Tsìmotè jɔ̀naà 5:3 - Bible Dzùùngoo Unicode

³ Fùnshɔ̀ùntaan taki reè, a magoo wɔ twɛy ɲàn.

Tsìmotè jɔ̀naà 5:3 Referans Kwoze

Kɛɛradzin neè faadziɛ 6:1

Àwà, tɔ̀ jisee kamà, Yesù rè kàràndzin neè na giribe beè vu rìi mà, è na giribe beè tɔ̀ vuà rìì mà. È na kuru fii, è sa yeè bà na Dzyèèsìbee mòdzin ì. Kuru soo dzin neè na kungoòmà sɔn deè, nìi kir'là, ci gɛ̀rɛ̀kì goòmàà. Kuru fiira dzin neè yè bà na Dzyèèsìbee mòdzin neè raa goomaa dèe. Gɛ̀rɛ̀kì gòòmà de reè, yè nà e maa yè jàa kuru fiira dzin neè rà, yè è tsoo dèe, ci è na ɲwɛyn tan'na faa e shi tsɛ ye raa fùnshɔ̀ùntaan rèè ka waa.

Piyɛrì jɔ̀naà 2:17

Ye blà wɔ mòdzian sapɛ ɲan, ye neema reè kɛ̀n, ye shi Ŋaablà jɔun, ye blà wɔ màsà kpir'là ɲàn.

Piyɛrì jɔ̀naà 3:7

Tɔ̀ soo tsuru, jaamabee dzyèè doùn, ye kpir'leè sa yeè e re tààn rèè kun akiritsifabe ka, ye bà à tɔ̀ ci tàànbee nìi tsuru gè, à fàan dzyɛ̀n. Ye è blàbe, è ɲɛn à tsɛ, jaamabe riì tàr'la Ŋaablà ɲanwùɔ baraka ɲan, ye tɔ̀ shɛɛ̀n seen esire. Ye tɔ̀ fa, gè riì ni à to goo sɔn pɛn mà e re Ŋaabla mafyɛyn nèè jɔun shu waa.

Yàkubà 1:27

Ŋaabla shi nìi fɛnɛɔ̀ Fà Ŋaablà jaa dzuun, noo na ni à kàjaa pɛn tsɛ fyeu, tɔ̀ rii yɛ a taa to dzinsèè rèè ko fùnshɔ̀ùntaan rèè rè e re byɛnbee doùn, tà ko a yɛrɛ taàn dziɲaun goo nooŋmaà sapɛ ma.

Tesalonikika reè jɔ̀naà 2:6

Ɲe na blàbe gaa è bo mòdzin ì nè. Ɲe na à gaa ye re, ɲe to na à gaa mòò kpɛrɛ ì rè.

Kɛɛradzin neè faadziɛ 9:39

Tɔ̀un, Piyɛrì yè fù, è gban è kpɛyn suu. Àwà, Piyɛrì bèu wɔ mɔn, taàn fùàn ɲɛɔ̀n gbà nìi doùn sangasoò jìran nɔ̀n, yè bè à ka mɔn. Fùnshɔ̀ùntaan rèè sapɛ yeè e kpɛrɛ̀ Piyɛr'là tɔ̀un, yè bà gɛɛ. Tàbità na ni jaamabee rà è ka waatsi riì bwèy, à mɛ̀yɛ̀rii niì reè ko mɛ̀yɛ bla niì reè lamɔnɔun, yè twɛy kpàdèe Piyɛr'là.

Lukì 7:12

È bèu wɔ wɔ̀ɔ̀ dɔ̀nmàdziɛ rà, yè mòdzin swey bokɔɔn ja wɔ̀ɔ̀ doùn ko dzunwɛyn sɔn fun ka. È na bèe à ka fùn wɔma nɔ̀n. Tɔ̀ dzunwɛɛn soo den ni na ni e naà rè. Tɔ̀ taàn sa re kpir'la na saɔn nòn. Wɔ̀ùndzin neè na boo giri, yè bà bèe taàn ka e dziàn fùn wɔma nɔ̀n.

Lukì 2:37

Tà shɔ̀ùn, tɔ̀ kpir'la yè dò, à y'à to. Tɔ̀un, Anì yè to e soone, à sìà yè bè wɔ fɔ jii cɛɛ̀n ko dzin nààlen. Kudɛyn, à na ni Ŋaablà re gbà blàa fɔɔn doùn. Feèn ko bwèè sa, à na goo faa Ŋaablà re, nìi yɛ, à suàn wɔɔ̀, è bà Ŋaablà mafyɛ̀ɛn.

Matsiyù 23:13

Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.

Matsiyù 15:6

Tɔ̀ ye de nòn, ci à na wɔɔ̀ e blàbe fa a faà rè dɛ. Tà tsuru ye Ŋaablà re goomaa mɛrɔun e re shi bɔrɔɔ kamà.

Tsìmotè jɔ̀naà 5:2

Tàànbɔɔ reè màxɔn a ci a na ì, nìì reè to na bɔrɔɔ waa e twɛy màxɔ̀n a ci a tseyn taan ì, duunfyɛ ka.

Yùxanà 1:47

Àyìwà, Yesù Natanayɛlì nàkɔɔn jau e ra, è dzin à re goò ɲàn ci: «Nèe Isirayɛlidzin taki takì rìì yɛ nèe. À re goò sapɛ fyɛɔ.»

Kɛɛradzin neè faadziɛ 9:41

Piyɛrì y'à si kun, è wɔ à ra, è fù. Tà shɔ̀ùn, è kòmànà kàràndzin neè ko fùnshɔ̀ùntaan rèè sèè kiri e shɔùn, è taàn jaama kpadè è ra.