Dzyèèsìbee mòdzin neè 4:2 - Bible Dzùùngoo Unicode

² Kùnàgoo Dziɔ̀ goomaa dèu ɲe ra, a ci à dèu ɲe fàbɔɔ rèè sa ra nìi tsuru. Ŋà, à myɛ̀unmaà ko e raà sa twɛy rè, à na è màgoo wube waa, kàtsu nìì reè y'à myɛ̀un yè ɲɛn à ra, è na e tsiì yè e ba twɛy tɛ̀y waa.

Dzyèèsìbee mòdzin neè 4:2 Referans Kwoze

Tesalonikika reè jɔ̀naà 2:13

Tɔ̀ kamà, kudɛyn ɲe baraka sìan Ŋaablà ra sa, è ɲɛn à tsɛ ye y'à re gooma niì myɛ̀un ɲe re, ye na e tsiì à ra, ci à adamàdzin mòdzin ì nè gooma waa, ŋà ci à Ŋaablà re gooma ni taki, nìi faagoò faa ye ɲɛynamoo rèè ɲàn.

Dzyèèsìbee mòdzin neè 11:6

Mòò riì na ɲɛɔ̀n Ŋaablà ra fyeu, tɔ̀ goo na dzia dzibe à ra waa. Àwà, mòò riì yè e kpɛr'la Ŋaablà ra fɔ è ɲɛn à ra, ci Ŋaablà ni, à to nà e gaabaa rèè sàrà.

Dzyèèsìbee mòdzin neè 3:12

Tɔ̀ gàneè doùn, n neema ì, ye e yɛrɛ kaàwɔ, mòò mà nà jà e ɲan, akiri ɲaan ni nìi ɲàn, à na ɲɛɔ̀n Ŋaablà ra waa, fɔ è bè bà saabu, è nɔn Ŋaablà jaamaa rè waa.

Tsìmotè jɔ̀naà 4:8

E a gɔɔ̀n dɛ̀ɛ̀y ɲuun fa ra, tɔ̀ nàfaà dzyɛ̀n, ŋà nàfa ni nìi ɲàn è geren, tɔ̀ rii Ŋaablà jɔun shiɲaanbeè, è ɲɛn à tsɛ jaamabee làyir'là seòn tɔ̀ rii ɲàn she ko gbey sa.

Ɔ̀rɔ̀mùnka reè 2:25

Àwà, a kpɛynto ye ba sàrìyaa shi jiɛ, mòo dzia dzin ci nàfa ni a shɛunmaà ɲàn. Ŋà w'e ba à bar'la rìì, a shɛunmaà ko e raa sa, à ni a ci a na shɛɔn tsu.

Kɛɛradzin neè faadziɛ 13:46

Polì ko Barinabasì akiri tsùuŋma yè dzin è ra ci: «Ye Dzyèèsìbee mòdzin neè, Ŋaablà re goomaa na wù, è dè ye rìì jɔ̀na na ŋe. Ŋà, ye to yè e nɔn niì faa à re, ye y'à jaɔ̀ ci ye na wù ko jaamabe dòbɛɛ ka waa. Tà doùn, nìì reè na Dzyèèsìbee mòdzin ì waa, ɲe nà e kpɛrɛ̀ à ka twɛy rà.

Yàkubà 1:21

Tɔ̀ kamà, ye san bo goo nooŋmaà sapɛ ɲan, ye sèè bo ɲanbe goo dzyee reè sapɛ kpɛyn. Ŋaablà re gooma niì jiɔ̀ e duùn, ye e tsiì tɔ̀ ra ko vununmacin ka. Tɔ̀ rii dzia ye xɔɔn tsi.

Dzyèèsìbee mòdzin neè 4:6

Nìì reè jɔ̀na Kùnàgoo Dziɔ̀ goomaa myɛ̀un, twɛy na dɔn mɔn waa, kàtsu, è na ɲɛn à ra y'à shi jiì waa. Àwà, à kpɛ̀yn fyɛɔ, ci mòdzin ì nà dɔ̀n tɔ̀ ɲànwɔma nɔ̀n.

Korɛntsika reè jɔ̀naà 13:3

Mun to kɛ̀nsɛɛn ye n suun gee sapɛ tanan tanan gbakɔɔn reè rà ɲwɛyn, min n gɔɔ̀n sìn è dzu, kɛ̀nbààbe ma ba ni mun ɲan, mun na gèsɔn wùbee waa.

Piyɛrì jɔ̀naà 1:12

À kpàdèu è ra ci è na ni tɔ̀ faagoo rìi rà, à naà è yɛ̀r'leè raa waa, ŋà è na tɔ̀ faa ye rìì lè. Ŋaablà re Dzi Fɛnɛɛ baraka ɲan, tɔ̀ riì kau è bo jìrànxɔ rɔ̀n, Kùnàgòò Dzìù de reè tɔ̀ goò rìì gooma deu ye ra dòònuùn, mɛ̀rɛ̀kɛ rèè sa yeè bà n'a re, ye jaa yè ɲɛn à mà.

Tesalonikika reè jɔ̀naà 1:5

È ɲɛn à tsɛ, ɲe re Kùnàgoo Dziɔ̀ goomaa na dzi ye tsɛ gooma basɔùn ka waa, ŋà à dziu ko dzibaabe ka Ŋaablà re Dzi Fɛnɛɛ baraka rɔ̀n, sɔ̀swɛy na ni nìi ɲàn waa. Àwà ye wùbe kamà, ɲe yè e re jaamabee fau fau'n kur'liì rà ye fi, ye tɔ̀ tɔ̀.

Galatsika reè 3:8

Àwà Ŋaablà re Goomaa na à kpàdè tsùuŋnà, ci ɲɛynaà baraka ɲan, Ŋaablà nà kun kpɛrɛ mòdzin neè bà mòdzin tereonma ì. Tà doùn, à nèe Kùnàgoo Dziù rèe dè tsùuŋ Ibraximà nà ci: «Wo rìì ɲàn, kun neè sapɛ nà dzwɛ tàrà.»

Galatsika reè 4:13

Àwà y'a tɔ̀ ci mun Kùnàgoo Dziɔ̀ dè jaa jɔ̀na nìi fau ye ra, mun tɔ̀ fau ɲìn'nì saabu ɲan.

Kɛɛradzin neè faadziɛ 3:26

Àwà, a y'a jà Ŋaablà yeè e re faagoofadzin Yesù bàji na, à tɔ̀ fau ye rìì jɔ̀na re ŋe. À y'à ka nau, è nà bà dzwɛ ye mà, ye mòò sɔ̀n sɔ̀nkɔɔn sa yeè sèè bo e re gooɲaan fakɔɔn kpɛyn.»

Ɔ̀rɔ̀mùnka reè 3:3

À ni dzùrù ? Swey kɛ̀nsɛɛn ma ba bàu vusootsi tɔ̀ goò doùn, tɔ dzia Ŋaablà raa vusootsibee sà ɔ̀ ?

Galatsika reè 3:2

Mun sào ni min nèe goo soo ree jaa tɔ̀ ye re: ye Ŋaablà re Dzia tàrau sàrìyaa goo rèè shi jiɛ rìì baraka ɲan raà, tàà y'a tàrau ɲɛynaà goomaa lamyɛɛ̀n nì saabu ɲan ?