Bib sou entènèt

Paj dakèy
Bib sou entènèt
Tsìmotè jɔ̀naà 6:2

Tsìmotè jɔ̀naà 6:2 - Bible Dzùùngoo Unicode

² Nìì reè kùntsii ɲɛynamoo ì, twɛy mà to e kuntsii rèè blàbe bɛy kàtsu yè e si neema ì waa. Ŋà, yè sɔn ni bà e re faagoò tɛ̀y fau'n kuru wuu ra è re, è ɲɛn à tsɛ, è ɲɛynamoo ì rìì ko neema kɛniunma ì, nìì reè yè è re faagoò nàfa tàr'la. A naà goo nìì reè kàràn mòdzian nà e màxɔ̀n à ra, twɛy rìì yɛ.

Gade chapit la Kopi

tounen moute ⬆

Tsìmotè jɔ̀naà 6:2
31 Referans Kwoze

Kolosika reè 4:1

Kùntsii rèè, ye e re jòn nèè kun ko terenbe ka, e maà mɛɛy è tsɛ waa, ye b'a tɔ̀ ci kùntsii ni ye sa re jìrànxɔɔ̀ doùn.

Tsìmotè jɔ̀naà 4:11

Twɛy goo rèè dè modzian nà, a kàràn è ra.

Yudè 1:8

Tɔ̀ soo tsuru taki, twɛy mòdzin neè sa gbaɔn e re sìràn goo reè kpɛyn, yè e gɔɔ̀n noo ko tɔ̀ ka. Yè e nɔn Tsìfaà rè kùntsììbee rè, yè jìrànxɔɔ̀ nɔɔrɔ ge reè tsoo bara.

Piyɛrì fiiraa 2:10

Gooma na ni nìì reè vwɛ̀ɛ gɔɔn raa goo rèè kpɛyn è ɲɛn è kur'la goo nooŋma rèè tsɛ, yè bà Tsìfaà rè kùntsììbee ɲanfyɛnbee. È kùun xɔ, è blà e yɛr'le, è to yè bà ni jìrànxɔɔ̀ nɔɔrɔ ge reè tsoo bara, tɔ̀ shiɲaanbe na ni è ra.

Piyɛrì jɔ̀naà 5:1

Àwà bɔɔ nìì reè ni ye fi, min vu boò twɛy rìì là dòònuùn, min màxɔ̀n. Mun sa yeè è tsuru bɔɔ, nìi Kirisà rè byɛnbe goo reè shɛɛrɛ. Nɔɔrɔ nìi nà nà e kpadè, mun sa nin ni tɔ̀ ɲan.

Dzyèèsìbee mòdzin neè 3:14

Àwà, mùn ɲɛun Ŋaablà ra nìi tsuru fɔ à dziikuan, mùn ye to tɔ̀ tsɛ è bè suu fɔ à lataan dzu, mùn kpɛ̀yn Ŋaablà Jaara Modzìàn dzyèèsi rèè.

Dzyèèsìbee mòdzin neè 3:1

Tɔ̀ rii kamà n neema ì, Ŋaabla ye nìì reè kiriɔ è ye bà e raa, m'a gaa, ye e akiri to Yesù tsɛ, wò rii Ŋaablà re kɛɛraa è bà Saaka Jɔundzin, Ŋaablà re shia doùn, mùn tɔ̀ niì goo dèe.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Tsitè 2:15

Tɔ̀ rii dè mòdzian nà, e màxɔ̀n, e sààben de è ra kùntsììbee fàan sapɛ ka. Mòò pɛn mà a ɲanfyanbe.

Tsitè 2:1

Àwà Tsitè, nìi kpɛ̀yn wo, mòdzian kàràn, è kòrò kàràn takia ka.

Tsìmotè jɔ̀naà 5:1

Àwà maà a vu màxɔbe mòòbɔɔ̀ ka waa, ŋà à mà nì xɔ̀n a ci a fa. Dzunwɛyn neè, e twɛy màxɔ̀n a ci a tseyn ì.

