Bib sou entènèt

Paj dakèy
Bib sou entènèt
Tsìmotè jɔ̀naà 3:1

Tsìmotè jɔ̀naà 3:1 - Bible Dzùùngoo Unicode

¹ Àwà mòo dzia ɲɛn nèe gooma ree ra, nìi yɛ ci sɔn ye ba à gaa wò yeè ɲɛynamoo kur'là kuru kun, tɔ faagoo wùù gaa.

Gade chapit la Kopi

tounen moute ⬆

Tsìmotè jɔ̀naà 3:1
19 Referans Kwoze

Tsitè 1:7

Àwà ɲɛynamoo kur'là kààwɔbaà wù è bà mòdzin, jààma na ni nìi rà waa, è ɲɛn à tsɛ, wò rii Ŋaablà re gbàà goojaabobaa. À mà bà mòdzin nìi blà e yɛr'le waa, nìi vunùn ɲan waa, nìi mììnfabaa waa, nìi kaafabaa waa, nìi to na tàrà faa nanmarama waa.

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Piyɛrì jɔ̀naà 5:2

Ŋaablà re sààkur'lìi kɛ̀ɛ̀yfaɔ̀ e ma, ye tɔ̀ kɔ̀ ɲwɛyn, y'a kààwɔ. E maà à fa a ci à yè e ma fààn waa, ŋà y'a fa rii ci à dzi ye ra, a ci Ŋaablà ci è fa nìi tsuru. E maà à bà tɔ̀nɔ̀n gàà shi nanmara ni nìi ɲàn waa, ŋà y'a bà e dusùkùn nà goo.

Tsìmotè jɔ̀naà 1:15

Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

Piyɛrì jɔ̀naà 2:25

Àwà ye na ni a ci sàà fìriuma ì. Ŋà dòònuùn, ye yè e kpɛyn sèeŋ e xɔn reè kplatsuubaà ko è kààwɔbaà mà.

Dzyèèsìbee mòdzin neè 12:15

Ye e yɛrɛ kaàwɔ, mòò pɛn mà nà e dzii bo Ŋaablà ɲanwùɔ ɲàn waa. Mòò pɛn to mà jà e ɲan, nìi nà xe bo a ci gɔ̀ɔ̀jii bàà ɲaùn, è goo rèè gbiiman waa. Tà boshɔ̀ùn, à bàà nà mòò giri sa kun.

Tsìmotè fiiraa 2:11

Nèe gooma, mòò dzia ɲɛn nìi rà: «Mìn ba saun ko à ka, mùn nà jaamabee fa ko à ka.

Tsìmotè jɔ̀naà 4:9

Nèe gooma, mòo dzia ɲɛn nìi rà, è tsiì à sapɛ ra.

Filipika reè 1:1

Mun Polì ko Tsìmotè, Yesù Kirisà rè faagoofadzin neè, nèe ɲe re sɛbɛn, è ka Ŋaablà re mòò rèè rè, nìì reè ni Yesù Kirisà ɲàn Filipi wɔ̀ rɔ̀n, è ka ɲɛynamoo kur'là kààwɔbaa rèè ko à goojaabo reè rè.

Lukì 15:10

Àwà, tɔ̀ fau'n kuru soo rà, mun nì ci e ra, mòò sɔn dzin soo ye seè bo e re gooɲaan kpɛyn, è re jaamabee fau'n kur'la lakere, Ŋaablà re mɛ̀rɛ̀kɛ rèè taamadzibe brìsi rìì faa tà tsìfa tsoo ra.»

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Efɛsika reè 4:12

À tɔ̀ fau, è bà ni Ŋaablà re mòò rèè màbyɛ̀n faagoò kamà, Kirisà gɔɔ̀n yè bà ni fààn tarà.

Kɛɛradzin neè faadziɛ 1:20

Tɔ̀ y'a tàrà, à sɛbɛɔ̀n Zàbur'leè sɛbɛɛn doùn nèe tsuru ci: À re gàneè yè bà koron, mòò pɛn mà e tsuù à doùn dɛ. Ci kɔn: Mòò kpɛrɛ y'à tsɔ̀saan sen e re faagoò doùn.»

Piyɛrì jɔ̀naà 4:15

E sɔn mà byɛn ni ci e vuifabaa, tàmafa shɔn, tàmafa gooɲaanfabaa, tàmafa ci e ye e dzii jiɔ̀ mòò rèè goo ɲan waa.

Tesalonikika reè jɔ̀naà 5:14

Neema reè, mìn maxɔ̀ɔn nìi rà, tɔ̀ rii yɛ, nìì reè pìrìpàrà modzìn, ye e latsi. Nìì reè vyɛ̀rɔɔ̀n, ye è kùùn xɔbe. Ye fààn bɛy reè dzun kun, ye e mɔɲɔn mòdzian sapɛ tɛyn.

Ɔ̀rɔ̀mùnka reè 11:13

Àyìwà dòònuùn, ye nìì reè kun kpɛrɛ mòdzin neè, mun goomaa ye rìì là. Mun goomaa ye rìì là, è ɲɛn à tsɛ mun kun kpɛrɛ mòdzin neè raa kɛɛradzian, mun to blà wɔɔ̀ n ne faagoò ɲàn.

Swiv nou:

Lyen patwone

Piblisite

Piblisite