Dzyèèsìbee mòdzin neè 13:3 - Bible Dzùùngoo Unicode

³ Ye e taa to kàsòdzin neè rè, a ci ye sa yeè è sɔn ni. Nìì reè to kuun'n kuru ɲaan faɔ̀, ye e taa to twɛy sa re, kàtsu, tɔ̀ gɔn soo rìì ni ye sa re, à dzia nìi sa tarà.

Dzyèèsìbee mòdzin neè 13:3 Referans Kwoze

Matsiyù 25:36

Mun na ni n ma xɔ ra, ye to vya jiu mun mà. Mun ɲìniun, ye to bèu mun siin. Mun na ni kàsoò rà, ye to nàu mun kpà."

Dzyèèsìbee mòdzin neè 10:34

Ɔ̀ɔn, kàsòdzin neè raa byɛnbee, ye tɔ̀ fau twɛy ka. Nìi to bàu ye suun ge reè tsiumaà, ye taama dzibeu tɔ̀ ra, kàtsu y'a tɔ̀ ci ye gè tàraɔ̀ nìì tsuru na ni waa, dò to na ni à mà waa.

Ɔ̀rɔ̀mùnka reè 12:15

Ye e taamadzibe, taamadzibekɔɔn reè ka, ye gɛyn ko gɛynbaa rèè ka.

Korɛntsika reè jɔ̀naà 12:26

Tà tsuru, gɔɔ̀n gàneè sɔn ye ba byɛɛn, dzyee rèè sapɛ rii byɛɛn ko a ka. Nɔɔrɔ ye ɲɛn sɔn tsɛ, dzyee rèè sapɛ rii taama dzibee ko à ka.

Kolosika reè 4:18

Mun Polì, nèe mun yɛ̀r'la sià rè sɛbɛn ni, min tswɛ̀y sin ye ra. Ye taa to ci mun ni kàsoò rà. Arì she, Ŋaablà ɲanwùɔ yè bà ni e tsɛ !

Piyɛrì jɔ̀naà 3:8

Àwà tà sapɛ shɔùn, e sapɛ yeè byɛ̀n soo ma, ye e taa to e si re, ye si kɛ̀n neemabe doùn, ye màtsuru e si ra, ye e majàà e si re.

Matsiyù 25:43

Mun na tɔnɔn, ye to na mun kuun'n kuru wuu fa waa. Mun na ni n ma xɔ ra, ye to na vya ji mun mà waa. Mun na ɲìnìnkɔɔn, min bà na ni kàsoò doùn, ye to na be mun siin waa."

Kɛɛradzin neè faadziɛ 24:23

Àwà, Pol'lè goo rèè na ni kaadzin jɛrɛ̀blàtsi nìi suun, Fèlisì yè dzin, ci tɔ̀ y'a kun bè ji kàsoò doùn, à y'à kplatsuɔ. Ci à y'à to à la yeè bà baɔ̀ dɛyn, à to mà à re mòò rèè, ko à dzunwɛynsi reè kaa goo fa tsɛ à re waa.

Efɛsika reè 4:1

Àyìwà, mun nìi kàsòdzin Tsìfaà kamà, m'a gaa e re ci e kiriɔ è ɲɛn kùn nìi tsɛ, ye maxɔbe ye re jaamabee fa, è kòrò tɔ̀ ka.

Kɛɛradzin neè faadziɛ 27:3

Tɔ̀ raa gbee, mìn bè wɔ Sidɔ̀n wɔ̀ rɔ̀n. Mùn wɔu mɔn, Yuliyusì ɲanwùɔ doùn ko Polì ka, à y'à to è bè bo e dzunwɛynsi reè kpà, sànko à màgoo ni goo nìi reè rà, twɛy yè tɔ̀ fa à re.

Dzyèèsìbee mòdzin neè 11:37

È swey dzyɛun kpàà ì ka, fɔ yè è vu, yè swey fi kunùn fii. Swey yè vu kaamunun ka. Swey yè tsyeere beè min niì sapɛ. È na sàà tsun neè ko ba tsun neè rìì jia e ma vya. Gbaa na ni è ra, è xɔn bìiŋnà, yè bà kuun'n kuru ɲaan faɔ̀.