Tesalonikika reè fiiraa 1:3

Neema reè, kudɛyn, ɲe wù ɲe yè baraka sìn Ŋaablà ra ye kamà. Tɔ ni e shi tsɛ, è ɲɛn à tsɛ ye re ɲɛynaà fàan blàbe beè màan ji o ji seroun. Kɛ̀nbààbe riì to ni ye ɲan, tɔ̀ sa buu bèe ye ko e si fi.

Kolosika reè 1:4

È ɲɛn à tsɛ, ye ɲɛɔ̀n Yesù Kirisà rà ɲɛun'n kur'liì rà, ko ye Ŋaablà re mòò rèè sapɛ kɛniɔ̀n kɛ̀nìùn'n kur'liì rà, ɲe torò jiu tɔ̀ ɲan.

Kolosika reè 1:2

nèe ɲe re sɛbɛn, è ka Ŋaablà re mòò rèè rè Kolosì wɔ̀ rɔ̀n, neema niì reè ɲɛɔ̀n Kirisà rà. Arì she, mùn Fà Ŋaablà ɲanwùɔ, ko jaanciàn, mùn Fà Ŋaablà yeè twɛy sìn e ra !

Efɛsika reè 3:6

Tɔ̀ gòndoo rìì yɛ, Yesù Kirisà ɲàn, kun kpɛrɛ mòdzin neè, ko Dzyèèsìbee mòdzin sapɛ bàu e si shɛnsensi. È sa bàu gɔnkungɔ soo, è sa nin yè jà Ŋaablà re làyiri seunmaà ɲàn, Kùnàgoo Dziɔ̀ baraka rɔ̀n.

Efɛsika reè 1:15

Tɔ̀ kamà, ye ɲɛɔ̀n Tsìfa Yesù Kirisà rà ɲɛun'n kur'liì rà, ko ye Ŋaablà re mòò rèè sapɛ kɛniɔ̀n kɛ̀nìùn'n kur'liì rà, mun toro jiumaà tɔ̀ goomaa ɲàn,

Efɛsika reè 1:1

Mun Poli, Yesù Kirisà rè kɛɛradzian Ŋaablà saɔ baraka rɔ̀n, nèe mun ne sɛbɛn è sìn Ŋaablà re mòò rèè rà Efɛsì wɔ̀ rɔ̀n, nìì reè ɲɛɔ̀n Yesù Kirisà rà.

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Ɔ̀rɔ̀mùnka reè 11:17

Tà doùn, oliviku takia sààn neè swey jèè boumaà, wo jòon olivikuà sààn sɔn yeè tsyɛ na shì tɔ̀ sààn dzyee touma rèè fi, wo sa yeè bà ni à jiɛ̀ yuà nàfaà tàrà,

Ɔ̀rɔ̀mùnka reè 8:29

È ɲɛn à tsɛ, à nìì reè tɔ̀u jɔ̀na, à twɛy jɔ̀na sa ŋɛnɛ̀ɲan tsuuŋ, è bà e Dzin Kpir'la bosi, gè riì n'a to tɔ̀ yeè bà dzin jɔna kereumaà neema giri fi.

Matsiyù 25:40

Màsà kpir'là nà dzin è ra tɔ̀un ci: "Sààben na, mun nì ci e ra, ye twɛy tsuru fau mun neema kiɲaanin nèe rèè mòò sɔn ne min niì, ye y'à fau mun nì nè."

Matsiyù 23:8

Ŋà nìi ye, e maà à to ye kiri kàrànfa waa, kàtsu kàrànfa soo pe rii ni ye re, ye sapɛ to yè bà e si neema ì.

Matsiyù 6:24

Mòò pɛn na dzia faagoo fa kùntsii fii re waa. Soo goo ma xɔbe à mà, soo goo dzibee à ra, tàmafa, è shi soo rà è soo kɔn. Ye fa dzi faagoò fa Ŋaablà re, y'a fa nàfor'la sa re waa.

Kɛɛradzin neè faadziɛ 1:15

Àwà, sii sɔn see, kàràndzin neè yè nà e ladzyèè kɔn, è giribee yè bà na mòkun caànmoò ko dzin mòò boò. Tɔ̀ sii sèè, nìi Piyɛrì, tɔ̀ yeè fù, è tsiì è fi, è dzin nèe tsuru ci:

Swiv nou:

Lyen patwone

Piblisite

Piblisite