Bib sou entènèt

Paj dakèy
Bib sou entènèt
Dzyèèsìbee mòdzin neè 3:1

Dzyèèsìbee mòdzin neè 3:1 - Bible Dzùùngoo Unicode

¹ Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Gade chapit la Kopi

tounen moute ⬆

Dzyèèsìbee mòdzin neè 3:1
63 Referans Kwoze

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Filipika reè 3:14

Mun vwɛ̀ɛ fɔ è bè wɔ e daùn, gè riì ni à to, Ŋaablà re kir'là Yesù Kirisà ɲàn jìrànxɔɔ̀ doùn, min tɔ̀ tɔ̀n'nà tàrà.

Dzyèèsìbee mòdzin neè 7:26

Tà doùn, mùn màgoo na ni Saaka Jɔundzin niì kaatsi ra taki, tɔ Yesù rìì. À fɛnɛɔ̀, jààma na n'a na, à na gooɲaan pɛn fa ja, à sen bou gooɲaan fa reè ɲàn, è sen teyn fɔ ŋaablaxɔɔ̀ dààn rà.

Efɛsika reè 4:1

Àyìwà, mun nìi kàsòdzin Tsìfaà kamà, m'a gaa e re ci e kiriɔ è ɲɛn kùn nìi tsɛ, ye maxɔbe ye re jaamabee fa, è kòrò tɔ̀ ka.

Piyɛrì jɔ̀naà 2:9

Ŋà ye, ye bàu kun ɲankɛrɛunma, màsà kpir'là rè saakagoojaabobaa ì, jàmààndzin fɛnɛ ì, Ŋaabla nìì reè bàu e raa yè bà ni à re goo blà bla fauma rèè dè, à nìì reè kiri bou tsitsiɛ̀ ɲàn, yè nà à re vyevyee kabagoomaa nà.

Dzyèèsìbee mòdzin neè 2:17

Tɔ̀ rii kamà, à na wù, è bà e neema reè tsuru mòdzin kàjaa sapɛ tsɛ, sànko, è bà Saaka Jɔundzin, wùù ni nìi ɲàn, è bà vusootsi Ŋaablà re faagoò doùn. Tɔ̀ na wù è fa, sànko è mòdzian rè gooɲaantsii reè bo è vu ra.

Dzyèèsìbee mòdzin neè 10:21

Wò rii ɲe re Saaka Jɔundzin, è bà tsùuŋnà Ŋaablà re gbàà goo rèè sapɛ kuùn.

Efɛsika reè 4:4

Gɔn soo pe rii ni, Ŋaablà re Dzi soo pe yeè bà ni, a ci Ŋaabla ye sa kiriɔ siɲɛnma soo pe kamà nìi tsuru.

Tesalonikika reè jɔ̀naà 2:12

Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

Korɛntsika reè jɔ̀naà 9:23

Mun tɔ̀ sapɛ faa Kùnàgoo Dziɔ̀ rìì kamà, gè riì n'a to mun sa yeè bà ni n nin tàrà à ɲan dzyee rèè ka.

Tsìmotè fiiraa 2:7

N nìi dèe, à jàtsi kun. È ɲɛn à tsɛ Tsìfaà nà wo kɔ̀ akiri, wo y'à sapɛ faànmun.

Tsìmotè jɔ̀naà 6:12

Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.

Ɔ̀rɔ̀mùnka reè 15:8

Àwà, mun nà nìi dè, tɔ̀ rii yɛ, ci Ŋaablà re sààbeen rìì kamà, Kirisà yè e ba Dzyèèsìbee mòdzin neè rè faagoofadzin. À tɔ̀ fau nì, sànko Ŋaabla làyiri nìì reè seun fàbɔɔ rèè rè, twɛy yè bà ni bo e shi tsɛ.

Dzyèèsìbee mòdzin neè 2:11

Àwà, Yesù rìì mòdzian bo jia e si Ŋaablà re, gooɲaantsiɛ yè bo è vu ra. À nìì reè bo jia e si Ŋaablà re, gooɲaantsiɛ yè bo è vu ra, fà soo rii ni à ko twɛy sa re. Tɔ̀ rii kamà, è bà ni è kiri, ci wò neema reè, tɔ̀ seey na ni à ra waa.

