Dzyèèsìbee mòdzin neè 9:4 - Bible Dzùùngoo Unicode

⁴ Tɔ̀ gàne rɔ̀n, wushuna dzuma gè sɛnuma na ni, ko Dzyèèsìbee sùàn tɔ̀ màà sapɛ yeè bà ni sɛn'na ka. Tɔ̀ sùàn doùn, tsyɛn sɛnuma na ni, manuàn yè bà ni tɔ̀ doùn. Arunà rè kɔ̀n nìi kaun, tɔ̀ na ni. Ŋaablà dzugooma xɔù tsyeùn nèè na ɲììriɔ̀ wàla kpààma niì reè tsɛ, twɛy sa yeè bà na ni à doùn.

Dzyèèsìbee mòdzin neè 9:4 Referans Kwoze

Goo kpàdèuma rèè 8:3

Tɔ̀ ɲan, mɛ̀rɛ̀kɛ kpɛrɛ yè nà kɔn, tɔ̀ yeè nà e tsiì saakabomaà tɛyn, wushuna tsyɛn sɛnuma yeè bà ni à suun. Wushuna kinin dziù giri yè sìn à ra, è bà ni tɔ̀ ko Ŋaablà re mòdzin neè sapɛ re màfyɛyn nèè sìn esire saaka saakaboma sɛnumaa tsɛ, tɔ̀ niì ni màsà gbaaniɛn jaaterema.

Goo kpàdèuma rèè 11:19

Àwà, Ŋaablà re gbà blà riì ni jìrànxɔɔ̀ doùn, tɔ̀ dzii yè san. Dzyèèsìbee sùàn yè jà à re gbà blàa doùn. Tɔ̀un ŋaà yè myɛ̀ɛ̀n, gooma vu ì yè bo, ŋaà yè sɛ̀ɛ̀y, dzɔ̀nxɔɔmaà yè kpìnìn, sankaamadzian yè jàà giri.