Bib sou entènèt

Paj dakèy
Bib sou entènèt
Tsìmotè jɔ̀naà 1:15

Tsìmotè jɔ̀naà 1:15 - Bible Dzùùngoo Unicode

¹⁵ Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

Gade chapit la Kopi

tounen moute ⬆

Tsìmotè jɔ̀naà 1:15
41 Referans Kwoze

Marikì 2:17

Yesù tɔ̀ myɛ̀un, è dzin è ra ci: «Cɛrɛma reè màgoo na ni janfabaà rà waa, ɲìnìnkɔɔn reè rìì màgoo ni à ra. Nìì reè y'à jàa ye tereòn, mun nà kuàn na twɛy waa. Ŋà gooɲaantsiɛ ni nìì reè vu ra, mun naɔ̀ twɛy rìì kiri, yè tsi.»

Lukì 19:10

Nìì reè fìriɔ̀, Adamà dziàn naɔ̀ twɛy rìì gaa, à yè è tsi.»

Yùxanà 12:47

Mòò riì ye mun ne goomaa myɛ̀n, à ma à shi jiì, tɔ̀ tsìfa kitsia na ni mun suun dɛ, kàtsu mun na naɔ̀ kitsi kunun dziɲan modzian tsɛ waa, ŋà, mun nà kuàn nì, min nà dziɲan modzian tsi e re gooɲaan neè rà.

Yùxanà 1:12

Ŋà, swey yè e tsiiŋ à rà, yè ɲɛn à ra. Tà doùn, à y'à tou twɛy sapɛ yeè bà Ŋaablà dzin ì.

Lukì 5:32

Nìì reè y'à jàa ye tereòn, mun nà kuàn na twɛy waa. Ŋà gooɲaantsiɛ ni nìì reè vu ra, mun naɔ̀ twɛy rìì kiri, yè e re jaamabee fau'n kur'la lakere, yè tsi.»

Yùxanà jɔ̀naà 3:5

Y'a tɔ̀ ci Yesù nàu, è bà ni mòdzian rè gooɲaantsiɛ mɛɛy bo è vu ra, nìi to y'à yɛ̀r'la, gooɲaantsii na ni à vu ra waa.

Tsìmotè jɔ̀naà 1:13

mun nìi na Tsìfaà tsoobarabaa dan, ɲɛynamoo rèè byɛnbaa ko mòdzin ɲinmataan. Ŋà Ŋaabla màtsuruu mun na, kàtsu mun na tɔ̀ niì faa, mun na à faa tɔ̀bɛ̀ybeè ko ɲɛynabɛybeè doùn.

Matsiyù 20:28

Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»

Korɛntsika reè jɔ̀naà 15:9

È ɲɛn à tsɛ, mun nì kɛɛradzin neè sapɛ ɲan kiɲaaniàn. Mun yɛ̀rɛ̀ na wù min kiri kɛɛradzin tsu waa, kàtsu, mun Ŋaablà re ɲɛynamoo kur'là byɛun.

Yùxanà 1:29

Àyìwà, tɔ̀ raa gbey rɔn, Yùxanà yè Yesù nàkɔɔn ja e kpakèrè. Yùxanà yè dzin ci: «Ŋaablà re Sààtòmòìriɛ yɛ nèe, wò rii dziɲantsiɛ gooɲaan tsìɛ̀ mɛɛybobaà.

Matsiyù 9:13

À deò Ŋaablà re Goomaa doùn ci: "sani ye saaka bo mun ne, ye màtsuru. Mun gaa tɔ̀ rii là." Tɔ̀ goomaa dzuɔn nìi dèe, ye bè tɔ̀ gaa tɔ. Nìì reè y'à jàa ye tereòn, mun nà kuàn na twɛy waa. Ŋà, gooɲaantsiɛ ni nìì reè vu ra, mun naɔ̀ twɛy rìì kiri yè tsi.»

Matsiyù 1:21

À nà dzin kpir'li kere. À ye kere, a tsoo wɔ ci Yesù, kàtsu wò rii nà e re mòò rèè tsi bo e re gooɲaantsiɛ ɲàn.»

Dzyèèsìbee mòdzin neè 7:25

Tɔ̀ kamà, nìì reè yè e kpɛr'la Ŋaablà ra à baraka rɔ̀n, à dzia twɛy tsià kudɛyn, kàtsu à ni tsuù jaama kudɛyn, è bà Ŋaablà mafyɛ̀ɛn è re.

Tsìmotè jɔ̀naà 4:9

Nèe gooma, mòo dzia ɲɛn nìi rà, è tsiì à sapɛ ra.

Ɔ̀rɔ̀mùnka reè 5:6

È mùn to ŋɔ̀n fyɛ̀nbeè ɲàn, waatsi kpadèumaà doùn, nìì reè na shia Ŋaablà jɔun waa, Kirisà saun twɛy mòdzin neè kamà.

Yùxanà jɔ̀naà 3:8

Mòò riì gooɲaan faa, tɔ Sànwɔbaà raa rìì, è ɲɛn à tsɛ fɔ dan, Sànwɔbaà ni gooɲaan faa rà. Ŋaablà Dzin Kpir'la to nàu nì, è Sànwɔbaà faadzii reè bara.