Yùxanà 20:21

Àwà, Yesù yè dzin è ra e shɔùn ci: «Ŋaa yè xɛɛrɛ fa e re. Mun Fà Ŋaabla mun ka nau nìi tsuru, mun sa ye kaà tà tsuru.»

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

Tsìmotè jɔ̀naà 6:2

Nìì reè kùntsii ɲɛynamoo ì, twɛy mà to e kuntsii rèè blàbe bɛy kàtsu yè e si neema ì waa. Ŋà, yè sɔn ni bà e re faagoò tɛ̀y fau'n kuru wuu ra è re, è ɲɛn à tsɛ, è ɲɛynamoo ì rìì ko neema kɛniunma ì, nìì reè yè è re faagoò nàfa tàr'la. A naà goo nìì reè kàràn mòdzian nà e màxɔ̀n à ra, twɛy rìì yɛ.

Tesalonikika reè fiiraa 2:14

À ye kiriu ɲe re Kùnàgoo Dziɔ̀ baraka rɔ̀n tɔ̀ rii sa kamà, gè riì ni à to ye nìn yè jà mùn Tsìfa Yesù Kirisà nɔɔrɔɔ̀ ɲàn.

Tesalonikika reè fiiraa 1:11

Tɔ̀ kamà, ɲe Ŋaablà mafyɛ̀ɛn ye re kudɛyn, gè riì ni à to, è jà ci ɲe re Ŋaabla ye kiriɔ kùn nìi rà, ye wù tɔ̀ ka, tà ko à re dzibaabee baraka rɔ̀n, ye re goowùɔ ŋɛ̀nɛ̀ɲan wuɔ sapɛ, ko ɲɛynaà faagoò dzii yè tsyɛn.

Tesalonikika reè jɔ̀naà 5:27

M'a gaa e re gaaŋ'n kur'la sapɛ Tsìfaà kamà, ci nèe sɛbɛn nee, y'a to è kàràn neema reè sapɛ re.

Kolosika reè 3:12

Tà doùn, ye nìì reè Ŋaablà jaara bouma rèè, à re mòò rèè ko à re kɛ̀niunma rèè, y'a to màtsuru brisi yè bà ni e ɲan, wùù yeè bà ni e ɲan, màjaa yeè bà ni e ɲan, vununmacin yè bà ni e ɲan, ko mɔ̀ɲɔn.

Kolosika reè 1:22

Ŋà dòònuùn, è ɲɛn à Dzin kpir'la saàn tsɛ gɔɔ̀n ɲàn, à ye ko e fia lamɔnɔun, ye yè bà ni kpadè à jaa dzuun mòdzin ì, nìì reè fɛnɛɔ̀, fyɛ̀ na ni è ra waa, jààma to na ni è ra waa.

Kolosika reè 1:12

ye baraka sin Fà Ŋaablà ra, tɔ̀ niì y'à tou, ye dzi e nin jà à re mòò rèè shɛɛ̀n ɲàn, vyevyee rɔ̀n.

Korɛntsika reè fiiraa 1:7

Ɲe si xɔ nìi tsɛ ye kàjaa tsɛ, tɔ̀ san gbaɔn. È ɲɛn à tsɛ, ɲe y'à tɔ̀ ci è ye ko ɲe dzyèeŋma to byɛnbee mà, ye ko ɲe nà dzyèè vununciàn sa ma.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Ɔ̀rɔ̀mùnka reè 15:27

À kpɛ̀yn sààben y'à ŋɛ̀nɛ̀ɲaun, ŋà è na wù y'à fa sa, kàtsu è re tsìi ni è ra. È ɲɛn à tsɛ, kun kpɛrɛ mòdzin neè ye ba e ninma jau xɔn raa goo rèè ɲàn è bo è re, à wù è sa yeè e ninma ja suun ge reè ɲàn, è bo kun kpɛrɛ mòdzin neè rè.

