Tesalonikika reè jɔ̀naà 3:2 - Bible Dzùùngoo Unicode

² Ɲe yè e neema kpiri Tsìmotè ka ye re, Ŋaablà faagoofasià Kirisà rè Kùnàgoo Dziɔ̀ dèè doùn, è bà ni fààn wɔ ye ɲan, è ye màxɔ̀n e re ɲɛynaà doùn.

Tesalonikika reè jɔ̀naà 3:2 Referans Kwoze

Filipika reè 1:25

Mun to y'à tɔ̀, min bà ɲɛɔ̀n à ra, ci mun nà to, min bà ni ye sapɛ ka gè riì ni à to ye yè dzi be jɔun, ye taama yè bà dzi ɲɛynaà doùn.

Korɛntsika reè fiiraa 8:23

Tsitè, tɔ mun dzyèèsi è bà mun faagoofasi ye re. Ŋà mùn neema dzyee reè, twɛy ɲɛynamoo kur'lèè raa kɛɛradzin ì nì, yè bà nɔɔrɔ ɲɛɛn Kirisà tsɛ.

Korɛntsika reè fiiraa 1:19

È ɲɛn à tsɛ, Yesù Kirisà, Ŋaablà Dzin kpir'la, ɲe tɔ̀ niì gooma deu ye ra, mun ko Silivɛ̀n ko Tsìmotè, tɔ̀ na ba ɔ̀ɔn ko ɔ̀ɔɔn waa, ŋà ɔ̀ɔn ni bàu ni tɔ̀ ɲan kudɛyn.

Korɛntsika reè fiiraa 1:1

Àyìwà mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè, nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n, ko nìì reè sapɛ y'a raa Akayi mar'la min niì sapɛ.

Ɔ̀rɔ̀mùnka reè 16:21

Tsìmotè, mun faagoofasià ye tswàa. Lukiyɔsì, ko Yasɔ̀n, ko Sosipatɔrɔsì, mun kunsi reè sa yeè bà ye tswàa.

Kɛɛradzin neè faadziɛ 16:5

Ɲɛynamoo kur'là kpɛ̀yn na fààn ni tàrà beè kudɛyn, è ɲɛunmaà doùn Ŋaablà ra. Màan ji o ji to seroun, gè rìì na bà beè è mòdzìn dziɛ tɛ̀y.

Kɛɛradzin neè faadziɛ 16:1

Àwà, Polì ko Silasì yè bè Dɛribè wɔ̀ rɔ̀n. È bou mɔn, yè bè Lisìrì wɔ̀ rɔ̀n. È wɔu mɔn, yè kàràndzin sɔn ja mɔn, tɔ̀ tsoo ci Tsìmotè. À naà na Dzyèèsìbee mòdzian sɔn, è bà baɔ̀ Yesù rè kàràndzin. À fàà, tɔ̀ yeè bà na kun kpɛrɛ mòdzin, nìi Gɛ̀rɛ̀kià sɔn.

Tesalonikika reè jɔ̀naà 3:13

Arì she Ŋaa yè fààn wɔ e dusùkun neè ɲàn, jààma mà jà e ra fɛnɛbee kàjaa tsɛ mùn Fà Ŋaablà jaa dzuun, mùn Tsìfa Yesù nà sii sèè e re mòò rèè sapɛ ka waa. Àmiinà !

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Kolosika reè 4:9

Mun y'à kaà ko Onesimùn ka, mùn neema kpiri vusootsi kɛ̀niunmaà, è bà ye sɔn. Goo o goo ni mìin, è nà bè ye toro kɔ̀ à sapɛ ra.

Kolosika reè 1:7

Epafarasì, ɲe faagoofasi kɛ̀niunmaà tɔ̀ rii tɔ̀ kàr'nà sìun ye ra. À Kirisà rè faagoofadzin vusootsi, è bà faagoò faa ye re.

Kolosika reè 1:1

Mun Polì, Yesù Kirisà rè kɛɛradzian Ŋaablà saɔ baraka rɔ̀n, ko neema kpiri Tsìmotè,

Korɛntsika reè fiiraa 2:13

Tà ko e sa ra, mun akiri naà tsùuŋnà waa, è ɲɛn à tsɛ mun na n neema kpiri Tsitè jà waa. Mun to yè shi gaa è re tɔ̀un, min dɔ̀n be Maseduwanin mar'lɔùn.

Korɛntsika reè jɔ̀naà 4:17

Tɔ̀ rii kamà, mun Tsìmotè kaà ye re, mun dzin kpiri kɛniunmaà, è bà vusootsi Tsìfaà ɲàn. Mun yè n ne jaamabee shi jiɛ nìi tsuru Kirisà ɲàn, a ci mun y'à kàr'na nìi tsuru min niì sapɛ, ɲɛynamoo kur'lèè sapɛ re, à nà ye taa to tɔ̀ re.

Kɛɛradzin neè faadziɛ 18:5

Àyìwà, Silasì ko Tsìmotè nàu dan yè bo Maseduwanìn waatsi riì bwèy, Polì na goo kpɛ̀rɛ̀ fa waajibi faa tɛ̀y dɛ. À y'à jaa dèe Dzyèèsìbee mòdzin neè rà, ci Yesù rìì Ŋaablà Jaara Modzìàn.

Korɛntsika reè jɔ̀naà 3:10

È kòrò Ŋaablà ɲanwùɔ ka à tɔ̀ niì fau mun ne, mun gbàà dzun bau a ci gbàjibaa akiritsi, mòò kpɛrɛkuru yeè gbàà ji à tsɛ. Ŋà, mòdzian soo soo sapɛ yeè e yɛrɛ kaàwɔ e re gbàà jiu'n kur'la rà à tsɛ.

Korɛntsika reè fiiraa 2:12

Àyìwà, min bè wɔ Torowasì wɔ̀ rɔ̀n tɔ̀un, ci mun nà Kirisà rè Kùnàgoo Dziɔ̀ dè. Mun wɔu mɔn, min b'a jà Tsìfaà dziɛ san jiɔ̀ mun ne mɔn.

Tesalonikika reè jɔ̀naà 3:5

Tɔ̀ rii kamà, mun sa mɔɲɔn gbauma Tsìmotè kau ye re, è bà ni be ye re ɲɛynaà kùnàgoo tɔ. È ɲɛn à tsɛ, mun na vyɛ̀rɔɔ̀n dzuunbweyfabaà mà nà bà ye dzuun boo, è ɲe re faagoò bà maana waa.

Tesalonikika reè fiiraa 2:17

arì she twɛy yè e maxɔ̀n, yè fààn wɔ e ɲan goowuu faa, ko gooma wuu dee rà.