Dzyèèsìbee mòdzin neè 2:11 - Bible Dzùùngoo Unicode

¹¹ Àwà, Yesù rìì mòdzian bo jia e si Ŋaablà re, gooɲaantsiɛ yè bo è vu ra. À nìì reè bo jia e si Ŋaablà re, gooɲaantsiɛ yè bo è vu ra, fà soo rii ni à ko twɛy sa re. Tɔ̀ rii kamà, è bà ni è kiri, ci wò neema reè, tɔ̀ seey na ni à ra waa.

Dzyèèsìbee mòdzin neè 2:11 Referans Kwoze

Dzyèèsìbee mòdzin neè 10:14

À saaka jaa soo pe riì bou, tà baraka rɔ̀n, à nìì reè fòò fyɛ bou e re gooɲaantsiɛ ɲàn, yè bà Ŋaablà raa, à twɛy bàu mòdzin dziitsyɛunma kudɛyn.

Dzyèèsìbee mòdzin neè 10:10

È bà à kpàdèe sa, ci Ŋaablà Jaara Moo Yesù Ŋaablà saɔ fau. È gɔɔ̀n siun saaka jaa soo pe, à y'à ka mùn fòò fyɛ bo e re gooɲaantsiɛ ɲàn.

Yùxanà 20:17

Yesù yè dzin à ra ci: «Maà n kun tsìì to waa, kàtsu mun na teyn be Fà Ŋaablà kpakèrè ŋe waa. Bè neema karàndzin neè rìì kpɛyn, e bè dzin è ra, ci mun ci mun tèyn beè n Faà rè, è bà ye sa Fa. Ɔ̀ɔn, ci mun tèyn beè n ne Ŋaablà re, ye sa re Ŋaablà.»

Dzyèèsìbee mòdzin neè 13:12

Tɔ̀ kamà, Yesù sa yeè bè byɛn è san wɔ̀ɔ̀ bònè, sànko, à yɛ̀r'la tsìɛn baraka rɔ̀n mòdzian yè fɛnɛbe.

Ɔ̀rɔ̀mùnka reè 8:29

È ɲɛn à tsɛ, à nìì reè tɔ̀u jɔ̀na, à twɛy jɔ̀na sa ŋɛnɛ̀ɲan tsuuŋ, è bà e Dzin Kpir'la bosi, gè riì n'a to tɔ̀ yeè bà dzin jɔna kereumaà neema giri fi.

Yùxanà 17:19

È kamà, min n bo jia n si wo re, sànko sààbeen baraka rɔ̀n, è sa yeè e bo ji e si wo re.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.

Matsiyù 25:40

Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."

Dzyèèsìbee mòdzin neè 2:14

Àwà, à mòò niì reè gooma deè tɔ̀ tsuru, gè soo rii ni twɛy sapɛ ɲan, nìi yè è baɔ̀ soo, tɔ̀ yeè bà tsìɛn ko shutswɛɛ. Tɔ̀ rii y'à to, Yesù nàu, twɛy gè rèè na ni à sa ɲan, è kpàdè, ci à sa è tsuru mòdzin. À tɔ̀ fau nì, sànko à saàn saabu rɔ̀n, saàn fààn niì ni Sànwɔbaà suun, è san ɲinan tɔ̀ tsɛ.

Galatsika reè 4:4

Ŋà waatsi riì na kpàdeò tɔ̀ dzii tsyɛun min niì, Ŋaablà yeè e Dzin Kpir'la ka na, è nà kere tàan re, sàrìyaa dzuun.

Kɛɛradzin neè faadziɛ 17:26

À mòdzian sapɛ ɲɛun, è bo mòò sɔn ɲan, yè e tsuù dzɔ̀nxɔɔ̀ min niì sapɛ. À yè è re jàmaan rèè dàn jiu, è goo rèè waatsi reè sa dan ji.

Dzyèèsìbee mòdzin neè 11:16

Ŋà, à na ba tɔ̀ tsuru waa. Fàtsii kuru na ni è ra, nìi ni nèe jɔun, tɔ̀ yeè bà jìrànxɔɔ̀ raà. Tɔ̀ kamà, à dzi Ŋaablà ra yè wò kiri e re Ŋaablà, è bà wɔ̀ lamɔnɔ̀n tsùuŋnà è re.

Marikì 8:38

Nèe she raa mòdzin niì reè yè e nɔɔ̀n Ŋaablà re, yè bà gooɲaan faa, àwà mòò riì ci wo seè twɛy jɔun mun ko n ne gooma reè kamà, Adamà dziàn sa ye na nà sii rìi sèè e Fa Ŋaablà nɔɔrɔɔ̀ doùn, ko e re mɛ̀rɛ̀kɛ̀ fɛnɛ reè ka à sa nà seey, ci wò na tɔ̀ tsìfa tɔ̀ waa.»

Matsiyù 28:10

Tà doùn, Yesù yè dzin è ra ci: «E maà shi waa. Ye bè à dè n neema reè rà, ci yè bè Galile mar'lɔùn, è nà mun jà mɔn.»

Kɛɛradzin neè faadziɛ 17:28

Wò rii baraka ɲan, mùn ni jaamabee rà, mùn dzia e ɲankwey, xɔɔn yè bà ni mùn na. Ye re ye cee reè swey tɔ̀ rii dèu nèe tsuru ci: "Mùn y'a dzin ì nì."

Lukì 9:26

Tɔ̀ rii kamà, wo mòò riì ci wo seè, mun ko n ne gooma reè kamà, Adamà dziàn sa ye na nà e nɔɔrɔɔ̀ doùn sii rìi sèè, è nà e fa Ŋaablà nɔɔrɔɔ̀ doùn ko mɛ̀rɛ̀kɛ̀ fɛnɛ reè raà doùn, à tsu fa e tsiì è tɔ̀ tsìfa tɔ̀ tɔ sii sèè waa.

Marikì 3:34

Nìì reè tsùuŋnà y'à laguru, è jaara gaa be twɛy tsɛ tɔ̀un, è dzin ci: «Mun naà ko mun tseyn kpir'leè rìì yɛ nèe rèè.

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.