Dzyèèsìbee mòdzin neè 1:8 - Bible Dzùùngoo Unicode

⁸ Ŋà, à Dzin Kpir'la, à dziun tɔ̀ raa goò ɲàn ci: «Dò na ni wo raa màsàbee mà waa Ŋaablà. Wo màsàbee faa a re mòò rèè tsɛ ko sààben ka.

Dzyèèsìbee mòdzin neè 1:8 Referans Kwoze

Yùxanà 10:30

Mun ko n Fa Ŋaablà, ɲe sa wò soo rìì.»

Ɔ̀rɔ̀mùnka reè 9:5

Nìì reè bou fàbɔɔ rèè ɲàn, à ye rìì. Ŋaablà Jaara Modzìàn sa to yè bo è ɲan adamadzinbee kàjaa tsɛ, è bà ni gè sapɛ kuùn. Tsoo dzi yeè ɲɛn Ŋaa tsɛ kudɛyn ! Àmiinà !

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Matsiyù 1:23

«Cangur'liì na kpiri goo tɔ waa, tɔ nà don sen, è dzin kpiri kere, è kiri ci Emanuyɛlì.» Tɔ̀ dzuɔn yɛ: Ŋaabla ni mùn ka.

Korɛntsika reè jɔ̀naà 15:25

È ɲɛn à tsɛ fɔ Kirisà yè tsùù màsàbee tsɛ, fɔ Ŋaablà yeè bè à ɲan rèè sapɛ wɔ dò à sàn dzuun.

Yùxanà 20:28

Tomà yè dzin à ra ci: «Mun Tsìfaà, mun ne Ŋaablà.»

Tsìmotè jɔ̀naà 3:16

Àwà Ŋaablà jɔun shiɲaanbee gòndoo, tɔ blà. Mòò pɛn na dzia tɔ̀ sɔ̀swɛy waa. Ŋaablà yeè e yɛrɛ kpadèu adamàdzin mòdzin niu'n kur'la. À re Dzia y'à kpàdè ci à tereòn. È yɛrɛ kpadè mɛ̀rɛ̀kɛ rèè rà. À waajibia yè fa kun neè mòdzin neè fi. Mòdzian yè ɲɛn à ra dziɲaan doùn. È sen fu dɔ̀n be jìran nɔ̀n, nɔɔrɔɔ̀ ɲàn.

Yùxanà 10:33

Dzyèèsìbee mòdzin neè yè dzin à ra ci: «Ɲe na wo dzyɛn vua goowùù fauma kamà dɛ, ŋà, ɲe wo dzyɛn vua, kàtsu, wo Ŋaablà tsoo bar'la, wo mòdzìn màànàkɔɔn yè bà a yɛrɛ baɔ̀ Ŋaablà.»

Piyɛrì fiiraa 1:11

Tɔ̀ tsuru, mùn Tsìfaà ko mùn Tsibaa Yesù Kirisà rè màsà gane dobɛɛ dziɛ̀ nà san ye re brìsi, ye yè bà ni dɔn.

Lukì 1:75

Tà doùn, ɲe re sii sa see jaamabee doùn, ɲe nà bà fɛnɛunà, ɲe yè bà tereonà à jaa ra.»