Bib sou entènèt

Paj dakèy
Bib sou entènèt
Tsìmotè jɔ̀naà 2:8

Tsìmotè jɔ̀naà 2:8 - Bible Dzùùngoo Unicode

⁸ È ɲɛn tɔ̀ tsɛ, m'a gaa kpir'leè yè Ŋaablà mafyɛ̀n min niì sapɛ, è si rèè fɛnɛuma ɲan ye bà seunà, vununta ko sɔ̀swɛy mà bà ni waa.

Gade chapit la Kopi

tounen moute ⬆

Tsìmotè jɔ̀naà 2:8
48 Referans Kwoze

Dzyèèsìbee mòdzin neè 10:22

Tà sapɛ kamà, y'a to mùn yeè e kpɛrɛ̀ Ŋaablà ra ko duunfyɛ ka, mìn bà ɲɛɔ̀n à ra ɲɛun'n kur'la sapɛ ra, duungoo ɲaan sapɛ yeè fòò bo mùn duun, mùn màà yè fòò yu fɛnɛuma ka.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Yàkubà 4:8

Ye e kpɛrɛ̀ Ŋaablà ra, à sa nà e kpɛrɛ̀ ye ra. Ye gooɲaan fa reè, ye e si rèè fòò. Akirifiitsi rèè, ye e duùn fyɛ.

Lukì 24:50

Àyìwà, Yesù dòu twɛy gooma reè rà waatsi riì bwèy, è re kàràndzin neè kiri bo wɔ̀ɔ̀ doùn, è bè è ka Betanìn wɔ̀ɔ̀ kpàkèrè. À bèu wɔ è ka wɔ̀ɔ̀ tɛyn, è tsiì mɔn, è si rèè ɲansen è kùùn, è dzwɛ ji è ra.

Piyɛrì jɔ̀naà 3:7

Tɔ̀ soo tsuru, jaamabee dzyèè doùn, ye kpir'leè sa yeè e re tààn rèè kun akiritsifabe ka, ye bà à tɔ̀ ci tàànbee nìi tsuru gè, à fàan dzyɛ̀n. Ye è blàbe, è ɲɛn à tsɛ, jaamabe riì tàr'la Ŋaablà ɲanwùɔ baraka ɲan, ye tɔ̀ shɛɛ̀n seen esire. Ye tɔ̀ fa, gè riì ni à to goo sɔn pɛn mà e re Ŋaabla mafyɛyn nèè jɔun shu waa.

Tsìmotè jɔ̀naà 5:14

Tà doùn, fùnshɔ̀ùntaan nìì reè na bɔrɔɔ waa, m'a gaa yè furu fa, yè dzin ì kere, yè e magoo wɔ e re tsun'nà ɲàn, gè riì ni à to ɲaàn mà nà dɔ̀n ma jà, è mùn tsoo bara waa.

Kɛɛradzin neè faadziɛ 21:5

Àyìwà, tɔ̀ shikuan nàu tsi, ɲe yè shi gaa, ci ɲe nà geren jìɛ̀ rè. Ɲe ci e ye bè, kàràndzin neè, ko e re tààn rèè, ko e dzin nèè sapɛ yeè bo, yè bè ɲe kèèsen konkoron blaa gàne rɔ̀n. Mùn wɔu mɔn, mùn yeè e kunun gban yu dziɛ rà mɔn, mìn Ŋaablà mafyɛ̀n.

Kɛɛradzin neè faadziɛ 10:4

Kɔrɔnayì yè mɛ̀rɛ̀kɛɛ̀ siin, à shiɲaankɔɔn yeè tey fa ci: «Fee rìì, Tsìfaà ?» Mɛ̀rɛ̀kɛɛ̀ yè dzin à ra ci: «Wo re màfyɛyn nèè, tà ko wo goowùù niì faa gbakɔɔn reè rà, Ŋaabla twɛy goo rèè kààwɔuna, à to yè e taa too wo re.

Kɛɛradzin neè faadziɛ 10:2

Tɔ̀ kpir'la na shia Ŋaablà jɔun, à ko e re fɔɔn re dzin neè sa yeè bà na Ŋaablà blabee kudɛyn. À naà Dzyèèsìbee mòdzin waa, à to na wɔɔ̀ Dzyèèsìbee mòdzin gbakɔɔn gir'la, è bà Ŋaablà mafyɛ̀ɛn kudɛyn.

