Efɛsika reè 3:1 - Bible Dzùùngoo Unicode

¹ È ɲɛn tɔ̀ tsɛ, mun Polì, mun Yesù Kirisà rè kàsòdzin ye kun kpɛrɛ mòdzin neè kamà.

Efɛsika reè 3:1 Referans Kwoze

Kolosika reè 1:24

Àwà dòònuùn, min taama dzibee n ne byɛnbe reè doùn, ye kamà. Nìi to Kirisà fɔɔn e re byɛnbe reè doùn, mun tɔ̀ dzii tsyɛɛn n gɔɔ̀n ɲàn. Mun tɔ̀ faa à gɔɔ̀n kamà, tɔ̀ niì ɲɛynamoo kur'là.

Efɛsika reè 4:1

Àyìwà, mun nìi kàsòdzin Tsìfaà kamà, m'a gaa e re ci e kiriɔ è ɲɛn kùn nìi tsɛ, ye maxɔbe ye re jaamabee fa, è kòrò tɔ̀ ka.

Tsìmotè fiiraa 1:8

Tà doùn, maà seey e mùn Tsìfaà shɛɛrɛbe fa waa. A to mà seey mun ka, ci mun ni kàsoò rà à kamà waa. Kùnàgoo Dziɔ̀ byɛnbee rìì fa mun ka, è kòrò Ŋaablà re dzibaabee ka.

Efɛsika reè 6:20

Mun ni tɔ̀ Kùnàgoo Dziɔ̀ rìì lè ni ɲan, jɔ̀rɔ̀kɔɔ yè bà wɔɔ mun na, min bà ni à gooma de akiritsuu ka, a ci mun wù m'a dè nìi tsuru.

Filemɔ̀n 1:9

Ŋà nìi dzi mun na, tɔ̀ rii yɛ min wo màfyɛ̀n è ɲɛn kɛ̀nbààbee tsɛ. Mun Polì, mun nìi mòòbɔɔ, min sèè min bà Yesù Kirisà rè kàsòdzin dòònuùn,

Filipika reè 1:7

Min bà n kɛsɛɛ̀ tɔ̀ tsuru ye sapɛ ra, tɔ tereòn, è ɲɛn à tsɛ, ye goojaa ni mun duùn. È mun to jɔ̀rɔ̀kɔ reè dzu, min bà Kùnàgoo Dziɔ̀ sààbeen dèe m'a sàn gban, ye sapɛ nin ni tà doùn Ŋaablà ɲanwùɔ ɲàn, mun ka.

Filemɔ̀n 1:1

Mun Polì, Yesù Kirisà rè kàsòdzian ko Tsìmotè, mùn neema kpir'la, nèe ɲe re sɛbɛn, è sìn wo Filemɔ̀n nà, ɲe re kɛ̀niunmaà, ko ɲe faagoofasià.

Kɛɛradzin neè faadziɛ 23:18

Kaadzin jɛrɛ̀blàtsià yè bè kpirimɛɛn ka kaadzin kuntsii blaa rè, è bè dzin à ra ci: «Kàsòdzin Polì mun kiriu à y'à gaa mun ne, ci mun yè nà ko kpirimɛyn nee ka wo re, ci gooma n'a re, à y'à dè wo ra.»

Lukì 21:12

Ŋà, sani twɛy goo rèè sapɛ yeè fa, è nà ye kun, yè ye byɛn cèreoma. È nà bè ye ka ŋaablabegba rèè doùn, yè kitsi kunun ye tsɛ. Yè ye ji kàsoò doùn. È nà bè ye ka màsa ì, ko jàmààntsi ì rè. Tɔ̀ sapɛ nà fa ye ra mun tsoò kamà.

Filemɔ̀n 1:23

Epafarasì wo tswàa, tɔ̀ riì sa ni kàsoò rà mun ka, Yesù Kirisà ɲàn.

Kɛɛradzin neè faadziɛ 26:29

Polì yè dzin ci: «À bàu dòònuùn goo ò, à to bàu waatsi gbaan goo ò, mun Ŋaablà mafyɛ̀ɛn, à mà dàn wo soo ma waa, arì nìì reè sapɛ yɛ mun lamyɛɛ̀n she, e sapɛ dzyeèmaa yè bà mun tsuru, ŋà, jɔ̀rɔ̀kɔ niì reè yɛ mun na, twɛy rìì dànmaùn mà bà ni e ra waa !»

