Bib sou entènèt

Paj dakèy
Bib sou entènèt
Tesalonikika reè jɔ̀naà 3:3

Tesalonikika reè jɔ̀naà 3:3 - Bible Dzùùngoo Unicode

³ È tɔ̀ fa, gè riì ni à to byɛnbe riì yɛ ye tsɛ, tɔ mà nà ye sɔn akiri bara waa. È ɲɛn à tsɛ, ye yɛ̀r'leè y'à tɔ̀, ci tɔ̀ rii nà mùn tàrà.

Gade chapit la Kopi

tounen moute ⬆

Tesalonikika reè jɔ̀naà 3:3
29 Referans Kwoze

Kɛɛradzin neè faadziɛ 14:22

Tà sapɛ ɲan, è na fààn wɔɔ̀ kàràndzin neè ɲàn, yè è màxɔ̀ɔn, ci è ɲɛn niì faɔ̀ Ŋaablà ra, è mà bo tɔ̀ tsɛ waa. È na dziàn è ra, ci sani e dɔ̀n Ŋaablà re Màsàbee gàne rɔ̀n, a byɛnbe gir'lì tsià a ma ŋe.

Ɔ̀rɔ̀mùnka reè 5:3

À na tɔ̀ bàsɔùn waa, byɛnbe niì ni ɲe tsɛ, tɔ ɲe wàsaɔ kɔn è geren, kàtsu m'à tɔ, ci byɛnbee nàa ko mɔ̀nɲɔn ka,

Kɛɛradzin neè faadziɛ 9:16

À nà byɛnbe ge o ge rìì fa mun kamà, mun yɛ̀r'la nà tɔ̀ sapɛ kpadè à ra.»

Yùxanà 16:33

Àwà, mun tɔ̀ dèu ye ra rii, sànko ye yè jaancin tàrà, è ye to mun ɲan. Ye nà e byɛɛn goo giri jà dziɲan doùn, ŋà, ye e maxɔbe, kàtsu, mun dziu dziɲan gooɲaan nà nòn.»

Korɛntsika reè jɔ̀naà 15:58

Tà doùn, mun neema kɛniunma rèè, e san gbaunma yè to cɛyn, e maà yuuyuu bo e shɔùn waa. Ye bè jɔun kudɛyn Tsìfaà rè faagoò doùn, ye bà à tɔ̀ ci ye re faagoò na maana Tsìfaà ɲàn waa.

Kɛɛradzin neè faadziɛ 21:13

Ŋà, Polì yè dzin ci: «Fee ye gɛyn kun ? Ye sào ni ye yè mun akiri bara tɔ̀ ka gbɛ ? À mà dàn kàsò dòùn jia bàsɔùn mà dɛ, arì mun yè bà nà san nì Yerusalɛmùn Tsìfa Yesù kamà, mun ni tɔ̀ ɲan tsuù ɲàn.»

Tesalonikika reè jɔ̀naà 5:9

È ɲɛn à tsɛ, Ŋaablà na mùn bo à re vununta yè bà ni wɔ mùn tsɛ waa, ŋà à mùn bou ni, mìn bà ni tsi mùn Tsìfa Yesù Kirisà baraka rɔ̀n,

Korɛntsika reè jɔ̀naà 4:9

Àwà m'a jàa ci Ŋaabla ɲe kɛɛradzin neè bàu bònè dzin ì, a ci à san ka kitsi mɛrɔɔn nìì reè tsɛ. È ɲɛn à tsɛ, ɲe bàu siin faa ge ì dziɲan re, mɛ̀rɛ̀kɛ sen ɲɛn adamàdzin mòdzin ì tsɛ.

Piyɛrì jɔ̀naà 2:21

Àwà ye kiriu tɔ̀ rii kamà. È ɲɛn à tsɛ Kirisà sa byɛun ye kamà, è bà ni ye jaa kpàdè, ye yè jìì à sàn kɔɔ doùn.

Kolosika reè 1:23

Ŋà, fɔ ye sàn gbaunma yè to ɲɛynaà tsɛ, goo sɔn pɛn mà dzi ye bo e shɔùn waa. Ye si to xɔ nìi tsɛ Kùnàgoo Dziɔ̀ doùn, e maà e bon wɔ tɔ̀ ra waa, e tɔ̀ Kùnàgoo Dziù rìi goomaa myɛ̀un, è bà dèu gè ɲɛunmaà sapɛ ra dziɲantsiɛ min niì sapɛ. Mun Polì, min bà bàu à faagoofabaa.

