Dzyèèsìbee mòdzin neè 4:10 - Bible Dzùùngoo Unicode

¹⁰ Àwà, mòò riì ye dɔn Ŋaablà re ɲànwɔma nɔ̀n, Ŋaablà re faagoò dòu nìi tsuru è ɲanwɔ, tɔ̀ tsìfa sa raa faagoò dòo tɔ̀ rii tsuru, è ɲanwɔ.

Dzyèèsìbee mòdzin neè 4:10 Referans Kwoze

Goo kpàdèuma rèè 14:13

Tà shɔ̀ùn, min gooma vu sɔn myɛn è bo fɔ jìrànxɔɔ̀ doùn, tɔ dziàn ci: «À sɛbɛn ci: Nìì reè saàn yè bà ɲɛɔ̀n Tsìfaà rà, fɔ dòònuùn, twɛy raa wùbeu.» Ŋaablà re Dzia ci: «Ɔ̀ɔn, è nà e ɲanwɔ yè bo e re byɛnbee ɲàn, kàtsu è faadziɛ ni è kpɛyn.»

Dzyèèsìbee mòdzin neè 10:12

Ŋà, Ŋaablà Jaa ra Moò, tɔ saaka jaa soo pe rii bou, nìi ni tsuù kudɛyn, è bà ni mòdzian rè gooɲaantsiɛ bo è vu ra. Tà shɔ̀ùn, è tsuù Ŋaablà sirama si jaa rè.

Yùxanà 19:30

À mììnge kùunma rèe nèeŋ min niì, è dzin ci: «Goò sapɛ dzii tsyɛun !» Tà shɔ̀ùn, è kungɔ sùùru, è xɔn bo.

Dzyèèsìbee mòdzin neè 1:3

Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

Dzyèèsìbee mòdzin neè 4:9

Tà doùn, ɲànwɔ kpɛrɛ too Ŋaablà re mòò rèè rè, nìi Ŋaablà re jisee ɲɛɛnunaa ɲànwɔɔ kaatsi.

Goo kpàdèuma rèè 6:11

Tɔ̀un, mɛ̀yɛ̀ blà fyɛ yeè sìn è soo sookɔɔn sapɛ ra, è dè è ra ci yè e mɔɲɔn dɛyn ŋe. Yè e mɔɲɔn dɛyn, fɔ è faagoofasi nìì reè ko è neemasi niì reè ni, twɛy yè bà nà vu è tsuru, yè è dzii tsyɛn, twɛy yè vu.