Tesalonikika reè jɔ̀naà 5:23 - Bible Dzùùngoo Unicode

²³ Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

Tesalonikika reè jɔ̀naà 5:23 Referans Kwoze

Yudè 1:24

Arì she, nìi dzia ye màrà, è ye tààn mɛɛ̀ mà, è ye jààkìbɛy tsiiŋma to taamadzibeè ɲàn nɔɔrɔɔ̀ jaaterema,

Dzyèèsìbee mòdzin neè 4:12

Àwà, Ŋaablà re goomaa jaama, à ŋɔ̀n yè bà vùn. À dzii dzi è geren kaamunun dzii fiɛ̀ sa tsɛ. À dɔ̀ɔn mòdziin ɲàn, è bè wɔ fɔ xɔɔn ko akir'là tsɛ, a ci kaamunun ka xɔ tsuma rèè kùn'na nìi tsuru è dɔ̀n è bè wɔ fɔ sɔmɛɛ tsɛ. À mòdzian kɛ̀sɛ̀maà ko à duungoo sapɛ ɲansiɛ̀n, è tɔ̀.

Tesalonikika reè jɔ̀naà 3:13

Arì she Ŋaa yè fààn wɔ e dusùkun neè ɲàn, jààma mà jà e ra fɛnɛbee kàjaa tsɛ mùn Fà Ŋaablà jaa dzuun, mùn Tsìfa Yesù nà sii sèè e re mòò rèè sapɛ ka waa. Àmiinà !

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Filipika reè 1:10

ye bà ni à tɔ̀ nìi wù. Tà tsuru Kirisà raa jisee sii sèè, ye bà ni ba fyɛuna, jààma mà bà ni e ra waa.

Piyɛrì jɔ̀naà 1:2

Fà Ŋaabla na ye nìì reè bo tsùuŋnà bɔrɔɔ e jaara è kòrò à ɲan twɛ̀ɛ ka, è bà ye fɛnɛbeu ye yè bà à raa à re Dzia baraka rɔ̀n, ye yè bà ni Yesù Kirisà vu kun tà ko tɔ̀ tsìɛn kounmaà yè ye fòò fyɛ, arì she, à ɲanwùɔ ko jaanciàn, è twɛy sìn e ra giri !

Filipika reè 1:6

Mun ɲɛɔ̀n goo soo ra, nìi yɛ, ci mòò riì tɔ̀ faagoo wùɔ dzii kuun ye ɲan, tɔ nà à fa è b'a vyɛ̀ e daùn, fɔ è bè suu Yesù Kirisà raa jisee dzu.

Piyɛrì fiiraa 3:14

Tɔ̀ kamà, n ne kɛ̀niunma rèè, à yè e to tɔ̀ màshua rà, ye maxɔbe fyɛ mà jà e ra, jààkima mà jà e ra, jaancin yè bà ni e ko Ŋaablà fi.

Dzyèèsìbee mòdzin neè 2:11

Àwà, Yesù rìì mòdzian bo jia e si Ŋaablà re, gooɲaantsiɛ yè bo è vu ra. À nìì reè bo jia e si Ŋaablà re, gooɲaantsiɛ yè bo è vu ra, fà soo rii ni à ko twɛy sa re. Tɔ̀ rii kamà, è bà ni è kiri, ci wò neema reè, tɔ̀ seey na ni à ra waa.

Kolosika reè 1:22

Ŋà dòònuùn, è ɲɛn à Dzin kpir'la saàn tsɛ gɔɔ̀n ɲàn, à ye ko e fia lamɔnɔun, ye yè bà ni kpadè à jaa dzuun mòdzin ì, nìì reè fɛnɛɔ̀, fyɛ̀ na ni è ra waa, jààma to na ni è ra waa.

Korɛntsika reè jɔ̀naà 14:33

È ɲɛn à tsɛ Ŋaablà na goo gbiimaunma rèè Ŋaablà waa, à jaanciàn Ŋaablà rii, a ci à ni nìi tsuru Ŋaablà re mòdzìn neè rè, ɲɛynamoo kur'lèè sapɛ doùn.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Lukì 1:46

Àyìwà, Mariyamùn yè dzin tɔ̀ rii ɲàn ci: «Mùn Tsìfa Ŋaablà blabee nìi boò, mun tsoo dzi ɲɛɛn à tsɛ, è ɲɛn tɔ̀ tsɛ.

Dzyèèsìbee mòdzin neè 13:20

Ŋaablà, tɔ̀ niì jaanciàn sìnbaà, tɔ mùn Tsìfa Yesù kpunan bou saàn ɲàn, è bo fùn nèè fi. À y'à bàu e re sàà rèè kplatsuubaa blà, à tsìɛn kounmaà baraka rɔ̀n, è bà saaka tɔ̀ niì dzyèèsìbe dobɛy dɔun Ŋaablà ko mòdzin neè fi.