Ɔ̀rɔ̀mùnka reè 11:17

Tà doùn, oliviku takia sààn neè swey jèè boumaà, wo jòon olivikuà sààn sɔn yeè tsyɛ na shì tɔ̀ sààn dzyee touma rèè fi, wo sa yeè bà ni à jiɛ̀ yuà nàfaà tàrà,

Ɔ̀rɔ̀mùnka reè 9:24

À ɲan màtsur'la mòdzin neè, à ɲe rìì gooma dekɔɔn, ɲe nìì reè kiri bou Dzyèèsìbee mòdzin neè fi, kun kpɛrɛ mòdzin neè.

Yùxanà 20:27

Tà shɔ̀ùn, è dzin Tomà nà ci: «Tomà, nà a siiniɛn ka, e nà à wɔ n sià kɔ̀ɔ̀ rè a siin. Nà a sià ka, e nà à wɔ n gaakaa rè. Maà bà mòdzin, nìi na ɲɛɔ̀n Ŋaablà ra waa, to e bà ɲɛɔ̀n à ra.»

Goo kpàdèuma rèè 18:20

Jìrànxɔɔ̀, a taama dzibe ! Ŋaa re mòdzin neè, ko kɛɛradzin neè, ko Ŋaa re kɛɛra reè, e sa yeè e taama dzibe ! Ye taama dzibe, kàtsu Ŋaabla kitsia kùnuun à tsɛ, è tɔ̀ ka ye tsìì sàrà à ɲan.»

Goo kpàdèuma rèè 17:14

Twɛy ko sààtòmòìriɛ nà kaà fa, sààtòmòìriɛ to nà dzi è ra, kàtsu tɔ tsìfa rèè raa Tsìfaà, è bà màsa reè raa Màsaa. À re mòdzin kiriuma rèè, ko à jaara modzìn nèè, ko à ka vusootsi rèè rìì nà dzi è ra esire.»

Yùxanà jɔ̀naà 1:3

Ɲe nìi jàu, tà ko ɲe y'à myɛ̀n, ɲe tɔ̀ gooma deè ye sa ra gè riì ni à to ye yè bà ni ɲe re dzyèè doùn, tɔ̀ dzyèè rìi, ɲe ko Fà Ŋaabla ni à ra ko à Dzin Kpiri Yesù Kirisà.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Piyɛrì jɔ̀naà 5:1

Àwà bɔɔ nìì reè ni ye fi, min vu boò twɛy rìì là dòònuùn, min màxɔ̀n. Mun sa yeè è tsuru bɔɔ, nìi Kirisà rè byɛnbe goo reè shɛɛrɛ. Nɔɔrɔ nìi nà nà e kpadè, mun sa nin ni tɔ̀ ɲan.

Piyɛrì jɔ̀naà 3:5

Dan dan, tààn fɛnɛ niì reè si na xɔ Ŋaablà tsɛ, twɛy na e mawɔɔ̀ tɔ̀ rii tsuru. È mà na jàaŋnà e re kpir'leè rè.

Dzyèèsìbee mòdzin neè 9:11

Dòònuùn, Ŋaablà Jaara Modzìàn, tɔ nàu Saaka Jɔundzin, sànko Ŋaabla goo nìì reè làyiri seunà, mìn twɛy tàrà. À dɔ̀n bou bùù gba vyama doùn, nìi blà, à dzii yè bà tsyɛɔ̀n dzɔ̀nxɔɔ̀ tsɛ raà mà. Mòdzin ì na tɔ̀ bùù gba vyamaa gbaɔn e si ka waa, tɔ̀ y'a kpàdèe, ci à na nèe dziɲan ree doùn naa waa.

Dzyèèsìbee mòdzin neè 6:20

Yesù jɔ̀na dɔ̀un mɔn, ɲe kamà. À bàu Saaka Jɔundzin kudɛyn, a ci Mɛlɛkisɛdɛkì na ni nìi tsuru.

Efɛsika reè 3:6

Tɔ̀ gòndoo rìì yɛ, Yesù Kirisà ɲàn, kun kpɛrɛ mòdzin neè, ko Dzyèèsìbee mòdzin sapɛ bàu e si shɛnsensi. È sa bàu gɔnkungɔ soo, è sa nin yè jà Ŋaablà re làyiri seunmaà ɲàn, Kùnàgoo Dziɔ̀ baraka rɔ̀n.

