Àwà yè ba ye byɛɛn kàtsu ye gooɲaan ni faɔ̀, ye kɛ̀nsɛɛn ye ba tɔ̀ tsia e ma, ye re blàbe kɛn ni tɔ̀ ɲan ? Ŋà yè ba ye byɛɛn kàtsu ye goowùù rii faɔ̀, ye ye ba tɔ̀ tsia e ma, tɔ Ŋaablà ɲanwùù rii kpàdèe.
Ye sa bàu a ci kpàà jaama ì, ye yè ka gbà ji, Ŋaablà re Dzia rè gbà. Ye yè bà saakagoojaabobaa jàmàkùrù fɛnɛ, ye bà ni saaka ì bo Ŋaablà re nìi dzi à ra, Yesù Kirisà baraka rɔ̀n.
Tà doùn neema ì, ye wù ye yè jìì nìi tsuru ye yè dzibe Ŋaablà ra, ɲe tɔ̀ kàraun ye ra. À kpɛ̀yn sààben, ye y'à faa tɔ̀ tsuru. Ŋà arì she, Tsìfa Yesù ɲàn, ɲe y'à gaa ye re, ɲe yè ye màxɔ̀n ci ye yè sɔn ba à tɛ̀y.
Mun gèè sapɛ tarau, fɔ mun jaa yè cɛn à ra. Ye gè o ge sìun Epaforodzitsì rà ci è nà sìn mun na, mun y'à sapɛ tarau. Mun jaa cɛun. À bàu a ci wushuna kinin dziù, è bà a ci saaka, Ŋaablà yeè e tsiiŋ nìi rà, è dzibe à ra.
Tɔ̀ rii y'à to ɲe ni faagoo xɔɔ̀ rà ko sikuan. È ɲɛn à tsɛ, ɲe yè e si ɲɛɔ̀n Ŋaablà jaamaa tsɛ, tɔ̀ niì mòdzian sapɛ Tsibaa, gooma na ni ɲɛynamoo rèè ma waa.