Tsìmotè jɔ̀naà 5:25 - Bible Dzùùngoo Unicode

²⁵ Tɔ̀ fau'n kuru soo rà faadzii wuu reè sa tɔ̀ɔ tabe. Nìì reè to na tɔ ŋe, twɛy tsu mɛnɛunma fa to waa.

Tsìmotè jɔ̀naà 5:25 Referans Kwoze

Lukì 11:33

Tà shɔ̀ùn, Yesù yè dzin kɔn ci: «Mòò pɛn na fìtsina dzu wɔɔ̀, a mɛnɛn, tàmafa e gèè sɔn kuu à kùùn waa. À y'a den, à tsùɔ fìtsìnà tsuuma nɔ̀n nì, gè riì ni à to nìì reè dɔ̀ɔn gbàà doùn, twɛy yè dzi à vyeè jà.

Tsìmotè jɔ̀naà 3:7

À wù sa, à tsoo dzi yeè bà ni ɲɛynabɛy reè dzu, gè riì ni à to à mà nà bà ɲanfyɛnbee gè, tɔ̀ yeè nà bà saabu è mɛɛy Sànwɔbaà rè yɔ̀ɔ̀ doùn waa.

Kɛɛradzin neè faadziɛ 22:12

Àwà, kpiri sɔn na ni mɔn, ci Ananiyasì. Tɔ̀ kpir'la na shia Ŋaablà jɔun, è bà Musà rè sàrìyaa goo rèè shi jiɛ e jiu'n kur'la. Dàmasì wɔ̀ɔ̀ Dzyèèsìbee mòdzin neè sapɛ na à tsoo dzi kir'là.

Kɛɛradzin neè faadziɛ 10:22

Twɛy yè dzin ci: «Kaadzin kuntsii niì tsoo ci Kɔrɔnayì, tɔ̀ rii ɲe ka naɔ. À mòdzin tereonma, à Ŋaablà blabee, à tsoo dzi yeè bà ni Dzyèèsìbee mòdzin neè sapɛ dzu. Ŋaablà re mɛ̀rɛ̀kɛ sɔn y'a gaaŋnà à re, ci è wo kiri na e re tsii, ci gooma ni wo re, wo y'à dè à ra.»

Kɛɛradzin neè faadziɛ 9:36

Àyìwà, wɔ̀ sɔn na ni, ci Yɔpɛ̀. Tàan sɔn na ni tɔ̀ wɔ̀ rɔ̀n, tɔ̀ sa yeè bà na Yesù rè kàràndzin. Tɔ̀ taàn tsoo na ci Tàbità. Gɛ̀rɛ̀kì goòmà nɔ̀n, ci 'Dɔrɔkasì', nìi dzuɔn ci Dagbɛ. Tɔ̀ taàn na goowùɔ faa kudɛyn, è bà wɔɔ̀ gbakɔɔn reè rà.

Matsiyù 5:16

Tɔ̀ soo tsuru, ye sa raa vyevyeè yè bo mòdzian rè, yè bà ni ye faadzii wuu reè jà, yè tsoo dzi ɲɛn ye Fàà tsɛ, tɔ̀ riì ni jìrànxɔ rɔ̀n.»

Filipika reè 1:11

E ɲantsyɛunmaà terenbee dziàn nà è bo Yesù Kirisà rè, tɔ̀ yeè blàbe ko tsoo dzi ɲɛn Ŋaablà tsɛ.

Goo kpàdèuma rèè 14:13

Tà shɔ̀ùn, min gooma vu sɔn myɛn è bo fɔ jìrànxɔɔ̀ doùn, tɔ dziàn ci: «À sɛbɛn ci: Nìì reè saàn yè bà ɲɛɔ̀n Tsìfaà rà, fɔ dòònuùn, twɛy raa wùbeu.» Ŋaablà re Dzia ci: «Ɔ̀ɔn, è nà e ɲanwɔ yè bo e re byɛnbee ɲàn, kàtsu è faadziɛ ni è kpɛyn.»