Tsìmotè jɔ̀naà 4:14 - Bible Dzùùngoo Unicode

¹⁴ Ŋaablà ɲanwùɔ kwɛ̀yge rìi sìun a ra, è ɲɛn kɛɛrabe goòmà tsɛ, ko ɲɛynamoo kur'là bɔɔ rèè si tsùuŋmaà a tsɛ, m'a tɔ̀ bo a si bònè waa.

Tsìmotè jɔ̀naà 4:14 Referans Kwoze

Tsìmotè fiiraa 1:6

È ɲɛn tɔ̀ tsɛ, mun wo taa toò ci wo Ŋaablà ɲanwùɔ kwɛ̀yge rìi tàrau, mun si rèè tsùuŋmaà doùn wo tsɛ, tɔ̀ sàà dzu den kpɛrɛ.

Tsìmotè jɔ̀naà 1:18

Mun dzin Tsìmotè, mun nèe goo rèe kɛ̀ɛ̀yfaa wo mà, è kòrò kɛɛrabe goòmà dè dɔ̀unma rèè ka wo tsɛ, wo yè bà ni kaa wùɔ fa, twɛy baraka ɲan.

Kɛɛradzin neè faadziɛ 6:6

Àwà, è twɛy mòkun ɲɛɛ̀nuàn bou, yè nà è kpàdè kɛɛradzin neè rà. Tɔ̀un, twɛy sa yeè Ŋaablà mafyɛ̀n è re, yè e si rèè tsùù è tsɛ, yè dzwɛ ji è ra.

Tsìmotè jɔ̀naà 5:22

Maà a si tabe tsuù mòò pɛn tsɛ e faagoo kɛ̀ɛ̀yfa à mà Ŋaa re gbàà doùn. Maà a ba mòò pɛn tɛ̀y e re gooɲaan doùn. À to e bà fyɛɔ.

Tesalonikika reè jɔ̀naà 5:19

E maà Ŋaablà re Dzia sà dzi waa.

Kɛɛradzin neè faadziɛ 13:3

Àwà, è suàn wɔu, yè Ŋaablà mafyɛ̀n, tà shɔ̀ùn, yè e si rèè tsùù tsùù Barinabasì ko Sɔlì tsɛ yè dzwɛ ji è ra, yè kòmànà à to yè bèe Tsìfaà rè faagoò rà.

Kɛɛradzin neè faadziɛ 8:17

Piyɛrì ko Yùxanà yè e si rèè tsùù tsùù be è tsɛ tɔ̀ rii ɲàn, Ŋaablà re Dzi Fɛnɛɛ yè jàà è tsɛ.

Kɛɛradzin neè faadziɛ 19:6

Polì yè e si rèè tsùù tsùù be è tsɛ tɔ̀un, Ŋaablà re Dzi Fɛnɛɛ yè jàà è tsɛ. Tɔ fau min niì, yè e maa yè goomaa kun kpɛrɛ goòmà ì ɲàn, Ŋaablà to gooma niì reè wɔɔ̀ è dzu, yè twɛy dèe.

Kɛɛradzin neè faadziɛ 11:30

È to tɔ̀ rii fau. Yè e si ji e si tsɛ tɔ̀un, y'à sìn Barinabasì ko Sɔlì rà, ci yè b'a sìn Yude mar'la kàràndzìn kur'là jɔundzin neè rà.

Kɛɛradzin neè faadziɛ 22:5

Min ba doò rìì dèe o, Saaka Jɔundzin blaa ko bɔɔ rèè rè dzyèè kur'là mòdzin neè dzia à jaa dè. Ye rìì sɛbɛn ì wɔu mun suun, ci min b'a sìn Dàmasì wɔ̀ɔ̀ Dzyèèsìbee mòdzin neè rà. Tɔ̀ tsuru, ci mòò o moò ni mɔn, yè bà gbaɔn Yesù raa shia kpɛyn, mun dzia à to yè kun, yè shì na mìin Yerusalɛmùn, byɛnbe yeè ɲɛn è tsɛ.

Tsìmotè jɔ̀naà 4:15

A ɲanshì twɛy goo rèè rà, e kun a sii fii ka, gè riì ni à to è sapɛ y'a jà ci a beè jɔun.

Tsìmotè jɔ̀naà 5:17

Ɲɛynamoo kur'la bɔɔ nìì reè ɲɛynamoo kur'la kuru kuun'n kuru wuu faa, twɛy wù blàbe ka shiɲaan jaa fii, gooma na ni nìì reè yè e yɛrɛ siɔ̀n waajibi faa ko mòdzìn kar'na faagoò rà waa.

Tsìmotè jɔ̀naà 5:19

Mòò ye jààki mɛɛy ɲɛynamoo kur'là bɔɔ̀ sɔn tsɛ, a ma shɛɛrɛ fii tàmafa zhììgi vu myɛ̀n, ma a tsiì tɔ̀ ra.

Tsìmotè jɔ̀naà 6:12

Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.