Dzyèèsìbee mòdzin neè 4:6 - Bible Dzùùngoo Unicode

⁶ Nìì reè jɔ̀na Kùnàgoo Dziɔ̀ goomaa myɛ̀un, twɛy na dɔn mɔn waa, kàtsu, è na ɲɛn à ra y'à shi jiì waa. Àwà, à kpɛ̀yn fyɛɔ, ci mòdzin ì nà dɔ̀n tɔ̀ ɲànwɔma nɔ̀n.

Dzyèèsìbee mòdzin neè 4:6 Referans Kwoze

Matsiyù 21:43

Yesù yè dzin kɔn ci: «Tɔ̀ kamà, mun nì ci e ra, Ŋaablà re Màsàbee nà bo ye suun è sìn kun na, nìi y'à ra goo faa.

Dzyèèsìbee mòdzin neè 4:2

Kùnàgoo Dziɔ̀ goomaa dèu ɲe ra, a ci à dèu ɲe fàbɔɔ rèè sa ra nìi tsuru. Ŋà, à myɛ̀unmaà ko e raà sa twɛy rè, à na è màgoo wube waa, kàtsu nìì reè y'à myɛ̀un yè ɲɛn à ra, è na e tsiì yè e ba twɛy tɛ̀y waa.

Kɛɛradzin neè faadziɛ 28:28

Tɔ̀ goomaa shɔ̀ùn, Polì yè dzin è ra kɔn ci: «Àwà, ye bà à tɔ̀, ci Ŋaabla mòò tsià nìi tsuru, tɔ̀ goomaa nà dè kun kpɛrɛ mòdzin neè rìì là sa ! Twɛy nà e toro wɔ à re.»

Dzyèèsìbee mòdzin neè 4:9

Tà doùn, ɲànwɔ kpɛrɛ too Ŋaablà re mòò rèè rè, nìi Ŋaablà re jisee ɲɛɛnunaa ɲànwɔɔ kaatsi.

Galatsika reè 3:8

Àwà Ŋaablà re Goomaa na à kpàdè tsùuŋnà, ci ɲɛynaà baraka ɲan, Ŋaablà nà kun kpɛrɛ mòdzin neè bà mòdzin tereonma ì. Tà doùn, à nèe Kùnàgoo Dziù rèe dè tsùuŋ Ibraximà nà ci: «Wo rìì ɲàn, kun neè sapɛ nà dzwɛ tàrà.»

Korɛntsika reè jɔ̀naà 7:29

Àwà neema reè, mun nìi dèe e ra, tɔ̀ rii yɛ ci waatsia kurubeu. Tà doùn, dòònuùn, tàan ni nìì reè rè, y'à bà a ci tàan na ni è re waa.

Dzyèèsìbee mòdzin neè 4:11

Tɔ̀ kamà, y'a to mìn maxɔbe, mìn dɔ̀n tɔ̀ ɲànwɔma nɔn. Y'a to mìn tɔ̀ fa, sànko, mòò mà nà jà mùn ɲan, Ŋaablà dzugoomaa shi jiìbɛ̀ybeè kamà, a ci ɲe fàbɔɔ rèè, è to dɔ̀n bɛy waa.