Dzyèèsìbee mòdzin neè 13:2 - Bible Dzùùngoo Unicode

² Tɔnɔn ye na jàà e re, y'a kuun'n kuru wuu fa. E maà e taa myɛn jà tɔ̀ re waa, kàtsu, mɛ̀rɛ̀kɛ ì jàà jàu swey rè, yè è kuun'n kuru wube, è na à tɔ̀, ci à mɛ̀rɛ̀kɛ ì waa.

Dzyèèsìbee mòdzin neè 13:2 Referans Kwoze

Matsiyù 25:35

Àwà dzu na ni mun na, ye to mun kɔ̀u ɲwɛyn, min ɲɔn. Mìnoo na ni mun na, ye to mun kɔ̀u yu, min n min. Mun na tɔnɔn, ye to mun kuun'n kuru wuu fau.

Ɔ̀rɔ̀mùnka reè 12:13

Ŋaablà re mòdzin neè màgoo ni nìi rà, ye è dzwɛ̀ma tɔ̀ ka, ye bà ni tɔnɔn ladɔɔn ɲan tsuù ɲàn.

Piyɛrì jɔ̀naà 4:9

Ye e si ladɔn, ŋùnùnŋunun mà jà à ɲan waa.

Matsiyù 25:43

Mun na tɔnɔn, ye to na mun kuun'n kuru wuu fa waa. Mun na ni n ma xɔ ra, ye to na vya ji mun mà waa. Mun na ɲìnìnkɔɔn, min bà na ni kàsoò doùn, ye to na be mun siin waa."

Tsitè 1:8

Ŋà è bà mòdzin, nìi tɔnɔnladɔnbaa, goowùɔ dzi à ra, à akiritsi, à tereòn, à fɛnɛ, è bà dziɔ̀ e yɛr'la.

Matsiyù 25:40

Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."

Tsìmotè jɔ̀naà 5:10

À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Tsìmotè jɔ̀naà 3:2

Ŋà, fɔ ɲɛynamoo kur'là kààwɔbaà yè bà mòdzin, jààma na ni nìi rà waa, è bà tààn dzìn sòòtsi, è bà e yɛrɛ kuàn, è bà akiritsi, à sɔ̀bɛ̀n modzìn, à tɔnɔnladɔnbaa, è bà dzia mòdzian kàràn.

Ɔ̀rɔ̀mùnka reè 16:23

Àwà Gayusì, mun tɔɔnsi kpir'là, ɲɛynamoo kur'là sapɛ yeè e ladzyèe tɔ̀ niì rè, tɔ sa ye tswàa. Erasitɔsì, wɔ̀ɔ̀ ɲɛynmarabaà, ko Kuwarisitɔsì, mùn neema kpir'la, twɛy sa ye tswàa. [

Kɛɛradzin neè faadziɛ 16:15

Tɔ̀un, à y'à to, à ko e re fɔɔn re dzin neè sa jaara yeè fòò Ŋaablà re shia goo rèè rà. Tà shɔ̀ùn, è dzin ɲe ra ci: «Ye ye ba à jàu taki, ci mun ɲɛɔ̀n Tsìfaà rà, ye nà e jaà mun ne tsii.» È ta ɲe mà, fɔ ɲe yè bè e tsiì à ra.

Yùxanà zhììgìraa 1:5

Mun ne kɛ̀niunmaà, wo goo o goo rìì faa, wo y'à faa vusootsibe ka neema reè kàjaa tsɛ, arì è ko e re tɔnɔnbee sa.