Tsìmotè jɔ̀naà 3:1

Àwà mòo dzia ɲɛn nèe gooma ree ra, nìi yɛ ci sɔn ye ba à gaa wò yeè ɲɛynamoo kur'là kuru kun, tɔ faagoo wùù gaa.

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Goo kpàdèuma rèè 22:6

Mɛ̀rɛ̀kɛɛ̀ yè dzin mun na kɔn ci: «Nèe gooma ree reè fyɛɔ, yè bà sààbèn goòmà ì. Goo nìi nà fa sani dɛyn, mùn Tsìfa Ŋaablà riì yè e re kɛɛra reè akiri kɔ̀ɔ, tɔ̀ yeè e re mɛ̀rɛ̀kɛɛ̀ ka nau, è nà tɔ̀ kpàdè e re jòn nèè rà.»

Goo kpàdèuma rèè 5:9

È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲantsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Tsìmotè fiiraa 2:11

Nèe gooma, mòò dzia ɲɛn nìi rà: «Mìn ba saun ko à ka, mùn nà jaamabee fa ko à ka.

Kɛɛradzin neè faadziɛ 3:26

Àwà, a y'a jà Ŋaablà yeè e re faagoofadzin Yesù bàji na, à tɔ̀ fau ye rìì jɔ̀na re ŋe. À y'à ka nau, è nà bà dzwɛ ye mà, ye mòò sɔ̀n sɔ̀nkɔɔn sa yeè sèè bo e re gooɲaan fakɔɔn kpɛyn.»

Yùxanà 3:36

Àwà mòò riì ye ɲɛn Ŋaablà Dzin Kpir'la rà, tɔ̀ tsìfa jaamabe dziù dòbɛɛ tàrau. Mòò riì to ma ɲɛn à ra, tɔ̀ fa tɔ̀ jaamabee tàrà waa, Ŋaablà re vununtaà to fa bo à tsìfa tsɛ waa.»

Goo kpàdèuma rèè 21:5

Àwà mòò riì tsùuŋnà màsà gbaaniɛn tsɛ, tɔ̀ yeè dzin tɔ̀un ci: «À yɛ nèe, mun goò sapɛ baà yeu.» È dzin kɔn ci: «À sɛbɛn, kàtsu à gooma ì nì, nìì rèe fyɛɔ, yè bà sààben.»

Yùxanà jɔ̀naà 5:11

Tɔ̀ shɛɛrɛbee rìì yɛ, ci Ŋaabla jaamabe dziù dòbɛɛ sìun mùn na, tɔ̀ jaamabee to ni à Dzin Kpir'la rìì ɲàn.

Tsìmotè jɔ̀naà 1:19

Tɔ̀ fa, e ɲɛynaà màrà ko kɛ̀sɛmà wùù ka. Swey tɔ̀ akir'là maaŋ, è bà baragoò è mà ɲɛynaà kàjaa tsɛ.

Matsiyù 18:10

Tà doùn, ye e yɛrɛ kaàwɔ, e maà nà to nèe dziin nèe rèè sɔn kɔn waa. Mun nì ci e ra, è re mɛ̀rɛ̀kɛ rèè ni jìrànxɔɔ̀ doùn kudɛyn, mun Fà Ŋaablà ka.

Kɛɛradzin neè faadziɛ 11:18

È dziu twɛy gooma reè myɛ̀n Piyɛrì dzu min niì, tɔ̀ yeè è vunun cin. Yè blàbe ɲɛn Ŋaablà tsɛ, yè dzin ci: «À sààben taki, nìì reè na Dzyèèsìbee mòdzin ì waa, twɛy nà dzi seè bo gooɲaan kpɛyn, yè e re jaamabee fau'n kur'la lakere nìi tsuru, yè jaamabe takia tàrà, Ŋaablà yeè e tsiiŋ tɔ̀ ra twɛy rè.»

Kɛɛradzin neè faadziɛ 11:1

Àwà, kɛɛradzin niì reè, ko kàràndzin niì reè na ni Yude mar'la ɲàn, twɛy yè nà à myɛ̀n, ci kun kpɛrɛ mòdzin ì sa yeè e tsiiŋnà Ŋaablà re goomaa nà, nìì reè na Dzyèèsìbee mòdzin ì waa.

Lukì 15:2

Faridziɲɛn rèè, ko Sàrìyà Kaamoo reè ta goò jà nìi fau, tɔ̀ na byɛn è mà waa. Yè dziàn ci: «À siin, nèe kpir'lee mòdzin faadzii ɲaan neè kuun'n kuru wuu faa, fɔ è bè ɲwɛyn sa ɲɔɔ̀n è ka !»

Ɔ̀rɔ̀mùnka reè 11:14

Mun tɔ̀ faa gè riì ni à to min jaaɲininbe ɲanfu n kunsi reè rè, è swey yè bà ni tsiuma tàrà.

Tsìmotè jɔ̀naà 6:13

Ŋaablà riì jaamabee sìan gè sapɛ ra, ko Yesù Kirisà rìi shɛɛrɛbe wuu bou Pɔɔnsi Pilatsì jaaterema, twɛy jaa ra, mun nìi jia wo jɔun, tɔ̀ rii siin:

Matsiyù 18:11

[Àwà, nìì reè fìriɔ̀, Adamà dziàn naɔ̀ twɛy rìì gaa, à yè è tsi.]

Swiv nou:

Lyen patwone

Piblisite

Piblisite