Bib sou entènèt

Paj dakèy
Bib sou entènèt
Tesalonikika reè jɔ̀naà 3:12

Tesalonikika reè jɔ̀naà 3:12 - Bible Dzùùngoo Unicode

¹² Arì she Tsìfaà yè sɔn ba e ɲan kɛ̀nbààbee tɛ̀y è blàbe cɛyn e ko e si fi, tà ko mòdzian sapɛ ka, a ci ɲe sa ye kɛ̀niɔ̀n nìi tsuru !

Gade chapit la Kopi

tounen moute ⬆

Tesalonikika reè jɔ̀naà 3:12
21 Referans Kwoze

Filipika reè 1:9

Mun Ŋaablà mafyɛ̀ɛn nìi rà, tɔ̀ rii yɛ ci sɔn yeè bà beè ye re kɛ̀nbààbee tɛ̀y kudɛyn, twɛ̀ɛ ko akiritsifabee sapɛ ni nìi ɲàn,

Matsiyù 22:39

Fiira riì y'à bosi, tɔ̀ rii yɛ ci: "A modzìnsia kɛ̀n, jàci a yɛr'la."

Tesalonikika reè jɔ̀naà 5:15

Ye e yɛrɛ kaàwɔ. Mòò pɛn mà gooɲaan ka gooɲaan tsiì sàrà. Ŋà ye e gban wùɔ rìì kpɛyn, ye tɔ̀ faa kudɛyn e ko e si fi, ko mòdzìn dzyee reè sapɛ.

Ɔ̀rɔ̀mùnka reè 13:8

Mòò pɛn ne tsìi mà bà ni e ra, fɔ kɛ̀nbààbee tsìɛ̀ e ko e si fi, kàtsu, mòò riì dzyee rèè kɛ̀ɛn, tɔ sàrìyaa ko e kuru dzii tsyɛun.

Tesalonikika reè fiiraa 1:3

Neema reè, kudɛyn, ɲe wù ɲe yè baraka sìn Ŋaablà ra ye kamà. Tɔ ni e shi tsɛ, è ɲɛn à tsɛ ye re ɲɛynaà fàan blàbe beè màan ji o ji seroun. Kɛ̀nbààbe riì to ni ye ɲan, tɔ̀ sa buu bèe ye ko e si fi.

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Tesalonikika reè jɔ̀naà 2:8

ye goojaa na ni ɲe vunun tsɛ tà tsuru. À na ni niu'n kur'la, fɔ ɲe naà n'a re ɲe yè dàn Ŋaablà re Kùnàgoo Dziɔ̀ bàsɔùn dèè mà ye ra waa, ŋà ɲe yè e re jaamabee sìn sìùn'n kur'la sapɛ ra ye kamà, kàtsu ɲe ye kɛ̀niun fɔ è be geren.

Piyɛrì fiiraa 1:7

ye neemabee bà Ŋaablà jɔun shiɲaanbeè tɛ̀y, ye kɛ̀nbààbee bà neemabee tɛ̀y.

Matsiyù 7:12

Tà doùn, ye sào ni mòdzian yè nìi sapɛ fa ye re, e sa yeè tɔ̀ soo fa mòdzian rè. Sàrìyaa gooma reè tɔ̀ rii kpàdeò, Kɛɛra reè sa yeè bà ci tɔ̀ tsuru.

Piyɛrì fiiraa 3:18

Ŋà ye bɔɔ bè jɔun ni, mùn Tsìfa ko mùn Tsibaa Yesù Kirisà ɲanwùɔ ko à tɔ̀ɔ̀ doùn. Nɔɔrɔ yè ɲɛn à tsɛ dòònuùn, fɔ waatsi sen ɲɛn waatsi tsɛ ! Àmiinà !

Yàkubà 1:17

Gè wùù niì reè sìan mùn na, ko kwɛ̀yge dziitsyɛunmaà sapɛ, à sapɛ daàn è bo jìran nɔ̀n. À sapɛ daàn è bo Ŋaablà re, tɔ̀ niì vyevyee kungɔ reè ɲɛnbaà. Ŋaablà na e lakere jaà, à to vyevyee rìì kudɛyn.

Tesalonikika reè jɔ̀naà 4:1

Tà doùn neema ì, ye wù ye yè jìì nìi tsuru ye yè dzibe Ŋaablà ra, ɲe tɔ̀ kàraun ye ra. À kpɛ̀yn sààben, ye y'à faa tɔ̀ tsuru. Ŋà arì she, Tsìfa Yesù ɲàn, ɲe y'à gaa ye re, ɲe yè ye màxɔ̀n ci ye yè sɔn ba à tɛ̀y.

Lukì 17:5

Tà shɔ̀ùn, Yesù rè kɛɛradzin neè yè nà dzin à ra ci: «Tsìfaà, mùn ɲɛn niì faɔ̀ Ŋaablà ra, sɔn ba tɔ̀ tɛ̀y min ɲɛn à ra ŋe.»

Korɛntsika reè fiiraa 9:10

Mòò riì gè tsua sìan gèsibaà rà, è ɲwɛyn ɲɔnàmaà sìn, tɔ nà gètsua sìn ye sa ra, à y'à buu, à y'à to ye re terenbee yè dzin giri wɔ.

Swiv nou:

Lyen patwone

Piblisite

Piblisite