Bib sou entènèt

Paj dakèy
Bib sou entènèt
Tsìmotè jɔ̀naà 5:17

Tsìmotè jɔ̀naà 5:17 - Bible Dzùùngoo Unicode

¹⁷ Ɲɛynamoo kur'la bɔɔ nìì reè ɲɛynamoo kur'la kuru kuun'n kuru wuu faa, twɛy wù blàbe ka shiɲaan jaa fii, gooma na ni nìì reè yè e yɛrɛ siɔ̀n waajibi faa ko mòdzìn kar'na faagoò rà waa.

Gade chapit la Kopi

tounen moute ⬆

Tsìmotè jɔ̀naà 5:17
41 Referans Kwoze

Dzyèèsìbee mòdzin neè 13:17

Ye e toro wɔ e jɔundzin neè rè, ye e majàà è re, kàtsu, ye rìì ye kààwɔɔ̀ kudɛyn. È taa n'a mà, ci sii sɔn see, ye nà e re faagoò kpunan bo Ŋaablà re. Ye ye tɔ̀ fa, tɔ̀ rii nà à to, yè e re faagoò fa taamadzibe ka, à fa bà taamaŋununbe ka waa. Tà boshɔ̀ùn, è fa taamaŋununbe ka, ye re mɛɛy rìì ni tɔ̀ ɲan.

Galatsika reè 6:6

Mòò riì kàr'na Ŋaablà re goomaa nà, à wù tɔ̀ yeè e karànbaà nìn bo e suun ge reè sapɛ ɲan.

Lukì 10:7

Fɔɔn re dzin niì reè ye e tsiì ye jaà ye re, ye to tà fɔɔn doùn. È ye ɲwɛyn nìi sìn e ra, ye tɔ̀ ɲɔn. Yè yu rìi sìn e ra, ye tɔ̀ mìn, kàtsu, faagoofadzian wù e sar'là ka. E maà e tɔɔnsi tsiɛ lakere kere beè waa.

Dzyèèsìbee mòdzin neè 13:7

E jɔundzin bɔrɔɔ niì reè yè è toro kɔ̀ dɔ̀un Ŋaablà re goomaa nà, ye e taa to twɛy rè. È re jaamabee lataun nìi tsuru, ye tɔ̀ siin, e sa yeè ɲɛn Ŋaablà ra è raà tsuru.

Tsìmotè fiiraa 2:6

Fɛɛfabaa rìi byɛɛn è fɛɛ fa, tɔ̀ rii jɔ̀na wù è nin tarà shìmaan ɲàn.

Filipika reè 2:29

Tà doùn y'a kùùntsiu'n kuru wube Tsìfaà ɲàn ko taamadzibeè sapɛ ka. Ye blà wɔ tɔ̀ tsuru mòdzin neè ɲàn.

Ɔ̀rɔ̀mùnka reè 12:8

Nìi raà mòdzìn màxɔn, tɔ̀ yeè mòdzian màxɔ̀ɔn. Nìi raà kwɛ̀yfa, tɔ̀ yeè kwɛ̀ɛ faa, à mà e bonè siin waa. Nìi raà jɔundzinbe, tɔ̀ yeè tɔ̀ fa ko sɔ̀bɛ̀nbe ka. Mòò riì màtsur'la, tɔ̀ yeè tɔ̀ fa ko taamadzibe ka.

Kɛɛradzin neè faadziɛ 28:10

Tɔ̀ goò yè bà saabu, blàbe giri yè ɲɛn ɲe tsɛ mɔn fɔ è bè geren. Ɲe ci e ye bo mɔn waatsi riì bwèy, ɲe yè bè, gè o ge màgoo ni ɲe ra e re jìɛ̀ doùn, yè tɔ̀ sapɛ sin ɲe ra.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Ɔ̀rɔ̀mùnka reè 16:12

Ye tswɛ̀y sin Tsirifayinà ko Tsirifosà rà, twɛy tàan nìì reè yè e yɛrɛ siun faagoò rà Tsìfaà rè. Ye tswɛ̀y sin Pɛrɛsisì sa ra, tàan kɛ̀niunmaà, tɔ̀ niì sa faagoo giri fau Tsìfaà rè.

Ɔ̀rɔ̀mùnka reè 15:27

À kpɛ̀yn sààben y'à ŋɛ̀nɛ̀ɲaun, ŋà è na wù y'à fa sa, kàtsu è re tsìi ni è ra. È ɲɛn à tsɛ, kun kpɛrɛ mòdzin neè ye ba e ninma jau xɔn raa goo rèè ɲàn è bo è re, à wù è sa yeè e ninma ja suun ge reè ɲàn, è bo kun kpɛrɛ mòdzin neè rè.

Filipika reè 4:3

Wo rìi sa to mun faagoofasi taki takìà, m'a gaa a re, e wɔ è ra. È wɔu mun na Kùnàgoo Dziɔ̀ faagoò doùn, è ɲɛn Klemà tsɛ ko mun faagoofasi dzyee reè sapɛ. È sapɛ tsoo rèè sɛbɛɔ̀n jaamabee sɛbɛɛn doùn.

Korɛntsika reè jɔ̀naà 16:16

ci ye e majàà twɛy mòdzìn tsu rèè rè, ko nìì reè sapɛ faagoò faa ko è ka, yè bà ni tɔ̀ faagoo xɔù soo rà.