Ɔ̀rɔ̀mùnka reè 15:5

Arì she Ŋaablà riì mɔ̀ɲɔn siàn mòò rà, è mòò màxɔ̀n, tɔ̀ yeè e kɛsɛmàà bà soo, ye bà byɛɔ̀n a ci Yesù Kirisà ci nìi tsuru.

Tesalonikika reè fiiraa 3:16

Arì she, jaanciàn Tsìfaà yɛ̀r'la yè jaanciàn sìn e ra waatsi sapɛ ko fau'n kur'la sapɛ ra. Arì she Tsìfaà yè to e ka.

Filipika reè 4:9

Ye nìi kàraun mun ne, ye nìi tàrau mun ne, ye nìi myɛ̀un mun ne, ye to nìi jàu mun ne, ye tɔ̀ shi jiì. Tɔ̀ tsuru, jaanciàn sìnbaa Ŋaabla nà bà ni ye ka.

Korɛntsika reè fiiraa 5:19

È ɲɛn à tsɛ, Ŋaabla na ni Kirisà ɲàn, è bà dziɲan ko e fia lamɔn'na. Tà doùn à na mòdzian rè gooɲaantsiɛ daàn è kùùn dɛ, à to yè làmɔn'na goomaa ji ɲe ɲan.

Kɛɛradzin neè faadziɛ 26:18

Mun wo ka bèe è re, sànko wo yè bè è jaa dzii san, yè bo tsitsiì rɔ̀n, yè nà vyevyeè ɲàn. Sùtana fààn niì ɲinaɔn è mà, yè bo tɔ̀ ɲan, yè nà Ŋaablà ra, sànko yè ɲɛn mun na, è re gooɲaan tsìɛ̀ yè mɛɛy bo vu ra. Nìì reè to Ŋaablà raa, tɔ shɛn nìi kuru, è sa yeè tɔ̀ tàrà, nìi yɛ, yè bà Ŋaablà raa."»

Yùxanà 17:19

È kamà, min n bo jia n si wo re, sànko sààbeen baraka rɔ̀n, è sa yeè e bo ji e si wo re.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Tesalonikika reè jɔ̀naà 4:3

Nìi Ŋaablà sao, tɔ̀ rii yɛ, ye yè bà fɛnɛɔ̀, ye yè e yɛrɛ taàn kɛ̀kɛ̀ɛ̀ybeè mà.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Ɔ̀rɔ̀mùnka reè 16:20

Sani dɛyn, jaanciàn tsìfa Ŋaablà nà Sùtana tsyɛɛnma vu ye sàn dzuun. Arì she, mùn Tsìfa Yesù ɲanwùɔ yè bà ni e tsɛ !

Ɔ̀rɔ̀mùnka reè 15:33

Arì she, jaanciàn tsìfa Ŋaablà yeè to e sapɛ ka ! Àmiinà !

Kɛɛradzin neè faadziɛ 20:32

Àwà dòònuùn, à tou min ye kɛ̀ɛ̀yfa Ŋaablà ma, min ye kɛ̀ɛ̀yfa à ɲan wùɔ goomaa mà. Ye ɲɛn niì faɔ̀ à ra, à dzi n'a na, è fààn wɔ ye ɲan tà doùn. À nìì reè bo jiɔ̀ e si, yè bà à raa, à goo wùù wuu niì reè ŋɛ̀nɛ̀ɲaɔ̀n twɛy ka, è tɔ̀ sa sin ye ra.

Tesalonikika reè jɔ̀naà 2:19

Àwà mùn Tsìfa Yesù nà sii sèè, ɲe si nà bà xɔ tsi ì rìì tsɛ, yè bà ɲe re taamadzibe ko ɲe yɛ̀rɛ̀blàbè kun, nìi ɲe re dzi tar'la màsà baanfla à bììn ? À na ye o ?

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Tesalonikika reè jɔ̀naà 3:11

Arì she mùn Fà Ŋaablà yɛr'la ko mùn Tsìfa Yesù yè mùn ne shia foro fɔ ye re mɔn !

Tesalonikika reè jɔ̀naà 5:22

Ye e kaàwɔ gooɲaan kaatsià sapɛ ra.

Yàkubà 1:4

Ye sàn gbaunmaà ɲɛynaà doùn, fɔ tɔ̀ yeè bà goo dziitsyɛunma. Tɔ̀ ye fa, ye nà bà mòdzin dziitsyɛunma ì, ye yè bà mòdzin mɔunma ì, goo sɔn pɛn fa bà ye fɔɔn waa.