Tsìmotè jɔ̀naà 4:3 - Bible Dzùùngoo Unicode

³ Twɛy rìì dziàn ci furu mà fa waa, ci ɲwɛyn nèè swey to mà ɲɔn waa. Tɔ̀ to y'à tàrà Ŋaablà twɛy gè rèè sapɛ ɲɛun, gè riì n'a to ɲɛynamoo rèè yè bà ni à ɲɔn baraka sin doùn Ŋaablà ra, twɛy nìì reè sààbeen tɔ̀.

Tsìmotè jɔ̀naà 4:3 Referans Kwoze

Tsìmotè jɔ̀naà 4:4

Àwà, Ŋaabla gè o ge ɲɛun, à sapɛ wù. À pɛn na maarama waa. À dààn yɛ mìn ba à ɲɔɔ̀n, mìn baraka sìn Ŋaablà ra.

Dzyèèsìbee mòdzin neè 13:4

Mòdzian sapɛ yeè blà wɔ fur'la ɲàn. Kpir'la ko taàn pɛn na wù yè ɲànmɔ̀ɔ̀be fa waa, kàtsu, Ŋaabla nà kitsia kunun kɛ̀kɛ̀ɛ̀yra reè ko ɲànmɔ̀ɔ̀bè fa reè tsɛ.

Ɔ̀rɔ̀mùnka reè 14:6

Mòò riì jisee reè blàbee e si mà, tɔ tɔ̀ faa Tsìfaà rìì lè. Mòò riì to ɲwɛɛ̀n ɲɔɔ̀n, tɔ tɔ̀ faa Tsìfaà rìì lè, è ɲɛn à tsɛ, à baraka sìan Ŋaablà ra. Nìi tsu na à ɲɔɔ̀n waa, tɔ̀ sa tɔ̀ faa Tsìfaà rìì lè è ɲɛn à tsɛ, à sa baraka sìan Ŋaablà ra.

Kolosika reè 2:16

È ɲɛn tɔ̀ tsɛ, e maà à to mòò pɛn yè e jaàki ɲwɛyn goo tàmafa mììngè goo ra. E to mà à to mòò pɛn yè e jaàki jaaravi goo ì rà, kuu dzin ye goo tàmafa ɲànwɔ̀ jisee ì goo ra waa.

Korɛntsika reè jɔ̀naà 8:8

Àwà ɲwɛyn nì fa mùn kpɛ̀rɛ̀ Ŋaablà ra waa. Mùn y'a ɲɔun o tɔ̀ fa gè bà mùn tɛ̀y, mùn to na à ɲɔn ò tɔ̀ fa gè bo mùn na.

Kolosika reè 3:17

E naà goo o goo dè, e to nà goo o goo fa, y'a sapɛ fa Tsìfa Yesù tsoo ra, ye baraka sìn Fà Ŋaablà ra à baraka rɔ̀n.

Korɛntsika reè jɔ̀naà 7:28

Ŋà e furu fa, a na gooɲaan faɔ̀ waa. Cangur'liì na kpiri tɔ, tɔ̀ sa ye furu, à na gooɲaan faɔ̀ waa. Ŋà furu fa reè nà byɛnbe riì jà e re jaamabee ɲàn, mun n'a re min ye tààn tɔ̀ rii mà.

Ɔ̀rɔ̀mùnka reè 14:3

Mòò riì ɲwɛɛ̀n ɲɔɔ̀n, tɔ mà a ɲɔn bɛɛ kɔn waa. Mòò riì to na à ɲɔɔ̀n waa, tɔ mà à ɲɔnbaà jààki waa, è ɲɛn à tsɛ, Ŋaabla y'a kun wùù faɔ̀.

Dzyèèsìbee mòdzin neè 13:9

E maà à to mòò pɛn yè e san fìrì ko kàràn kpɛrɛ ì ka, e na nìi tɔ̀ waa. Àwà, à wùɔ rìì yɛ, Ŋaablà ɲanwùɔ yè fààn wɔ mùn ɲan, sani ɲwɛyn goo shi yeè tɔ̀ fa. Nìì reè gbaɔn ɲwɛyn goo shià raa goo rèè kpɛyn, tɔ̀ na gèsɔn pɛn wùbee twɛy mà waa.

Tsìmotè jɔ̀naà 2:4

tɔ̀ niì sào ni mòdzian sapɛ yeè tsi, yè dzi sààbeen tɔ̀.

Korɛntsika reè jɔ̀naà 6:13

Ɲwɛyn ge rèè, twɛy doòn raa, doòn tɔ̀ yeè bà ɲwɛyn ge rèè raa. Ŋaablà to nà twɛy fiɛ̀ sa bara bo mɔn. Ŋà gɔɔ̀n, tɔ̀ na kɛ̀kɛ̀ɛ̀ybee raa waa. À Tsìfaà raa rìì, Tsìfaà yè bà à raa.

Ɔ̀rɔ̀mùnka reè 14:17

Àwà Ŋaablà re màsàbee na ɲwɛyn goo à to na mììngè goo, ŋà à terenbee rìì, ko jaanciàn, ko taamadzibeè Ŋaablà re Dzi Fɛnɛɛ baraka rɔ̀n.

Matsiyù 15:36

Àwà è buru kunun ɲɛɛ̀nuàn ko ji rèè tsi, è baraka sìn Ŋaablà ra, à yè è tara tara, à yè è wɔ kàràndzin neè suun, twɛy y'à tanan jàmaà nà.

Matsiyù 14:19

Tɔ̀un, à y'à gaa jàmaà rè, ci yè e tsuù vuàn tsɛ. Tà shɔ̀ùn, è buru kunun nuàn ko ji dzin fii rèe tsi, è jaà ɲansen jìran kèrè, è baraka sìn Ŋaablà ra. È bur'leè tara tara tɔ̀un, à y'à wɔ e re kàràndzin neè suun, twɛy y'à sìn jàmaà nà.

Kɛɛradzin neè faadziɛ 27:35

Polì twɛy gooma reè dè dòu waatsi riì bwèy, è bur'la sen, è baraka sìn Ŋaablà ra è sapɛ jaa ra. Tà shɔ̀ùn, à y'à kɛɛy kɛɛy, è maa, à y'à ɲɔɔ̀n.

Yùxanà 6:23

Jàmaà bur'la ɲɔun min niì Tsìfaà rè baraka sìunmaà shɔ̀ùn Ŋaa ra, konkoron swey na daɔn Tsiberiyadzì wɔ̀ rɔ̀n, yè nà e tsiì tɔ̀ gàneè tààkuùn.

Lukì 24:30

Àwà, è ci e ye ɲwɛɛ̀n dzii kun waatsi riì bwèy, Yesù yè bur'la sen, è tswɛ̀y sin Ŋaablà ra, è kòmànà à kùnùn kùnùn, à y'à wɔ wɔ è suun.

Matsiyù 15:11

Gè niì dɔ̀ɔn mòdzin dzu è b'a duùn, tɔ̀ na à noo waa. Ŋà nìi boò à dzu, tɔ̀ rii y'à noo.»

Tsìmotè jɔ̀naà 5:14

Tà doùn, fùnshɔ̀ùntaan nìì reè na bɔrɔɔ waa, m'a gaa yè furu fa, yè dzin ì kere, yè e magoo wɔ e re tsun'nà ɲàn, gè riì ni à to ɲaàn mà nà dɔ̀n ma jà, è mùn tsoo bara waa.