Bib sou entènèt

Lukì 10:2 - Bible Dzùùngoo Unicode

² Tɔ̀un, è dzin è ra ci: «Shìmaan gaaramaà giri, ŋà faagoo fa reè dzyɛ̀n. Ye dzùtsià màfyɛ̀n, è faagoo fa reè tɛ̀y gaa be dzù rɔ̀n, y'à re shìmaan gaa.

Gade chapit la Kopi

tounen moute ⬆

Lukì 10:2
48 Referans Kwoze

Tesalonikika reè jɔ̀naà 5:12

Àwà neema ì, nìì reè byɛɛn faagoò rà ye fi, yè bà ni ye kùùn Tsìfaà ɲàn, yè bà ye latsia, ɲe y'à gaa ye re, ye è blàbe.

Marikì 16:15

Tà sapɛ shɔùn, è kòmànà dzin è ra ci: «Ye bè dziɲantsiɛ min niì sapɛ, ye mòdzian sapɛ toro kɔ̀ Kùnàgoo Dziɔ̀ rà

Tsìmotè fiiraa 4:5

Ŋà nìi wo, goò sapɛ doùn, bà mòdzin, nìi akiri ni e yɛr'le. Byɛnbee ku a ɲan, e Kùnàgoo Dziɔ̀ dè. A re faagoò fa, a dzii tsyɛn.

Tesalonikika reè fiiraa 3:1

Dòònuùn neema ì, arì she, ye Ŋaablà mafyɛ̀n mùn ne, gè riì ni à to, Tsìfaà rè goomaa yè bè jɔun tabe, blàbe yeè ɲɛn à tsɛ, a ci à faa ye re nìi tsuru.

Marikì 13:34

À ni a ci nèe kpir'lee raa goò kaatsi: à ci e ye bè jìì rà, è re gbàà goo rèè kùntsììbe sin to e re jòn nèè rà, è faagoo farama sìn è soo soo sapɛ ra. Dziɛ̀ kplatsuubaà, è dzin to tɔ̀ ra, ci è to tsùù e jaa ra.

Tsìmotè jɔ̀naà 4:10

Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Kɛɛradzin neè faadziɛ 22:21

Tsìfaà yè dzin mun na tɔ̀un ci: "Bo wɔ̀ rèe doùn, a wa, mun nà wo ka bè jeenà kun kpɛrɛ mòdzin ì nì nè."»

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Kɛɛradzin neè faadziɛ 13:4

Ŋaablà re Dzi Fɛnɛɛ Barinabasì ko Sɔlì kau tɔ̀ rii tsuru. Yè dɔ̀n be wɔ̀ sɔn ɲan, ci Selesi. Àwà, Shipùrù jàmaàn ni kòòyua shiɲaanfi dzɔ̀nxɔ sɔn tsɛ. È wɔu Selesi tɔ̀un do, yè konkoron bla sen mɔn, yè kòòyua fuu, yè dɔ̀n be wɔ̀ sɔn ɲan, ci Salaminìn, tɔ ni kòòyua dzii kpɛyn Shipùrù jàmàan nɔ̀n.

Kɛɛradzin neè faadziɛ 13:2

Àyìwà, sii sɔn see, è na e ladzyèeŋnà yè bà mùn Tsìfaà blàbee, tɔ̀ y'a tàrà, è ni suàn nà. Tɔ̀un, Ŋaablà re Dzi Fɛnɛɛ yè dzin è ra ci: «Mun taa ni Barinabasì ko Sɔlì mà faagoo rìi rà, ye twɛy bo ji e si mun ne, yè tɔ̀ fa.»

Kɛɛradzin neè faadziɛ 11:19

Àyìwà, Etsiyɛnìn vuumaà shɔ̀ùn, Dzyèèsìbee mòdzin neè byɛnbe ɲaùn nìi jiu Yesù rè kàràndzin neè tsɛ, tɔ̀ na è vwɛ̀yn jeeŋna min niì sapɛ. È ɲan, swey bèu fɔ jàmàan sɔn ɲan, ci Fenisi, swey yè bè Shipùrù jàmàan nɔ̀n, swey yè bè wɔ̀ sɔn ɲan, ci Antsiyɔshì. Ŋà, Dzyèèsìbee mòdzin neè boshɔ̀ùn, è naà mòò kpɛrɛ toro kɔ̀ɔ Ŋaablà re goomaa nà waa.

