Dzyèèsìbee mòdzin neè 12:3 - Bible Dzùùngoo Unicode

³ Ye e kɛsɛ Yesù rà. Mòò riì byɛun cɛyn gooɲaan fa reè suun, à to yè byɛnbe ree tsi e ma, tɔ wò rii. Tɔ̀ gàneè doùn, e maà e gɔn vu waa.

Dzyèèsìbee mòdzin neè 12:3 Referans Kwoze

Galatsika reè 6:9

Àwà mùn mà byɛn goowuu faa rà waa. È ɲɛn à tsɛ, mùn ma tɔ̀ dzii bà fyeu, mùn nà nà à shìmaan gaa e waatsi wuu ɲan.

Korɛntsika reè fiiraa 4:16

Tɔ̀ kamà ɲe gɔn na vu jaà waa. È ɲɛn à tsɛ, arì ɲe dà kèrè gɔɔn kɛ̀nsɛɛn ye ba bara beè, ɲe doùn kèr'là bà beè yeu siì saa see.

Goo kpàdèuma rèè 2:3

Wo y'à mɔɲɔun, w'e byɛnbee ku a ɲan mun kamà, wo na byɛn waa.

Korɛntsika reè jɔ̀naà 15:58

Tà doùn, mun neema kɛniunma rèè, e san gbaunma yè to cɛyn, e maà yuuyuu bo e shɔùn waa. Ye bè jɔun kudɛyn Tsìfaà rè faagoò doùn, ye bà à tɔ̀ ci ye re faagoò na maana Tsìfaà ɲàn waa.

Dzyèèsìbee mòdzin neè 12:2

Àwà Yesù, mùn jaà gban tsùuŋma yè to tɔ̀ rii là, kàtsu mìn bà ɲɛɔ̀n Ŋaablà ra, wò rii tɔ̀ shia dzii saun, è bà à dziitsyɛnbaa. À yè e tsiiŋ, y'à gban gɔɔ̀ rà, y'à vu. Tɔ̀ yeè fa, tɔ̀ na ba à seè goo waa, kàtsu à taa na ni taamadzibe mà, Ŋaabla nìi lamɔnɔ̀n tsùuŋnà à re. Dòònuùn, è tsuuŋnà Ŋaablà sirama si jaa rè.

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Korɛntsika reè fiiraa 4:1

Àwà Ŋaabla nèe faagoo rèe kɛ̀ɛ̀yfaɔ̀ ɲe mà, è ɲɛn à ɲan màtsur'la tsɛ nìi fa, ɲe gɔn na vu jaà waa.

Yùxanà 5:16

Twɛy yè e shi Yesù rà, yè jaa gaa, ci ye nà gooɲaan fa à ra, ci à dzùrùma mòò cɛrɛmabeo ɲànwɔsiɛ̀ mà.

Dzyèèsìbee mòdzin neè 12:5

Ŋaabla ye latsiu gooma niì ka, è tɔ̀ ka ye màxɔ̀n, a ci mòo dzin kpiri ì latsia nìi tsuru, ye taamyɛ̀un tɔ̀ re. À ci: N dzin kpiri, Tsìfa Ŋaablà ye ba a kor'na, maà tɔ̀ ɲanfyɛnbe waa. À to ye ba e ɲinìnma dèe a ra, tɔ mà a gɔn vu waa,

Lukì 14:1

Ɲànwɔsii sɔn ma, Faridziɲɛn jɔundzin sɔn yeè Yesù kiri, ci ye yè bè ɲwɛyn fa wò re tsii. Nìì reè na ni tɔ̀ ɲwɛyn ɲɔnma nɔ̀n, è sapɛ na Yesù sɛ̀r'na.

Tesalonikika reè fiiraa 3:13

Nìi kpɛ̀yn ye, neema reè, e maà byɛn ja goowuu faa rà waa.

Yùxanà 18:22

Yesù tɔ̀ goomaa dèu min niì, Ŋaablà re gbà blàa kplatsuubaa rèè mòò sɔn nìi tsìiŋnà à tɛyn, tɔ̀ y'a dɔrɔ e taàkuùn, è dzin à ra ci: «Tɔ Saaka Jɔundzin blaa rè goomaa latsiu'n kur'la rìì wo re o ?»

Yùxanà 8:52

Dzyèèsìbee mòdzin neè yè dzin à ra ci: «Dòònuùn kpɛ̀yn, ɲe y'à tɔ̀u, ci wo kweykɔɔn ! Ibraximà saun, kɛɛra reè sa yeè san, wo to ci mòò riì ye wo re goomaa to e duùn, tɔ̀ tsìfa fa saàn nèè jà kuraa.

Yùxanà 8:59

È tɔ̀ goomaa myɛ̀un min niì, yè kpàà reè sen tɔ̀un, ci ye nà à ka Yesù dzyɛn. Ŋà, Yesù yè e mɛnɛn bo Ŋaablà re gbà blàa fɔɔn doùn, è geren.

