Dzyèèsìbee mòdzin neè 5:1 - Bible Dzùùngoo Unicode

¹ Àyìwà, saaka jɔundzian gè o ge, à boò mòdzian nì ɲàn, è tsùù, à yè è re goo rèè jaa boò Ŋaablà re. À raa faagoò rìì yɛ, gè o ge ka kwɛ̀y faa Ŋaa re, ko saaka nìì reè boò, è twɛy ladzi Ŋaablà tsɛ, mòdzian re gooɲaan fakɔɔn reè kamà.

Dzyèèsìbee mòdzin neè 5:1 Referans Kwoze

Dzyèèsìbee mòdzin neè 8:3

Saaka jɔundzian gè o ge, à tsùuŋnà nì, è bà kwɛ̀y faa gè rèè, ko saaka rèè ladzia Ŋaablà tsɛ. Tà doùn Yesù, ɲe raa saaka jɔundzian, tɔ̀ sa wù, è bà ge ì ladzia Ŋaablà tsɛ.

Dzyèèsìbee mòdzin neè 10:11

Màan ji o ji seroun, saakagoojaabobaà soo soo sapɛ ni e san tsɛ Ŋaablà re faagoò rà. Kudɛyn, è saaka soo niì reè boò, è twɛy rìì boò, twɛy pɛn to na dzia gooɲaantsiɛ bo mòò vu ra waa.

Dzyèèsìbee mòdzin neè 11:4

Abɛlì ɲɛunmaà kamà Ŋaablà ra, à saaka bou nìi vùn Kayinìn naà mà. Tɔ̀ baraka rɔ̀n, Ŋaablà yeè e tsiiŋ à re blàbee rà, nìi y'à re saakaà, è kpàdè ci à tereòn. Abɛlì kpɛ̀yn saun, ŋà, à ɲɛunmaà kamà Ŋaablà ra, tɔ̀ baraka rɔ̀n, à goomaa arì she ŋe.

Dzyèèsìbee mòdzin neè 9:9

Àwà, twɛy goo rèè na dòònuùn naa waatsia goo rèè rìì tàànmàshɛn. Tɔ̀ y'a kpàdèe, ci twɛy saaka nìì reè na boò, ko twɛy kwɛ̀y niì reè na faa Ŋaablà re, tɔ̀ naà dzia à to, tɔ̀ fabaà duɔ̀n yè fòò fyɛ waa.

Dzyèèsìbee mòdzin neè 7:27

Nìi Saaka Jɔundzin dzyee reè, twɛy saakaà boò jisee sapɛ e yɛr'la raa gooɲaan neè kamà, yè sèè yè sɔn bo mòdzian raa rèè kamà. Ŋà Yesù, tɔ̀ màgoo na ni tɔ̀ ra waa. È yɛr'la rìì sìun jaa soo kerekete saaka, saaka kpɛrɛ na ni nìi shɔ̀ùn dɛ.

Dzyèèsìbee mòdzin neè 2:17

Tɔ̀ rii kamà, à na wù, è bà e neema reè tsuru mòdzin kàjaa sapɛ tsɛ, sànko, è bà Saaka Jɔundzin, wùù ni nìi ɲàn, è bà vusootsi Ŋaablà re faagoò doùn. Tɔ̀ na wù è fa, sànko è mòdzian rè gooɲaantsii reè bo è vu ra.

Ɔ̀rɔ̀mùnka reè 15:17

Tà doùn, Yesù Kirisà baraka rɔ̀n, mun dzia n yɛrɛblabe è ɲɛn Ŋaablà re faagoò tsɛ.

Korɛntsika reè jɔ̀naà 15:3

Mun yɛ̀r'la kàràn nìi tàrau, mun tɔ̀ jɔ̀na deu ye ra, nìi yɛ, ci Kirisà saun ɲe re gooɲaantsii reè kamà, a ci à sɛbɛɔ̀n Ŋaablà re Goomaa doùn nìi tsuru.

Dzyèèsìbee mòdzin neè 8:4

È bà na ni dzɔ̀nxɔɔ̀ rìì tsɛ, à yɛ̀rɛ̀ fa bà saakagoojaabobaa tsu waa, kàtsu, saakagoojaabobaa ì ni nòn, yè bà kwɛ̀y faa gè rèè ladzia Ŋaablà tsɛ, a ci Musà rè sàrìyaa y'à kpàdeò nìi tsuru.

Dzyèèsìbee mòdzin neè 10:12

Ŋà, Ŋaablà Jaa ra Moò, tɔ saaka jaa soo pe rii bou, nìi ni tsuù kudɛyn, è bà ni mòdzian rè gooɲaantsiɛ bo è vu ra. Tà shɔ̀ùn, è tsuù Ŋaablà sirama si jaa rè.