Kɛɛradzin neè faadziɛ 8:4

Nìi reè na jeeŋna, twɛy na e ɲantsyeere beè gàne rèè ɲàn, yè mòdzian toro kɔ̀ beè Kùnàgoo Dziɔ̀ rà.

Lukì 9:1

Twɛy goo rèè sapɛ shɔùn, Yesù yè e re kàràndzin teeŋ fii rèè sapɛ dzyeèmaa kiri. Tɔ̀un, è dzi ko fààn sin è ra, nìi dzia à to yè kwey rèè kaa bo kweykɔɔn reè kpɛyn, yè bà dzia ɲìnìnkɔɔn reè sa cɛrɛmabe.

Marikì 16:20

Kàràndzin neè sa yeè dɔ̀n be, yè bè Kùnàgoo Dziɔ̀ gbango beè min niì sapɛ. Tsìfaà na wɔɔ è ra faagoò doùn. À na dzi siɔ̀n è ra yè kabagoo goo reè faa, tɔ̀ y'a kpàdè, ci è re gooma reè sààben.]

Matsiyù 20:1

Àyìwà Yesù yè gooma bɔɔ sɔn ka tàlen ban kɔn, nìi yɛ nèe ci: «Àwà Ŋaablà re Màsàbee boo dzùtsi sɔn ne, nìi bou gbishɛɛ̀mà nɔ̀n, è bè faagoofadzin ì gaa, ci yè bè faagoo fa wò re ɛ̀rɛ̀nzhɛ̀ndzu rɔ̀n.

Filipika reè 2:25

Ŋà m'a jaɔ̀ ci, nìi Epaforodzitsì, mun neemaa, mun faagoofasià ko mun dzwɛ̀mabaà kaà doùn, à wù min tɔ̀ sèè bàji be ye re, ye tɔ̀ niì kau mun màgòò ge reè ka, è nà wɔ mun na.

Filipika reè 2:21

È sapɛ yeè e yɛr'la raa nàfaà rìì gaa, pɛn na Yesù Kirisà raà gaa waa.

Korɛntsika reè jɔ̀naà 12:28

Tà tsuru, Ŋaabla mòdzin ì bou è tsùù ɲɛynamoo kur'là jɔun nìì reè yɛ: jɔ̀naà, tɔ kɛɛradzin neè, fiiraa, tɔ kɛɛra reè, zhììgìraa, tɔ kàrànfa rèè. Tà shɔ̀ùn, nìì reè kabagoo goo reè faa, ko ɲìn'nèè cɛrɛmabeè dzia siɔ̀n nìì reè rà, dzwɛ̀mà faa dzia, kurukuin faa dzia, ko kungooma kpɛrɛ dee dzia.

Kolosika reè 1:29

Tɔ̀ rii kamà, min bà n yɛrɛ siàn faagoò byɛnbee rà, min sikuan fa è kòrò à re faagoò ka mun ɲan, tɔ̀ niì faa dzibaabe ka.

Filipika reè 2:30

È ɲɛn à tsɛ, Kirisà rè faagoò rìì kamà, à na gaa san. È xɔɔn sìun, gè riì ni à to ye fa ni dzi nìi fa mun ne waa, è tɔ̀ fa ye tsɔ̀saan ɲàn.

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Tesalonikika reè jɔ̀naà 2:9

Àwà neema reè, ye taa ni ɲe re faagoo xɔɔ̀ ko ɲe re byɛnbee rè. Ɲe faagoò fau feèn ko bwèè sa, ɲe mà nà bà ye sɔn ne seyn waa, ɲe yè Ŋaablà re Kùnàgoo Dziɔ̀ dè ye ra.

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Filemɔ̀n 1:1

Mun Polì, Yesù Kirisà rè kàsòdzian ko Tsìmotè, mùn neema kpir'la, nèe ɲe re sɛbɛn, è sìn wo Filemɔ̀n nà, ɲe re kɛ̀niunmaà, ko ɲe faagoofasià.

Goo kpàdèuma rèè 2:1

«Àwà ɲɛynamoo kur'lìi ni Efɛsì wɔ̀ rɔ̀n, sɛbɛn ka tɔ̀ mɛ̀rɛ̀kɛɛ̀ rè, a dè ci: "Swɛyn ɲɛ̀ɛ̀nuàn ni nìi sirama sia doùn, è bà jìɛ fìtsìnà ge sɛnuma ɲɛɛ̀nuàn fi, tɔ nìi dèe, tɔ̀ rii siin:

Swiv nou:

Lyen patwone

Piblisite

Piblisite