Bib sou entènèt

Paj dakèy
Bib sou entènèt
Efɛsika reè 1:3

Efɛsika reè 1:3 - Bible Dzùùngoo Unicode

³ Tsoo dzi yeè ɲɛn Ŋaa tsɛ, mùn Tsìfa Yesù Kirisà Fàà, wò riì yè e re Dzia dzwɛɛ̀ sapɛ ladzyèèmaa kuun mùn mà jìrànxɔɔ̀ doùn, Kirisà ɲàn.

Gade chapit la Kopi

tounen moute ⬆

Efɛsika reè 1:3
39 Referans Kwoze

Piyɛrì jɔ̀naà 1:3

Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.

Korɛntsika reè fiiraa 1:3

Tsoo dzi ye ɲɛn Ŋaa tsɛ, mùn Tsìfa Yesù Kirisà Fàà, màtsur'la sapɛ dzyeèma Faà, ko vununciàn sapɛ dzyeèma Ŋaablà.

Efɛsika reè 2:6

Yesù Kirisà ɲàn à ɲe kpunan bou saàn ɲàn esire, è ɲe tsùù jìrànxɔɔ̀ doùn esire à ka.

Efɛsika reè 1:20

À tɔ̀ ka faagoò fau Kirisà ɲàn, nìi yɛ à y'à kpunan bo fùn nèè fi, à yè b'a tsùù e sirama si jaa rè jìrànxɔɔ̀ doùn mɔn.

Efɛsika reè 6:12

È ɲɛn à tsɛ, ɲe na ni kaà rà ko adamàdzin mòdzin ì ka waa, ŋà ɲe ko nìì reè ni à ra, tɔ kùntsii rèè rìì, ko fààntsi rèè, ko dziɲaan tsitsiɛ̀ kùntsii rèè, ko gooɲaan kwey nìì reè ni jìrànxɔ rɔ̀n.

Efɛsika reè 3:10

Tɔ̀ yeè fa, gè riì ni à to, jìrànxɔ rɔ̀n kùntsii rèè ko fààntsi rèè y'à tɔ̀ dòònuùn ɲɛynamoo kur'là baraka rɔ̀n, Ŋaablà ɲan akiriblabee kaatsià giribee nìi boò.

Galatsika reè 3:9

È ɲɛn tɔ̀ tsɛ, nìì reè sapɛ ɲɛynaà faɔ̀, dzwɛ kuɔn twɛy sapɛ ma a ci Ibraximà, tɔ̀ niì sa bàu ɲɛynamoo.

Yùxanà 17:21

M'a gaa wo re, è sa yeè bà soo. Wo Fà Ŋaabla ni mun ɲan nìi tsuru, mun sa yeè bà ni wo ɲan, m'a gaa a re, yè bà ni mùn ɲan tɔ̀ tsuru, sànko dziɲan modzin neè yè ɲɛn à ra, ci wo rìì mun ka naɔ.

Efɛsika reè 1:17

Mun tɔ̀ faa, gè riì ni à to, mùn Tsìfa Yesù Kirisà rè Ŋaablà, nɔɔrɔɔ̀ Fàà, tɔ̀ yeè akiriblabe sìn ye ra, è bà goo rèè kpàdèe, ye yè dzi Ŋaablà tɔ cɛyn.

Korɛntsika reè fiiraa 11:31

Tsoo dzi ye ɲɛn Ŋaa tsɛ kudɛyn, mùn Tsìfa Yesù Kirisà Fàà, tɔ̀ y'a tɔ̀ ci mun na doò dèe waa.

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Korɛntsika reè jɔ̀naà 12:12

Àwà mòdzian gɔɔ̀n gɔn soo pe rii, à gàne rèè yè bà giri. Gɔɔ̀n gàne rèè giribee ko e raà sa, à soo pe nìi tsuru, Kirisà sa tà tsuru.

Ɔ̀rɔ̀mùnka reè 12:5

Tɔ̀ soo tsuru, ɲe sa giri, ŋà Kirisà ɲàn mùn gɔnkungɔ soo rii, mùn soo sookɔɔn sapɛ yeè bà e si gɔɔ̀n gàneè sɔn.

Efɛsika reè 1:10

Tɔ̀ làtigɛɛ doùn, à nà nìi fa, tɔ̀ rii yɛ, tɔ̀ waatsia dzii ye tsyɛn waatsi riì bwèy, è jìrànxɔ̀ dòùn gee sapɛ, ko dzɔ̀nxɔ̀ tsɛ̀ gee sapɛ ladzyèè soo, kùntsii soo yeè bà ni è sapɛ re, nìi Yesù Kirisà.

Korɛntsika reè fiiraa 5:17

Tà tsuru, mòdzian sɔn ye ba ni Kirisà ɲàn, à bàu gè ɲɛunma yeu. Goo bɔrɔɔ sapɛ dɔ̀n bou, goò sapɛ yeè siin è bà yeu.

Ɔ̀rɔ̀mùnka reè 15:6

Ye tɔ̀ fa, gè riì ni à to ye nɔɔrɔ ɲɛn mùn Tsìfa Yesù Kirisà Fà Ŋaablà tsɛ duungoo soo, ko vu soo ka.

Dzyèèsìbee mòdzin neè 8:5

Twɛy saaka goojaabo reè faagoò faa bùù gba vyamaa gàne fɛnɛ riì doùn, tɔ jìran nɔ̀n naà bosi rìì, è bà à ɲɛyn. À ni a ci Ŋaablà y'a kpàdèu Musà rà nìi tsuru bùù gba vyamaa gban bwèy rɔ̀n. Ŋaabla dziun ci: «Musà, à fau'n kur'liì kpàdèu wo ra jèèn tsɛ, a maxɔbe, a fa tà tsuru.»

Filipika reè 2:11

Nɛɛ̀n sapɛ to y'à dè, ci Yesù Kirisà rìì Tsìfaà, è nɔɔrɔ ɲɛn Fà Ŋaablà tsɛ.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Dzyèèsìbee mòdzin neè 9:23

Twɛy gè rèè jìrànxɔɔ̀ raa gè rèè ɲɛyn nì. Twɛy ye ba fɛnɛbeè tɔ̀ tsuru, tɔ̀ doùn, à wù jìrànxɔɔ̀ raa rèè yè fɛnɛbe saaka ka, nìi vùn twɛy saaka rèè sapɛ ma.

Yùxanà 20:17

Yesù yè dzin à ra ci: «Maà n kun tsìì to waa, kàtsu mun na teyn be Fà Ŋaablà kpakèrè ŋe waa. Bè neema karàndzin neè rìì kpɛyn, e bè dzin è ra, ci mun ci mun tèyn beè n Faà rè, è bà ye sa Fa. Ɔ̀ɔn, ci mun tèyn beè n ne Ŋaablà re, ye sa re Ŋaablà.»

Yùxanà 14:20

Tɔ̀ sii sèè ye wɔ, ye nà à tɔ̀, ci mun ni n Faà ɲàn, mun ni ye ɲan, ye yè bà ni mun ɲan.

Lukì 2:28

È nàu dɔ̀n à ka min niì, Simeyɔn yeè Yesù tsi, à y'à kun e suun. Tɔ̀un, è tsoo dzi ɲɛn Ŋaablà tsɛ nèe tsuru ci:

Swiv nou:

Lyen patwone

Piblisite

Piblisite