ na tà goò fa jaa jɔ̀na nì. À goò faa waatsi riì bwèy, tɔ̀ y'a tàrà Siiri jàmààntsià tsoo ci Kirinisì.

Lukì 2:2 Referans Kwoze

Lukì 3:1

Àyìwà, màsa bla riì nàu tsùù Ɔ̀rɔ̀mùn jamaan kùùn tà shɔ̀ùn, è bà ni jàmaan giri kùùn, tɔ̀ màsaa tsoo na ci Tsibɛrì. Tsibɛrì raa màsàbee jii teeŋ nunaa nà, kpir'liì na Yude mar'la raa jàmààntsià, tɔ̀ tsoo na ci Pɔɔnsi Pilatsì, è ba ɔ̀rɔ̀mùka. Nìi Galile mar'la, tɔ̀ jàmààntsià tsoo na ci Erodzì. Màrà fii sɔn na ni, ci Ituri ko Tarakonitsì. Twɛy raa jàmààntsià tsoo na ci Fìlipù, è bà Erodzì raa tsìnà kpiri. Màr'lìi tsoo na ci Abilɛnɛ̀, tɔ̀ jàmààntsià tsoo na ci Lizaniyasì.

Kɛɛradzin neè faadziɛ 26:30

Tɔ̀un, màsà kpiri Agiripà yè fù, Fɛsitusì yè fù, Berenisì yè fù, ko gè o ge na tsùuŋnà è ka, twɛy sapɛ yeè fù.

Kɛɛradzin neè faadziɛ 23:26

Tɔ̀ sɛbɛɛn doùn, à ci: «Mun Kloodzì Lisiyasì rìì nèe sɛbɛn nee kaà wo jàmààntsì sɔbɛn Fèlisì rè. M'a tswaà.

Kɛɛradzin neè faadziɛ 18:12

Àwà, jàmààntsi sɔn na ni, ci Galiɲɔn, è bà na tsùuŋnà jàmàan sɔn kuùn, ci Akayì. Tɔ̀ jàmààntsià raa waatsi rɔn, Dzyèèsìbee mòdzin neè yè byɛ̀n fa Polì kùùn, y'à kun, yè b'a ka kitsi kunun kur'là mòdzin neè rè.

Kɛɛradzin neè faadziɛ 13:7

Tɔ̀ gàneè jàmààntsi rìi na ni, ci Sɛriyusì Polusì, è bà Ɔ̀rɔ̀mùnka, à sa na tɔ̀ tɛyn dzian sɔn ni. Tɔ̀ jàmààntsià na mòdzin akiridzi. Àwà, è Barinabasì ko Sɔlì kiri tɔ̀un, kàtsu à sàò na n'a re, yè wò toro kɔ̀ Ŋaablà re goomaa nà.

Kɛɛradzin neè faadziɛ 5:37

Tà shɔ̀ùn, Galileka kpiri sɔn yeè nà fù kɔn, tɔ̀ tsoo yè bà na ci Yudà. Jàmaàn mòdzian tsoò sɛbɛun jii riì rà, sànko è dzii yè tɔ̀, tɔ̀ raà fau tɔ̀ jiɛ rìì là. Tɔ̀ sa y'a fau mòò giri yè e gban à kpɛyn. Ŋà, tɔ̀ sa to vuu, à kpɛyn dzin neè sapɛ yeè jee.

Matsiyù 4:24

À tsoò yè bo, è dzi Siiri jamaan min niì sapɛ. Tɔ̀un, yè nàa ɲìnìnkɔɔn sapɛ ka à re, à yè è cɛrɛmabeè, ɲìnìnkɔɔn kaatsià sapɛ, ko tɔɔrɔkɔɔn kaatsià sapɛ: kweykɔɔn reè, ko kìnìnkìnìnsànkɔɔn reè, ko mùrùku reè.

Lukì 2:1

Àyìwà, tɔ̀ waatsi rɔn, màsa bla sɔn na ni Ɔ̀rɔ̀mùn jamaan ɲàn, è bà tsùuŋnà jàmàan giri kùùn. Tɔ̀ màsaa tsoo na ci Ogisì. Tɔ̀un, Ogisì yè dzin jàmaàn mòdzian sapɛ tsoo yè sɛbɛn, è dzii yè tɔ̀.

Lukì 2:3

Tà tsoo sɛbɛɛn doùn, à na deò ci mòdzian sapɛ yeè bè e raa fa e fatsii doùn.