Tsìmotè jɔ̀naà 6:10 - Bible Dzùùngoo Unicode

¹⁰ È ɲɛn à tsɛ, ɲɛɛn kɛ̀nbààbee rìì gooɲaan sapɛ jiɛ̀. À saabu ɲan, mòò giri yè e dan gbànbeu ɲɛynaà nà, yè byɛnbe giri ji e yɛrɛ tsɛ.

Tsìmotè jɔ̀naà 6:10 Referans Kwoze

Tsìmotè jɔ̀naà 6:9

Àwà nìì reè sapɛ y'a gaa ye yè bà gètsi, dzuunbweè twɛy sapɛ tar'la. È kur'la goo ɲaan ɲaùn gir'lèè yɔ̀ɔ̀ yè è kuàn, twɛy nìì reè mòdzian bar'la, yè è kùngɔ fìrì peu.

Tsitè 1:11

Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

Yudè 1:11

È raa barau ! È ɲɛn à tsɛ, è Kayinìn dɔ̀n shià seun, ɲɛyn goo yè bà saabu, yè e san fìrì a ci Bàlaamùn. È màbaunmaà doùn a ci Korè raà tsuru, è barau.

Tsìmotè fiiraa 4:10

È ɲɛn à tsɛ Demasì nèe dziɲan ree goo rèè kɛ̀niɔ̀n nìi fa, tɔ̀ ye e nɔun mun ne è geren Tesalonikì. Keresɛnsì, tɔ dɔ̀n bèu Galatsi mar'la ɲan, Tsitè yè bè Dalamasì màr'lɔ̀ùn.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Matsiyù 23:13

Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.

Yàkubà 5:19

N neema ì, mòò ye firì e ɲan è dan gbànbe sààbeen shia rà, sɔn yeè sèè na à ka sààbeen shia tsɛ.

Tsìmotè jɔ̀naà 6:21

Swey tɔ̀ bàu e re faagoo, yè ɲɛynaà shia bàji. Arì she, Ŋaablà ɲanwùɔ yè bà ni e tsɛ !

Goo kpàdèuma rèè 18:13

ko nange rìi kir'là kanɛli, ko nange kpɛrɛkuru ì, ko ɲinin kinin dziù rèè, ko mà tsusaa gè fama niì kir'là miiri, ko wushunaà, ko ɛ̀rɛ̀nzhɛ̀ndzìn yua mììngeè, ko ɲin'na ko fa wùɔ, ko shìmàn kaatsi sɔn, ko dzwɛka kun bla reè, ko sàà rèè, ko shù rèè, ko kaa faa vwɛ̀ɛ̀ràge rèè, ko jòn nèè, twɛy gè gɔɔra rèè sapɛ.

Matsiyù 6:19

E maà nàforo ladzyèè tsùù e re dzɔ̀nxɔɔ̀ tsɛ waa. Dzɔ̀nxɔɔ̀ tsɛ, daa rèè ko kpɛ̀ɛkpɛɛ̀ baragoò faa, shɔn rèè sa yeè bà dzii rèè kɛɛ̀, yè gè rèè sen.

Matsiyù 13:22

Shìmàndzin neè bèu tɔrɔn daaku gane riì ɲàn, mòdzin neè swey ni tɔ̀ daaku ganee rìì tsuru. È gooma ree myɛ̀ɛn, ŋà dziɲaun vyɛ̀ɛ̀yràgoo reè, ko nàfor'la raa sànfir'la bàa saabu è gooma ree ŋòò è ɲan, à na dzia dzin wɔ waa.

Marikì 4:19

ŋà è vyɛ̀ɛ̀yràgoo reè dziɲan ree doùn, ko nàfor'la raa sànfir'la, ko è kur'la goo giri kpɛ̀rɛ̀kuru bàa saabu è gooma ree ŋòò è ɲan, à na dzia dzin wɔ waa.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tsìmotè fiiraa 3:2

Mòdzian taa fa bà ni mòò mà e yɛrɛ tɛy, è nà ɲɛɛn kɛ̀n, yè bà yɛ̀rɛ̀dèra ì, è blà e yɛr'le, è Ŋaablà tsoobarabaa ì, è na e ker'làgè blàbee, è goowuu tɔ bɛy ì, è màgoo na ni Ŋaabla ɲan.