Bib sou entènèt

Paj dakèy
Bib sou entènèt
Tesalonikika reè jɔ̀naà 2:8

Tesalonikika reè jɔ̀naà 2:8 - Bible Dzùùngoo Unicode

⁸ ye goojaa na ni ɲe vunun tsɛ tà tsuru. À na ni niu'n kur'la, fɔ ɲe naà n'a re ɲe yè dàn Ŋaablà re Kùnàgoo Dziɔ̀ bàsɔùn dèè mà ye ra waa, ŋà ɲe yè e re jaamabee sìn sìùn'n kur'la sapɛ ra ye kamà, kàtsu ɲe ye kɛ̀niun fɔ è be geren.

Gade chapit la Kopi

tounen moute ⬆

Tesalonikika reè jɔ̀naà 2:8
23 Referans Kwoze

Yùxanà jɔ̀naà 3:16

Ɲe kɛ̀nbààbee tɔ̀ è ɲɛn nìi tsɛ, tɔ̀ rii siin: Kirisà yè e xɔɔn sìun ɲe kamà. Tà doùn, ɲe sa wù ɲe yè e xɔɔn sìn neema reè kamà.

Korɛntsika reè fiiraa 12:15

Àwà mun ne, à ni mun mà, min suun gee sìn ye kamà, mun to nà n yɛrɛ ko e kur'la sapɛ rii sìn ye xɔɔn kamà. Min ye kɛ̀n è bè jɔun, mun kɛ̀nbààbee ni dzyɛnbe ye re o ?

Filipika reè 2:17

Ŋà, arì mun kɛ̀nsɛɛn ye ba nà kon a ci mììngè saaka rìì è ɲɛn ye re ɲɛynaà saakaà ko a faagoò tsɛ, mun taama dzi, mun taama to yè bà dzi ye sapɛ ka.

Dzyèèsìbee mòdzin neè 13:17

Ye e toro wɔ e jɔundzin neè rè, ye e majàà è re, kàtsu, ye rìì ye kààwɔɔ̀ kudɛyn. È taa n'a mà, ci sii sɔn see, ye nà e re faagoò kpunan bo Ŋaablà re. Ye ye tɔ̀ fa, tɔ̀ rii nà à to, yè e re faagoò fa taamadzibe ka, à fa bà taamaŋununbe ka waa. Tà boshɔ̀ùn, è fa taamaŋununbe ka, ye re mɛɛy rìì ni tɔ̀ ɲan.

Filipika reè 4:1

Tà doùn, mun neema reè, mun ye nìì reè kɛ̀niɔ̀n, ye kuru yè bà ni mun na fɔ è bè geren, ye yè bà mun ne taamadzibeè ko mun ne dzi tar'la màsà baanflaa, e san gbaunma yè to Tsìfaà ɲàn, n ne kɛ̀niunma rèè.

Galatsika reè 4:19

Mun dzin nèè, mun byɛnkɔɔn siin ye ka a ci tàan donkunkɔɔn, fɔ Kirisà yè bè e tsuùma bo ye ɲan.

Korɛntsika reè fiiraa 6:1

Àwà ɲe ko Ŋaabla yeè e si faagoofasi nìi fa, è ɲɛn tɔ̀ tsɛ, ɲe ye màxɔ̀ɔn e maà à to à ɲanwùɔ yè bà goo maana waa.

Filemɔ̀n 1:1

Mun Polì, Yesù Kirisà rè kàsòdzian ko Tsìmotè, mùn neema kpir'la, nèe ɲe re sɛbɛn, è sìn wo Filemɔ̀n nà, ɲe re kɛ̀niunmaà, ko ɲe faagoofasià.

Kolosika reè 4:12

Epafarasì, Yesù Kirisà rè faagoofadzian, è bà ye sɔn, tɔ ye tswàa. À re Ŋaabla mafyɛyn nèè doùn kudɛyn, à ni kaà rà ye kamà, gè riì ni à to ye sàn gbaunma yè to, ye dzii yè bà tsyɛɔ̀n, ye yè bà mɔɔ̀n Ŋaablà saɔ sapɛ doùn.

Kolosika reè 1:28

Ɲe Kirisà rìi gooma deè, ɲe yè mòdzian sapɛ lasɔ̀nmin, ɲe yè è kàràn akiriblabeè sapɛ ka, à wò rii. Ɲe tɔ̀ faa gè riì ni à to, ɲe yè mòdzian sapɛ dziitsyɛunma kpàdè Kirisà ɲàn.

Kolosika reè 1:7

Epafarasì, ɲe faagoofasi kɛ̀niunmaà tɔ̀ rii tɔ̀ kàr'nà sìun ye ra. À Kirisà rè faagoofadzin vusootsi, è bà faagoò faa ye re.

Filipika reè 2:20

È ɲɛn à tsɛ, Tsimotè boshɔ̀ùn, mòò pɛn kpɛrɛ na ni nìi ko mun kɛ̀sɛmàà sa soo ye raa goò tsɛ, è bà à vyɛ̀ɛ goo taki waa.

Ɔ̀rɔ̀mùnka reè 15:29

M'a tɔ̀ min ba nà bè ye re, mun ko Kirisà rè dzwɛ dziitsyɛunmaà nì nà bè.

Ɔ̀rɔ̀mùnka reè 10:1

Neema reè, mun nìi gaa gaaŋ'n kur'la sapɛ, min bà Ŋaablà mafyɛ̀ɛn à ra Dzyèèsìbee mòdzin neè rè, tɔ̀ rii yɛ, yè tsi.

Filipika reè 1:8

Ŋaablà yɛr'la mun shɛɛrɛ, ci ye sapɛ goojaa ni mun duùn fɔ è bè geren, è ɲɛn Yesù Kirisà ɲàn kɛ̀nbààbe brisià tsɛ.

Lukì 7:2

Kaadzin jɛrɛ̀blàtsi sɔn na ni tɔ̀ wɔ̀ɔ̀ doùn. Jòn kpiri soo na ni à re, tɔ̀ jòn kpir'là goojaa yè bà na xɔ à re, fɔ è bè geren. Yesù dɔ̀un wɔ̀ɔ̀ doùn, tɔ̀ y'a tàrà, jòn kpir'là na ɲìniɔ̀n jàci à ni san.

Ɔ̀rɔ̀mùnka reè 1:1

Nèe mun Pol'lè sɛbɛn, Yesù Kirisà rè jòn kpir'là. Mun kiriu min bà kɛɛradzin, min bo n si, min Ŋaablà re Kùnàgoo Dziɔ̀ dè.

Swiv nou:

Lyen patwone

Piblisite

Piblisite