Tsìmotè jɔ̀naà 6:11 - Bible Dzùùngoo Unicode

¹¹ Ŋà nìi wo, Ŋaablà re mòdzian, vwɛ̀yn twɛy goo rèè jɔun. A gban nìì reè kpɛyn, tɔ̀ rii yɛ terenbee, ko Ŋaablà jɔun shiɲaanbee, ko ɲɛynaà, ko kɛ̀nbààbee, ko mɔ̀ɲɔɔn, ko vununmadzibeè.

Tsìmotè jɔ̀naà 6:11 Referans Kwoze

Tsìmotè fiiraa 2:22

Vwɛ̀yn dzunwɛynbeè kur'la goo reè jɔun. Nìì reè yè e vu boò Tsìfaà rà ko duun fyɛ ka, e terenbee, ko ɲɛynaà, ko kɛ̀nbààbee, ko jaanciàn gaa twɛy ka.

Tsìmotè fiiraa 3:17

gè riì ni à to, Ŋaablà re faagoofabaà yè bà mòdzin mɔunma, à dzii yè bà tsyɛɔ̀n faagoo wuu faa sapɛ dzyeèma kajaa tsɛ.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Dzyèèsìbee mòdzin neè 12:14

Ye e maxɔbe, jaancin yè bà ni e ko mòdzian sapɛ fi. Ye e yɛrɛ fɛnɛbe, ye bà Ŋaablà raa. Tɔ̀ ma fa fyeu, mòò pɛn jaa fa ɲɛn Tsìfaà mà waa.

Korɛntsika reè jɔ̀naà 10:14

Tɔ̀ kamà mun ne kɛ̀niunma rèè, ye vwɛ̀yn ɲɔ̀n kɔɔ jɔun.

Piyɛrì jɔ̀naà 3:11

È vwɛ̀yn ɲaan jɔun, è wùɔ fa. È jaanciàn gaa, è gban à kpɛyn.

Korɛntsika reè jɔ̀naà 6:18

Ye vwɛ̀yn kɛ̀kɛ̀ɛ̀ybee jɔun ! Mòdzin gooɲaan dzyee niì reè sapɛ faa, à sapɛ gɔɔ̀n dà kèrè goo, ŋà kɛ̀kɛ̀ɛ̀ybee, tɔ gooɲaan, à nìi faa e yɛr'la gɔɔ̀n rà.

Tsìmotè jɔ̀naà 5:10

À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Korɛntsika reè jɔ̀naà 14:1

Ye kɛ̀nbààbee gaa gaaŋ'n kur'la sapɛ. Ye sɔ̀ɔ̀n Ŋaablà re Dzia rè goo rèè sa kpɛyn, kɛɛrabe goòmà rèè dèè raà yè bè geren.

Ɔ̀rɔ̀mùnka reè 14:19

Tà doùn, goo nìì reè nàa jaancin ka, mìn twɛy rìì gaa, ko nìì reè nà à to mìn fààn wɔ e si ɲan.

Tsìmotè jɔ̀naà 6:20

Àwà Tsìmotè, nìi kɛ̀ɛ̀yfaunà a ma, tɔ̀ màrà. Gooma nafà bɛy reè, nìì reè ko Ŋaabla goòmàà na byɛɛ̀n, e twɛy jɔun bo. È to twɛ̀y goòmà nìì reè ka sɔ̀swɛy faa, sààben to na ni è ɲan waa, e twɛy sa jɔun bo.

Tsìmotè jɔ̀naà 1:14

Mùn Tsìfaà ɲanwùɔ blàbeu mun kàjaa tsɛ fɔ è bè geren, è ɲɛn ɲɛynaà ko kɛ̀nbààbee tsɛ, tɔ̀ niì ni Yesù Kirisà ɲàn.

Tsìmotè fiiraa 2:21

Tà doùn, mòò riì nà e foò fyɛ bo twɛy goo rèè sapɛ ɲan, tɔ nà bà jisee bla blaa faagoo faa tàànge, nìi fɛnɛɔ̀, è tsifaà màgoo wubee, à mà yè bà byɛ̀n tsùuŋnà faagoo wuu faa sapɛ kamà.

Tsìmotè fiiraa 3:10

Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.