Dzyèèsìbee mòdzin neè 4:1 - Bible Dzùùngoo Unicode

¹ Àwà, Ŋaabla ɲànwɔma nìi làyiri seòn mùn ne tɔ̀ goò na mɛrɔɔn waa. Tà doùn, è tɔ̀ to tsùù sààn, mìn yɛrɛ kaàwɔ, mòò mà nà jà e ɲan, nìi raa goo nà à to, è to dɔ̀n bɛy waa.

Dzyèèsìbee mòdzin neè 4:1 Referans Kwoze

Dzyèèsìbee mòdzin neè 12:15

Ye e yɛrɛ kaàwɔ, mòò pɛn mà nà e dzii bo Ŋaablà ɲanwùɔ ɲàn waa. Mòò pɛn to mà jà e ɲan, nìi nà xe bo a ci gɔ̀ɔ̀jii bàà ɲaùn, è goo rèè gbiiman waa. Tà boshɔ̀ùn, à bàà nà mòò giri sa kun.

Dzyèèsìbee mòdzin neè 4:11

Tɔ̀ kamà, y'a to mìn maxɔbe, mìn dɔ̀n tɔ̀ ɲànwɔma nɔn. Y'a to mìn tɔ̀ fa, sànko, mòò mà nà jà mùn ɲan, Ŋaablà dzugoomaa shi jiìbɛ̀ybeè kamà, a ci ɲe fàbɔɔ rèè, è to dɔ̀n bɛy waa.

Dzyèèsìbee mòdzin neè 4:9

Tà doùn, ɲànwɔ kpɛrɛ too Ŋaablà re mòò rèè rè, nìi Ŋaablà re jisee ɲɛɛnunaa ɲànwɔɔ kaatsi.

Dzyèèsìbee mòdzin neè 13:7

E jɔundzin bɔrɔɔ niì reè yè è toro kɔ̀ dɔ̀un Ŋaablà re goomaa nà, ye e taa to twɛy rè. È re jaamabee lataun nìi tsuru, ye tɔ̀ siin, e sa yeè ɲɛn Ŋaablà ra è raà tsuru.

Tsìmotè fiiraa 2:13

Ɲe ma ba vusootsi, à vuusootsi, kàtsu, à na dzia e dziira tsɛ e yɛr'la waa.»

Korɛntsika reè jɔ̀naà 10:12

Tà doùn, mòò riì y'à jàa ci wo ni e san tsɛ, tɔ̀ yeè e yɛrɛ kun, à mà nà mɛɛy waa.

Ɔ̀rɔ̀mùnka reè 11:20

À kpɛ̀yn sààben ! È jèè bou mɔn, è re ɲɛynabɛybeè yè bà saabu, ŋà wo yè bà shiɔ̀ mɔn, tɔ ɲɛynaà nì saabu. Tà doùn, maà a yɛrɛ blabe waa, ŋà shi rii.

Ɔ̀rɔ̀mùnka reè 3:23

Àwà mòdzian sapɛ gooɲaan fau, è sapɛ yeè fɔn Ŋaablà nɔɔrɔɔ̀ ɲan.

Dzyèèsìbee mòdzin neè 12:25

Tà doùn, ye e yɛrɛ kun, mòò riì goomaa ye ka, e maà e nɔn tɔ̀ re goomaa lamyɛɛ̀n mà waa. Dan dan, mòò riì yè e sarau mòdzian nà Ŋaablà re goomaa ka dzɔ̀nxɔɔ̀ tsɛ, è na e tsiì yè e toro wɔ tɔ̀ re waa. Tɔ̀un, è na e tsi byɛnbee rà waa. Tɔ̀ ye ba twɛy tàrau, nìi goomaa ɲe ka è bo fɔ jìrànxɔɔ̀ doùn doun mɔn, ɲe ye e bon wɔ tɔ̀ raa goomaa nà, ɲe nà dzi tsi dzùrù ?

Dzyèèsìbee mòdzin neè 3:11

Tɔ̀un, mun ne vununtaà doùn, min n kɛɛ̀y ci: «Mun ɲànwɔma nìi lamɔnɔ̀n tsùuŋnà, min bà ni mɔn, è fa dɔ̀n mɔn dɛ fyeu.»

Matsiyù 24:48

Ŋà, tɔ̀ jòòn ye ba jòn ɲan, à nà à ji e duùn è dzin ci: "Mun kùntsiɛ̀ fa nà tabe waa."

Kɛɛradzin neè faadziɛ 3:19

Dòònuùn, ye sèè bo e re gooɲaan neè kpɛyn, ye e re jaamabee fau'n kur'la lakere, ye sèè na Ŋaablà ra, sànko e re gooɲaan tsìɛ̀ yè mɛɛy bo e vu ra.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Galatsika reè 5:4

Àwà ye nìì reè terenbee gaa sàrìyaa baraka ɲan, ye yè e vyɛ bou Kirisà rà. Ye mɛrɔun Ŋaablà ɲanwùɔ kàjaa tsɛ.