Yùxanà 8:13

Faridziɲɛn rèè yè dzin à ra tɔ̀un ci: «Wo ye ba a yɛrɛ shɛɛrɛbe faa, wo re shɛɛrɛbee na sààbèn goo waa.»

Yùxanà 7:12

Jàmaà ɲàn, mòdzian na gooma giri dèe sàn dzuun Yesù rè goò ɲàn, swey dziàn ci à mòdzin wuu, swey ci à mòdzian sàn fìr'la.

Lukì 16:14

Àyìwà, Faridziɲɛn rèè dziu twɛy gooma reè myɛ̀n Yesù dzu min niì, yè jiran à mà, kàtsu è na ɲɛɛn kɛ̀niɔ̀n fɔ è bè geren.

Lukì 15:2

Faridziɲɛn rèè, ko Sàrìyà Kaamoo reè ta goò jà nìi fau, tɔ̀ na byɛn è mà waa. Yè dziàn ci: «À siin, nèe kpir'lee mòdzin faadzii ɲaan neè kuun'n kuru wuu faa, fɔ è bè ɲwɛyn sa ɲɔɔ̀n è ka !»

Lukì 5:21

Sàrìyà Kaamoo reè ko Faridziɲɛn nìì reè na ni mɔn, twɛy yè e maa yè dziàn e duùn ci: «Nèe kpir'lee tsì rii nèe tsuru, è bà Ŋaablà tsoo bar'la ? À ma ba Ŋaablà soo boshɔ̀ùn, tsì rii soo dzia dzin mòò rà, ci wo re gooɲaantsiɛ mɛɛy bou wo vu ra ?»

Lukì 2:34

Tɔ̀un, Simeyɔn yeè dzwɛ ji è ra. Nìi Mariyamùn Yesù naà, è dzin tɔ̀ ra ci: «Nèe dzin nìi yɛ nèe, Ŋaablà y'a boo, è bà saabu mòò giri yè mɛɛy, tà ko mòò giri yè fù Isirayɛlì mòdzian ɲàn. À nà bà Ŋaablà re tàànmàshɛn kpadèuma mòdzian nà, è fa e tsiì nìi rà waa.

Matsiyù 22:15

Àwà Faridziɲɛn rèè yè bè e si jà tɔ̀un, y'à siin, ye ye ba ni dzi myɛ̀ɛ̀n ɲɛn Yesù jɔun nìi tsuru gooma ka, y'a kun.

Matsiyù 21:46

Àwà à na ni è duùn tɔ̀un, y'a kun, ŋà è na shiɔ̀ jàmaà jɔun, kàtsu è sapɛ na ɲɛɔ̀n à ra ci Yesù kɛɛra rii.

Matsiyù 21:23

Àyìwà, Yesù yè bè dɔ̀n Ŋaablà re gbà blàa doùn tɔ̀un, è maa è mòdzian kàr'na. À ni tɔ̀ kàr'nà nà, Saaka Jɔundzin neè ko Dzyèèsìbee mòdzin neè rè bɔɔ rèè yè nà e kpɛrɛ̀ à ra, y'à tey ci: «Dzi kɛn ni baraka ɲan wo nèe goo rèe rèè faa ? Tàà tsì rii yè è faa dzi siun wo ra ?»

Matsiyù 15:2

«Feera wo re kàràndzin neè na mùn fàbɔɔ rèè rè shi bɔrɔɔ reè jìɛ waa ? È ye ba nà ɲwɛɛ̀n ɲɔn, è na e sira foo e foòŋ'n kur'la waa.»

Matsiyù 12:24

Tɔ̀ goomaa myɛ̀unmaà Faridziɲɛn rèè rè, yè dzin ci: «A ye nèe jà à kwey rèè kaa boò mòdzian kpɛyn, à y'à faa kwey rèè kùntsii blàa rìì baraka ɲan, tɔ̀ niì kir'là Baalizebulì.

Matsiyù 11:19

Adamà dziàn nàu, tɔ ɲwɛɛ̀n ɲɔɔ̀n, è bà mìɛn faa. È ci: "À nwɛ̀yn ɲan, à mììnfabaa, è bà xɔnsɔɔn tsi reè ko mòdzin faadzii ɲaan neè dzunwɛynsi. Ŋà, à re goo fakɔɔn reè dzi sìan Ŋaablà re akiriblabeè rà."»

Yùxanà 9:40

Yesù twɛy gooma reè dèe waatsi riì bwèy, Faridziɲɛn rèè swey na ni à ka. Twɛy tɔ̀ myɛ̀un min niì, y'à tey ci: «Ɲe do, ɲe sa jaana ì tɔ̀un gbɛ ?»

Yùxanà 10:20

Giri na dziàn è ɲan ci: «À kweykɔɔn, è bà fàkɔɔn ! Feera ye yè bà e toro wɔɔ̀ à re ?»

Piyɛrì jɔ̀naà 2:23

À ɲɛ̀nkɔɔn doùn, à na e tsiì sàrà ɲɛ̀yn ka. À byɛnkɔɔn doùn, à na e jaa xe bo mòò rà. È raa goò tou Ŋaablà suun, tɔ̀ riì kitsia kùnùn ter'na.