Tsìmotè jɔ̀naà 1:10 - Bible Dzùùngoo Unicode

¹⁰ È bà tsùuŋnà kɛ̀kɛ̀ɛ̀y gòò fa reè kamà, ko kpiri ko kpiri gaa reè, ko jòn gɔɔ reè, ko doo de reè, ko nìì reè yè e kɛɛ doò tsɛ, ko goo o goo rìì dzun wɔɔ kàràn takia rà.

Tsìmotè jɔ̀naà 1:10 Referans Kwoze

Tsìmotè fiiraa 4:3

È ɲɛn à tsɛ, waatsi nàa, nìi doùn mòdzian na naà gaa kàràn takia rà dɛ, ŋà è kòrò è yɛ̀r'la dzibee goo reè ka, nìi dzi è tor'là rà, è nà twɛy dèbaa kààmoo reè kuru brisi gaa e yɛrɛ kɔ.

Ɔ̀rɔ̀mùnka reè 1:26

Tɔ̀ kamà, Ŋaablà sa yeè è to e ceù boo kur'la goo ɲaan neè suun. È ɲɛn à tsɛ, tàan ko tàan na e si gaa waa è re tàan rèè to tɔ̀ rii faa.

Goo kpàdèuma rèè 21:27

Goo nootsi pɛn fa dɔ̀n mɔn, Ŋaablà cɛn goofabaa fa dɔ̀n mɔn, doodebaa to fa dɔ̀n mɔn, fɔ nìì reè tsoo sɛbɛɔ̀n sààtòmòìriɛ rè jaamabee sɛbɛɛn doùn.

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Yudè 1:7

Sodomùn, ko Gomɔrɔ̀n ko e dziire wɔ rèè sa tɔ̀ goò tsuru fau. È ɲànmɔ̀ɔ̀be fau, nìi yɛ kpiri ko kpiri gaa. Tà tsuru, sà dzibɛɛ byɛnbee bàu è nìn, è ka mòdzian sapɛ latsi.

Tsitè 1:9

È bà e shiɔ̀ Ŋaablà re goomaa nà mòò ɲɛɛn tɔ̀ niì nà, a ci à kàraun à ra nìi tsuru, è bà ni dzi mòdzian kàràn kàràn takia ka è màxɔ̀n, è sɔ̀swɛ̀y fa reè dzuun bo.

Goo kpàdèuma rèè 21:8

Ŋà nìi shiɲaàn nèè, ko ɲɛynabɛy reè, ko Ŋaablà cɛn goo fa reè, ko mòdzìn vu reè, ko ɲànmɔ̀ɔ̀bè fa reè, ko tɔ̀gòòtsi rèè, ko ɲɔ̀n kɔ reè, ko doo de reè sapɛ, twɛy nà bè sà blàa ko gìrìbià ɲàn, tɔ̀ niì saàn fiiraa.»

Dzyèèsìbee mòdzin neè 13:4

Mòdzian sapɛ yeè blà wɔ fur'la ɲàn. Kpir'la ko taàn pɛn na wù yè ɲànmɔ̀ɔ̀be fa waa, kàtsu, Ŋaabla nà kitsia kunun kɛ̀kɛ̀ɛ̀yra reè ko ɲànmɔ̀ɔ̀bè fa reè tsɛ.

Goo kpàdèuma rèè 22:15

Nìì reè nà to da rɔn, twɛy rìì siin: Kɛ̀kɛ̀ɛ̀y gòò fa reè, tɔ̀ gòò fa reè, goo nooŋma fa reè, vui fa reè, ɲɔ̀n gòò fa reè ko nìì reè sapɛ ni doò fyɛ̀ùn.

Tsìmotè fiiraa 1:13

A gooma taki niì reè myɛ̀un mun dzu, twɛy to a taa ra jaa kpadee raa, ɲɛynaà ko kɛ̀nbààbee baraka ɲan, twɛy nìì reè ni Yesù Kirisà ɲàn.

Yùxanà 8:44

Ye fàà rìì Sànwɔbaà, nìi to y'à sàɔ, ye sa sao ni, ye yè tɔ̀ rii fa. Sùtana, tɔ bàu vuifabaa fɔ goo rèè dzunjɔn bwèy, à na to sààbeen tsɛ waa, kàtsu, sààben soo, tɔ̀ na ni à ɲan waa. À ye ba doò dèe, à yɛ̀r'la juɔ nìi, à tɔ̀ rii dèe, kàtsu, à doodebaa, è ba doò fàà.

Tsitè 1:13

Tɔ shɛɛrɛbe, nìi sààben. È ɲɛn tɔ̀ tsɛ, vu xɔù dè è ra, yè bà ni ɲɛyna takia fa.

Goo kpàdèuma rèè 18:13

ko nange rìi kir'là kanɛli, ko nange kpɛrɛkuru ì, ko ɲinin kinin dziù rèè, ko mà tsusaa gè fama niì kir'là miiri, ko wushunaà, ko ɛ̀rɛ̀nzhɛ̀ndzìn yua mììngeè, ko ɲin'na ko fa wùɔ, ko shìmàn kaatsi sɔn, ko dzwɛka kun bla reè, ko sàà rèè, ko shù rèè, ko kaa faa vwɛ̀ɛ̀ràge rèè, ko jòn nèè, twɛy gè gɔɔra rèè sapɛ.

Tsìmotè jɔ̀naà 4:6

Àwà wo ye neema reè kàràn tɔ̀ ra, wo nà bà Yesù Kirisà rè faagoofadzin wuu, ɲɛynaà gooma reè ko kàràn wùɔ baɔ̀ wo xɔɔn ɲwɛyndzii, wo y'à gbaɔn twɛ̀y nìì ree kpɛyn.