Efɛsika reè 3:13

Tà doùn, mun nìi gaa ye re, tɔ̀ rii yɛ, ci mun ni byɛnbe riì rà ye kamà, tɔ mà e gɔn vun waa. È ɲɛn à tsɛ, tɔ nɔɔrɔ rìì ɲɛɛn ye tsɛ.

Kɛɛradzin neè faadziɛ 2:25

Tà doùn, màsà kpiri Dawudà na wò rii gooma deò dan e re Kìtaabuà doùn nèe tsuru ci: "Kudɛyn, mun jaa na ni mùn Tsìfaà rà n biìn. À ni mun tɛyn, è bà wɔɔ̀ mun na, sànko ge mà mun bo n shɔùn waa.

Yùxanà 16:2

Nìi ŋaablabegba rèè, è nà ye kaa twɛy tsɛ. Waatsi to yè bà nàa waatsi ra, nìì reè ye vua, twɛy nà bà à siɛ̀n, ci ye Ŋaablà blabee rìì tɔ̀ tsuru.

Lukì 21:12

Ŋà, sani twɛy goo rèè sapɛ yeè fa, è nà ye kun, yè ye byɛn cèreoma. È nà bè ye ka ŋaablabegba rèè doùn, yè kitsi kunun ye tsɛ. Yè ye ji kàsoò doùn. È nà bè ye ka màsa ì, ko jàmààntsi ì rè. Tɔ̀ sapɛ nà fa ye ra mun tsoò kamà.

Tsìmotè fiiraa 1:8

Tà doùn, maà seey e mùn Tsìfaà shɛɛrɛbe fa waa. A to mà seey mun ka, ci mun ni kàsoò rà à kamà waa. Kùnàgoo Dziɔ̀ byɛnbee rìì fa mun ka, è kòrò Ŋaablà re dzibaabee ka.

Tesalonikika reè fiiraa 1:4

Tà tsuru, ye baɔ̀ ɲe yɛ̀rɛ̀blàbè kun Ŋaablà re ɲɛynamoo kur'lèè doùn. È ɲɛn à tsɛ, ye ɲanshiɔ̀, ye yè bà ni ɲɛynaà tsɛ. Dzuunbweè ko byɛnbee ni ye tsɛ, ŋà ye tɔ̀ sapɛ kuɔ e ɲan.

Goo kpàdèuma rèè 2:13

Wo tsùuŋnà min niì, m'a tɔ̀. Sùtan'ne màsà gbaaniɛn ni mɔn nì. Wo shìuma tou mun na, wo na a dziira tsɛ mun na ɲɛynaà doùn waa. Arì Antsipasì, mun shɛɛrɛ vusootsià, tɔ vuu waatsi riì bwèy Sùtana tsùùmaà gàne rɔ̀n ye re mɔn, wo shìuma tou mun na.

Goo kpàdèuma rèè 2:10

Byɛnbe niì nà wo tàrà, maà shi tɔ̀ jɔun waa. Sànwɔbaà nà ye swey ji kàso doùn, è bà ni ye dzuun bo. Tà doùn, ye nà bwèy tsyeùn byɛnbe fa. Bà vusootsi è bè suu fɔ saàn dzu. Tà tsuru, mun nà jaamabee màsà baanflaa sìn wo ra.

Filipika reè 1:28

E maà à to e ɲan rèè yè e baàbaa kàjaa pɛn tsɛ ye shi waa. Tɔ nà à kpàdè è ra, ci è ni e bar'la gè doùn, ye yè bà ni e tsià gè doùn, tɔ̀ niì boo Ŋaablà re.

Kɛɛradzin neè faadziɛ 21:11

À nàu ɲe jà mɔn, è Pol'lè ɲànshiàgee sen, è tɔ̀ ka e si rèè ko e san nèè shì, è dzin ci: «Ŋaablà re Dzi Fɛnɛɛ ci nèe ɲànshìàge ree mòò riì raa, Dzyèèsìbee mòdzin neè nà bè tɔ̀ tsìfa shì nèe shìù'n kur'lee ra Yerusalɛmùn. Tà shɔ̀ùn, è nà à wɔ mòdzin ì suun, nìì reè kun kpɛrɛ mòdzin ì.»

Swiv nou:

Lyen patwone

Piblisite

Piblisite