Tesalonikika reè jɔ̀naà 5:1 - Bible Dzùùngoo Unicode

¹ Àwà neema ì, Tsìfa Yesù yè sèè na, nìi twɛy goo rèè fa waatsia ko è fa bwey, à na wɔɔ̀ ɲe yè sɛbɛn ka ye re tɔ̀ ra dɛ waa.

Tesalonikika reè jɔ̀naà 5:1 Referans Kwoze

Kɛɛradzin neè faadziɛ 1:7

Yesù yè dzin è ra ci: «Ye yè bà ni twɛy goo rèè fa waatsi tɔ, tɔ̀ na ni ye suun waa. È nà fa waatsi riì bwèy, mùn Fà Ŋaablà rii tɔ̀ tɔ̀, kàtsu à faa shia ni wò soo pe rii suun.

Tesalonikika reè jɔ̀naà 4:9

Àwà nìi neemasia kɛ̀nbààbee, à na wɔɔ̀ mòò yè sɛbɛn ka ye re tɔ̀ ra dɛ, kàtsu ye yè e si kɛ̀n, ye yɛ̀r'leè tɔ̀ kàraun Ŋaabla re.

Matsiyù 24:36

Àwà, nìi y'à jisee, ko à waatsia, Fà Ŋaablà soo pe boshɔ̀ùn, mòò pɛn na à tɔ̀. Jìrànxɔ rɔ̀n mɛ̀rɛ̀kɛ rèè na à tɔ̀, Ŋaablà Dzin Kpir'la tsu to na à tɔ̀.

Matsiyù 24:3

Àyìwà, Yesù yè bè tɔ̀un, è bè e tsuù oliviku rèè jèèn tsɛ. À tsùuŋmaà mɔn, à re kàràndzin neè yè e kpɛrɛ̀ à ra e si, yè dzin à ra ci: «Tɔ̀ goò nà fa waatsi riì bwèy, tɔ̀ dè mùn na. Goo rìi to nà bà wo nàà tàànmàshɛn, ko dziɲaan lataan tàànmàshɛn, tɔ̀ sa de mùn na.»

Korɛntsika reè fiiraa 9:1

Àwà nìi Ŋaablà re mòdzin neè dzwɛ̀mà goo, kùn na ni à ra min sɛbɛn sin ye ra tɔ̀ goò tsɛ dɛ.

Yudè 1:3

Mun ne kɛ̀niunma rèè, mùn sa dzyèeŋnà tsii rìi mà, mun sàò na ni min goo sapɛ ko e kuru fa, min sɛbɛn ka ye re tɔ̀ kàjaa tsɛ. Ŋà, à bàu mun mà fààn, min nèe sɛbɛn nee ka ye re, m'a ka ye màxɔ̀n ye yè bà ni ɲɛynaà kaà fa, tɔ̀ niì sìun Ŋaablà re mòò rèè rà jaa soo pe.

Tesalonikika reè jɔ̀naà 4:18

Àwà ye twɛy gooma reè ka e si màxɔ̀ɔn.