Tsìmotè fiiraa 1:16

Arì she, Tsìfaà yè màtsuru Onisifɔr'lè tsun'nà nà. È ɲɛn à tsɛ, à mun màxɔ̀n giri fau, à na seey ci mun ni jɔ̀rɔ̀kɔɔ dzu waa.

Kolosika reè 4:18

Mun Polì, nèe mun yɛ̀r'la sià rè sɛbɛn ni, min tswɛ̀y sin ye ra. Ye taa to ci mun ni kàsoò rà. Arì she, Ŋaablà ɲanwùɔ yè bà ni e tsɛ !

Kolosika reè 4:3

Ye Ŋaablà mafyɛ̀n ɲe sa re è bà ni goomaa dziɛ̀ san min dzi Kirisà rè gòndoo goomaa dè, mun ni kàsoò rà tɔ̀ niì kamà.

Korɛntsika reè fiiraa 11:23

È Kirisà rè faagoofadzin ì nì kɛ̀ ? Mun kpɛ̀yn nà gooma a ci akirifukɔɔn dɛ, ŋà mun Kirisà rè faagoofadzin è geren è tsɛ. Faagoo ɲaɔ̀n kàjaa tsɛ, mun tɔ̀ fau è geren è tsɛ. Kàsò dòùn jia kàjaa tsɛ, mun tɔ̀ fau è geren è tsɛ. Banbwee kàjaa tsɛ, tɔ̀ giri mun tàrau è mà, min saàn jà n jaa ra waatsi giri.

Korɛntsika reè fiiraa 10:1

Àwà mun Polì, mun nìi baɔ̀ mɛ̀nshɛ̀n moo, min ba ni ye ka, mun vu yè bà xɔ ye ka mun dàn ye ba gbàn ye ra, mun ye màfyɛ̀ɛn nì, Kirisà rè vununmaciàn ko à ɲan wùbee kamà.

Kɛɛradzin neè faadziɛ 21:33

Kaadzin kuntsii blaa yè e kpɛrɛ tɔ̀un, à y'à to yè Polì kun, è shia sìn, ci y'à shì jɔ̀rɔ̀kɔ fii ka. Tà shɔ̀ùn, è tey fa ci, à tsì rii, à to fee rìì faɔ̀.

Goo kpàdèuma rèè 2:10

Byɛnbe niì nà wo tàrà, maà shi tɔ̀ jɔun waa. Sànwɔbaà nà ye swey ji kàso doùn, è bà ni ye dzuun bo. Tà doùn, ye nà bwèy tsyeùn byɛnbe fa. Bà vusootsi è bè suu fɔ saàn dzu. Tà tsuru, mun nà jaamabee màsà baanflaa sìn wo ra.

Efɛsika reè 3:13

Tà doùn, mun nìi gaa ye re, tɔ̀ rii yɛ, ci mun ni byɛnbe riì rà ye kamà, tɔ mà e gɔn vun waa. È ɲɛn à tsɛ, tɔ nɔɔrɔ rìì ɲɛɛn ye tsɛ.

Galatsika reè 5:11

Àwà mun, n neema ì, min bà na shimaangoo rìì waajibi faa arì she, fee na byɛnbe ɲɛn kun mun tsɛ kɔn ? Tà doùn, gbaàn gɔɔ̀, tɔ̀ niì sàn nà baan kpàa, tɔ̀ kùn naà ni dɛ.

Galatsika reè 5:2

Mun Polì, mun nìi dèe ye ra, tɔ̀ rii yɛ ci e ye e yɛrɛ shɛn, Kirisà fa gèsɔn wùbe e ma dɛ.

Kɛɛradzin neè faadziɛ 9:15

Ŋà, Tsìfa Yesù yè dzin à ra ci: «Bè, kàtsu mun kpir'lee boo rìì n magoo ra. Mun nà à ka bè jàmàan kpɛrɛ mòdzin ì ko è re màsa reè rè, sànko mun mòò riì, yè tɔ̀ tɔ̀. À y'à to Isirayɛlì mòdzin neè sa yeè mun tɔ̀.

Korɛntsika reè fiiraa 1:6

Ɲe yè bà byɛɔ̀n, tɔ faɔ̀ ye vununciàn ko ye tsià rìì kamà. Ɲe vunun to yè cin, tɔ ye sa raa vununcin nì, gè riì ni à to byɛnbe riì ni ye tsɛ a ci à ni ɲe sa tsɛ nìi tsuru, ye yè dzi tɔ̀ ku.

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Efɛsika reè 3:11

À tɔ̀ fau Yesù Kirisà ɲàn, mùn Tsìfaà, è kòrò à re goo dòbɛy sɔn byɛ̀unmaà ka.