Kɛɛradzin neè faadziɛ 7:60

Tà shɔ̀ùn, è gban e kun'nèè tsɛ, è sɛ̀ɛ̀y fààn na ci: «Tsìfaà, nèe gooɲaan nee tsìɛ̀ mɛɛy bo è mà.» Etsiyɛnìn tɔ̀ dèu min niì, è xɔn bo.

Korɛntsika reè jɔ̀naà 7:7

À kpɛ̀yn na mun sàò mòdzian sapɛ yeè bà ni mun tsuru, ŋà à mòdzian sapɛ ko e re kwɛ̀yge rìì Ŋaablà re. Sɔn naa nèe, kpɛr'laa yè bà kpɛrɛkuru.

Kɛɛradzin neè faadziɛ 10:31

È dzin mun na ci: "Kɔrɔnayì ! Ŋaabla wo re màfyɛyn nèè kuun. Wo to goowùù niì faa gbakɔɔn reè rà, à twɛy kààwɔuna, à to yè e taa too wo re.

Yùxanà 4:21

Yesù yè dzin à ra ci: «Tàan, ɲɛn à ra, ci waatsi nàa waatsi ra, Fà Ŋaablà yeè blàbe, tɔ̀ fa bà nèe jèn nèe tsɛ goo dɛ, à to fa bà Yerusalɛmùn goo dɛ.

Lukì 23:34

Yesù gbaunmaà yè to gɔɔ̀ rà mɔn, è dzin ci: «Mun Fàà, nìì reè yɛ nèe faa mun na, a yɛrɛ to è re, kàtsu è na à tɔ̀, è nìi faa waa.» Tɔ̀ faumaà shɔ̀ùn, yè Yesù rè vya rèè tanan e si ra. È ci e ye è tanan, yè kaan ji à ra.

Matsiyù 21:21

Yesù yè dzin è ra ci: «Sààben na, mun nì ci e ra, ɲɛyna ye ba ni ye ɲan, ye mà bà e cir'la fyeu, mun yɛ nìi fau fiigikuà ka nèe, ye sa dzia tɔ̀ fa. À yɛ̀rɛ̀ fa dàn tɔ̀ bàsɔùn mà waa. Ye dzia dzin neè jèn nèe ra ci: "Fù, e b'a ji kòòyu rɔn !" À to nà fa n dzi.

Matsiyù 5:44

Ŋà, mun nì ci e ra, ye ɲan rèè kɛ̀n. Nìì reè yè e kuun'n kuru ɲaan faa, ye Ŋaablà mafyɛ̀n twɛy rè.

Matsiyù 6:12

Mùn ne fìrìgoo rèè tsìɛ̀ mɛɛy bo mùn vu ra, a ci nìì reè goo faa ɲe ra, ɲe sa tɔ̀ tsìɛ̀ mɛɛy boò twɛy mà nìi tsuru.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Korɛntsika reè fiiraa 2:14

Baraka yè sìn Ŋaablà ra, wò riì mùn bàa dzibaa e ka waatsia sapɛ doùn Kirisà baraka rɔ̀n, à y'à to ɲe saabu rɔ̀n Kirisà yè tɔ̀ min niì sapɛ, a ci ɲinin kinin dziù.

Filipika reè 1:12

Neema ì, mun sào ni ye yè nìi tɔ̀, tɔ̀ rii yɛ ci goo nìì reè mun tàrau, tɔ bàu saabu rìì, Kùnàgoo Dziɔ̀ yè bè jɔun.

Tesalonikika reè jɔ̀naà 1:8

È ɲɛn à tsɛ, Tsìfaà rè goomaa bou ye re mɔn è jee bè fɔ Maseduwanin mar'la ko Akayi mar'la ɲàn. À na tɔ̀ basɔùn waa, ye ɲɛyna nìi faɔ̀ Ŋaablà ra, tɔ̀ goomaa wɔu min niì sapɛ, fɔ à na wɔɔ̀ ɲe yè sɔn de à tsɛ dɛ.

Swiv nou:

Lyen patwone

Piblisite

Piblisite