Kɛɛradzin neè faadziɛ 11:30

È to tɔ̀ rii fau. Yè e si ji e si tsɛ tɔ̀un, y'à sìn Barinabasì ko Sɔlì rà, ci yè b'a sìn Yude mar'la kàràndzìn kur'là jɔundzin neè rà.

Tsìmotè fiiraa 4:2

ci waatsi wuu sen ɲɛn waatsi ɲaan tsɛ, e Ŋaablà re Goomaa dè, a tsi à tsɛ. Doò dzuun bo, mòdzian sɔ̀ɔ̀n dè, e màxɔ̀n. Mɔ̀ɲɔn brisi doùn, yè kàràn.

Tsìmotè jɔ̀naà 4:16

A taa to a yɛr'le, a taa to a re kàr'nà rè. A ɲanshì tɔ̀ ra, è ɲɛn à tsɛ à fakɔɔn tɔ̀ tsuru, tɔ nà wo yɛ̀r'la tsi, è wo lamyɛnbaa rèè sa tsi.

Tsìmotè jɔ̀naà 3:5

È ɲɛn à tsɛ, mòò riì na dziɔ̀ e yɛr'la rè tsun'nà nà, tɔ nà dzi Ŋaablà re ɲɛynamoo kur'là ladɔn dzùrù ?

Filipika reè 2:16

Tɔ̀un, è jaamabee goomaa to ye suun, tɔ nà bà mun yɛ̀rɛ̀blàbè kun Kirisà rè jisee sii sèè, è kpàdè ci mun na vwɛyn maana, mun na byɛnbee fa maana waa.

Matsiyù 24:25

Y'a myɛ̀un dɛ, min toro kɔ̀u nòn !

Dzyèèsìbee mòdzin neè 13:24

Ye e jɔundzin neè sapɛ tswa. Nìì reè sapɛ to Ŋaablà raa, ye twɛy sapɛ tswa. Itali jamaan kàràndzin neè yè e tswau.

Tsìmotè jɔ̀naà 4:10

Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.

Korɛntsika reè jɔ̀naà 15:10

Ŋà, mun nìi she, mun bàu tɔ̀, Ŋaablà ɲanwùɔ rìì baraka ɲan. À ɲanwùɔ to na ba goo maana mun kàjaa tsɛ waa, è ɲɛn à tsɛ, mun faagoò fau è geren è sapɛ tsɛ. À to na mun yɛ̀r'la waa, fɔ Ŋaablà ɲanwùù riì ni mun ka.

Kɛɛradzin neè faadziɛ 20:35

Min niì sapɛ, mun na à kpàdèe ye ra kudɛyn, ci ye faagoò fa tɔ̀ tsuru, ye wɔ gbakɔɔn reè rà. Tsìfa Yesù nìi dèu, mìn taa to tɔ̀ re. À dziun ci: "E mòò kɔ̀, dzwɛ ni tɔ̀ rii ɲàn, è geren mòò y'à kɔ."»

Yùxanà 4:38

Mun ye ka bèu dzù sɔn ɲan, ye na faagoo faɔ̀ min niì waa, ci ye yè b'a shìmaan gaa. Swey y'à faagoò fau, ye yè è re byɛnbee tɔ̀n'nà tàrà.»

Lukì 12:42

Yesù yè dzin à ra ci: «Wo re o, mòo dzia ɲɛn gbàà goojaabobaa rìi rà à akiri yè bà dzi, tɔ mòdzìn kaatsi kɛ̀n ? Tɔ mòdzin, à kùntsiɛ̀ y'à tsùɔ e re gbàà doùn jòn dzyee reè kùùn, è bà ni è re ɲwɛɛ̀n sìn è ra e waatsi ɲan.

Tsìmotè jɔ̀naà 5:3

Fùnshɔ̀ùntaan taki reè, a magoo wɔ twɛy ɲàn.

Tsìmotè jɔ̀naà 4:6

Àwà wo ye neema reè kàràn tɔ̀ ra, wo nà bà Yesù Kirisà rè faagoofadzin wuu, ɲɛynaà gooma reè ko kàràn wùɔ baɔ̀ wo xɔɔn ɲwɛyndzii, wo y'à gbaɔn twɛ̀y nìì ree kpɛyn.

Korɛntsika reè jɔ̀naà 3:9

È ɲɛn à tsɛ, ɲe ko Ŋaablà yeè e si faagoofasi ì à re faagoò doùn. Ye rìì Ŋaablà re dzù faramaà, ye yè bà à re gbà jiramaà.

Tsìmotè jɔ̀naà 4:14

Ŋaablà ɲanwùɔ kwɛ̀yge rìi sìun a ra, è ɲɛn kɛɛrabe goòmà tsɛ, ko ɲɛynamoo kur'là bɔɔ rèè si tsùuŋmaà a tsɛ, m'a tɔ̀ bo a si bònè waa.

Tsìmotè jɔ̀naà 5:19

Mòò ye jààki mɛɛy ɲɛynamoo kur'là bɔɔ̀ sɔn tsɛ, a ma shɛɛrɛ fii tàmafa zhììgi vu myɛ̀n, ma a tsiì tɔ̀ ra.

Swiv nou:

Lyen patwone

Piblisite

Piblisite