Korɛntsika reè jɔ̀naà 10:17

Àwà bur'la buru kunun soo nìi fa, ɲe ko e giribee sa, ɲe gɔn soo rii. È ɲɛn à tsɛ, ɲe sapɛ tɔ̀ buru kunun soo rìì tan'nà e si ra.

Yùxanà 17:3

A y'a myɛ̀n jaamabe dziù dòbɛɛ, tɔ̀ rii yɛ, e wo Ŋaablà soo takia tɔ̀, tà ko wo mòò riì ka nau, tɔ̀ yeè bà Yesù, wo Jaara Modzìàn e tɔ̀ tɔ̀.

Kɛɛradzin neè faadziɛ 1:15

Àwà, sii sɔn see, kàràndzin neè yè nà e ladzyèè kɔn, è giribee yè bà na mòkun caànmoò ko dzin mòò boò. Tɔ̀ sii sèè, nìi Piyɛrì, tɔ̀ yeè fù, è tsiì è fi, è dzin nèe tsuru ci:

Korɛntsika reè fiiraa 9:13

Àwà tɔ̀ faagoò nàfaà kamà, è nà nɔɔrɔ ɲɛn Ŋaablà tsɛ è ɲɛn Kirisà rè Kùnàgoo Dziɔ̀ kuun'n kur'la tsɛ ye re, è kòrò ye dèvuà ka. Tà ko ye yè e si forou nìi tsuru ye yè e ko è sa ba soo, ko dzyee rèè sapɛ.

Dzyèèsìbee mòdzin neè 3:12

Tɔ̀ gàneè doùn, n neema ì, ye e yɛrɛ kaàwɔ, mòò mà nà jà e ɲan, akiri ɲaan ni nìi ɲàn, à na ɲɛɔ̀n Ŋaablà ra waa, fɔ è bè bà saabu, è nɔn Ŋaablà jaamaa rè waa.

Dzyèèsìbee mòdzin neè 7:28

Musà rè sàrìyaa mòò riì reè tsùɔ Saaka Jɔundzin ì, twɛy mòdzin ì, nìì reè ŋɔn fyɛn. Ŋà, sàrìyaa raa goò shɔ̀ùn, Ŋaabla làyir'là seun è mòò riì tsùù Saaka Jɔundzin, tɔ y'a Dzin Kpir'la rìì, è bà à baɔ̀ modzin dziitsyɛunma kudɛyn.

Dzyèèsìbee mòdzin neè 9:15

Tɔ̀ kamà, à bàu sòrònfabaa, è dzyèèsìbè ye dɔn ɲe ko Ŋaablà fi. Tɔ fau, kàtsu, mòdzian fìrìgoo nìì reè fau Dzyèèsìbee bɔrɔɔ waatsi rɔn, à saunmaà y'à tou, tɔ̀ yeè mɛɛy bo è mà, yè bà Ŋaablà raa. Tɔ̀ tsuru, Ŋaablà na goo dziù dòbɛy niì reè làyiri seòn, à nìì reè kiriɔ, twɛy dzia tɔ̀ tàrà.

Dzyèèsìbee mòdzin neè 10:19

Tà doùn, n neema ì, Yesù tsìɛn kounmaà saaka, tɔ̀ baraka rɔ̀n, mùn ko akiritsuu dzia dɔ̀n gàne fɛnɛ fɛnɛɛ doùn.

Dzyèèsìbee mòdzin neè 10:23

Mùn ci mùn si xɔ nìi tsɛ, mùn mà bo tɔ̀ tsɛ waa, kàtsu, Ŋaablà riì làyir'là seòn mùn ne, tɔ vusootsi.

Dzyèèsìbee mòdzin neè 13:22

N neema ì, mun yɛ nèe gooma niì reè sɛbɛn kaɔ ye re, m'a ka ye màxɔ̀n, m'a gaa e re, ye e toro wɔ à re, y'a ku e ɲan. À to yɛ̀rɛ̀ na baɔ̀ gooma gbaan tsu waa.

Swiv nou:

Lyen patwone

Piblisite

Piblisite