Tsìmotè jɔ̀naà 5:8 - Bible Dzùùngoo Unicode

⁸ Mòò riì na e taa too e re mòò rèè rè waa, à re gbàdòùndzin neè raà yè geren, tɔ̀ tsìfa yè e nɔun ɲɛynaà mà, ɲɛynabɛy sa yeè bà fyan à mà.

Tsìmotè jɔ̀naà 5:8 Referans Kwoze

Galatsika reè 6:10

Tà tsuru, goowùɔ jaa wùù ye ba ni waatsi o waatsi, mùn y'a fa mòdzian sapɛ re, mùn ɲɛynamoosi reè raà yè geren.

Korɛntsika reè fiiraa 12:14

Àwà mun sɔ̀n byɛ̀unma yɛ kɔn, mun nà bè n jaa zhiigira ɲan ye kpà. Ŋà mun fa bà ye kùùn seyn waa. Mun nìi gaa, tɔ̀ na ye suun ge reè waa, ŋà ye yɛ̀r'la. È ɲɛn à tsɛ à na ni dziin nèè mà twɛy yè nàforo ladzyèè tsùù ker'là gè rèè rè waa, ŋà ker'là gè rèè rìì wù y'à ladzyeè tsùù dziin nèè rè.

Tsitè 1:16

È dziàn ci ye Ŋaablà tɔ, tɔ̀ to y'à tàrà è faadziɛ y'à kpàdèe ci è na à tɔ̀ waa. È mòdzin kinin bouma ì, mòdzin mabaunma ì, è na dzia goowùù soo fa.

Matsiyù 7:11

Ye ko e re ɲanbee sa, ye wù, ye yè gè niì sìn e dzin nèè rà è bà wù, ye tɔ̀ tɔ̀. Ye ye ba tɔ̀ tɔ̀, ye Fà Ŋaablà riì ni jìrànxɔ rɔ̀n, gooma na ni tɔ̀ mà waa. Nìì reè y'à fyɛ̀ɛn, à nà twɛy kɔ̀ gè rà, nìi wù.

Tsìmotè fiiraa 3:5

Yè e yɛrɛ baà ci ye shia Ŋaablà jɔun, tɔ̀ to y'à tàrà è na e tsiiŋnà à ɲan dzibaabee rà waa. A dan gbànbe twɛy mòdzin neè rà.

Goo kpàdèuma rèè 3:8

Mun wo faadziɛ tɔ̀. À siin, mun dzii san jiɔ̀ wo re, mòò fa dzi nìi tsyee waa. Wo ɲan dzibaabee kpɛ̀yn dzyɛ̀n, ŋà wo mun ne goomaa màrau. Wo na a dziira tsɛ mun na waa.

Goo kpàdèuma rèè 2:13

Wo tsùuŋnà min niì, m'a tɔ̀. Sùtan'ne màsà gbaaniɛn ni mɔn nì. Wo shìuma tou mun na, wo na a dziira tsɛ mun na ɲɛynaà doùn waa. Arì Antsipasì, mun shɛɛrɛ vusootsià, tɔ vuu waatsi riì bwèy Sùtana tsùùmaà gàne rɔ̀n ye re mɔn, wo shìuma tou mun na.

Piyɛrì fiiraa 2:1

Àwà kɛɛra doo de reè fùu Ŋaablà re mòò rèè fi nìì tsuru dan, tɔ̀ soo tsuru, kààmoo doo de reè sa nà fù ye fi, nìì reè nà karan ì dɔ̀n ye sàn dzuun, nìi reè doò, yè bà baragoò faa. À nà bè wɔ fɔ yè e nɔn Kùntsiɛ̀ rè, tɔ̀ niì yè è kùngɔ màbou, è to nà e bar'la jaa ka e yɛr'la tabe.

Yùxanà 15:22

Mun ma ba na nàu, mun to mà bà na goomau è ka, gooɲaantsii goo fa ni siin è vu ra waa. Dòònuùn, mun to nàu min gooma è ka do, yɛ̀rɛ̀ tò goòmà na ni à ɲan è re gooɲaantsiɛ kamà dɛ.

Yudè 1:4

È ɲɛn à tsɛ, mòdzìn ì dɔɔ̀n ye sàn dzuun, nìì reè na shia Ŋaablà jɔun waa, Ŋaablà re Goomaa nìì reè kitsi goo deò nòn, fɔ dan. Twɛy mòdzìn neè ɲe re Ŋaablà ɲanwùɔ goò lakere baɔ̀ seeybɛybe goo, yè bà e dziira tsɛɛ̀ Yesù Kirisà rà, mùn Kùntsii soo pee ko mùn Tsìfaà.

Korɛntsika reè fiiraa 6:15

Byɛ̀n kɛ̀nma ni ni Kirisà ko Sùtana fi ? Dzyèè kɛ̀nma yeè bà ni ɲɛynamoò ko ɲɛynabɛɛ fi ?

Matsiyù 18:17

À ye e nɔn ci wò fa twɛy tsu raà myɛ̀n, à dè ɲɛynamoo kur'là rà. À maa e tsiì è ɲɛynamoo kur'là tsu raa myɛ̀n, tà bwèy à jàtsi kun Ŋaabla tɔ bɛy, tàmafa xɔnsɔɔntsibaa.

Korɛntsika reè jɔ̀naà 6:6

Ŋà è bè wɔ fɔ neemaa sɔn yeè e neemasi kitsia, à to na min kpɛrɛ fɔ ɲɛynabɛy reè bììn !

Tsìmotè fiiraa 2:12

Mùn sàn gbaunma ye to à kpɛyn, mùn nà màsàbee fa ko à ka. Mùn to ye e dziira tsɛ à ra, à sa nà e dziira tsɛ mùn nà.