Tesalonikika reè jɔ̀naà 2:5 - Bible Dzùùngoo Unicode

⁵ Ye sa y'a tɔ̀ ci ɲe na gooma ì dè jà nìì reè mòdzìn mànììn goòmà ì, à ŋɛ̀nɛ̀ɲan to na ja jà ɲe ɲan, ɲe yè mòò ɲɔn. Ŋaabla ɲe shɛɛrɛ.

Tesalonikika reè jɔ̀naà 2:5 Referans Kwoze

Korɛntsika reè fiiraa 12:17

Àwà mun nìì reè sapɛ kau ye re mɔn, mun ye tɔ̀ɲɔun è bo twɛy sɔn ɲan ɔn ?

Ɔ̀rɔ̀mùnka reè 1:9

Mun faagoò faa Ŋaablà riì rè ko n duɔ̀n sapɛ ka, à Dzin Kpir'la rè Kùnàgoo Dziɔ̀ dèè doùn, tɔ̀ sa mun shɛɛrɛ, ci mun taa ni tsuù ye mà kudɛyn.

Kɛɛradzin neè faadziɛ 20:33

Mun na n jaàn bo ɲɛyn ne, mun na n jaàn bo sɛn'ne, mun to na n jaàn bo mòò pɛn ne vya ì rè.

Galatsika reè 1:20

Ŋaabla mun shɛɛrɛ, ci mun yɛ nìi sɛbɛn siàn ye ra, à na doo goòmà waa.

Piyɛrì fiiraa 2:3

È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.

Piyɛrì jɔ̀naà 5:2

Ŋaablà re sààkur'lìi kɛ̀ɛ̀yfaɔ̀ e ma, ye tɔ̀ kɔ̀ ɲwɛyn, y'a kààwɔ. E maà à fa a ci à yè e ma fààn waa, ŋà y'a fa rii ci à dzi ye ra, a ci Ŋaablà ci è fa nìi tsuru. E maà à bà tɔ̀nɔ̀n gàà shi nanmara ni nìi ɲàn waa, ŋà y'a bà e dusùkùn nà goo.

Tsitè 1:7

Àwà ɲɛynamoo kur'là kààwɔbaà wù è bà mòdzin, jààma na ni nìi rà waa, è ɲɛn à tsɛ, wò rii Ŋaablà re gbàà goojaabobaa. À mà bà mòdzin nìi blà e yɛr'le waa, nìi vunùn ɲan waa, nìi mììnfabaa waa, nìi kaafabaa waa, nìi to na tàrà faa nanmarama waa.

Tesalonikika reè jɔ̀naà 2:10

Ye ɲe shɛɛrɛ, Ŋaablà sa yeè bà ɲe shɛɛrɛ, ci ye ɲɛynamoo rèè kàjaa tsɛ, ɲe yè e re jaamabee fau fyɛu tsɛ, ɲe y'à fa terenbe tsɛ, jààma to naà ni ɲe ra.

Korɛntsika reè fiiraa 7:2

Ye kàjaa to mùn ne e duùn. Ɲe na goo terenbɛy fa mòò pɛn ka, ɲe na mòò pɛn suun kongon, ɲe to na mòò pɛn tɔ̀nɔ̀n ɲɔn.

Piyɛrì fiiraa 2:18

Gooma bla blaa ni è dzu, dzin to na ni à doùn. Tà tsuru, mòdzin niì reè ni fìr'là gè doùn, nìì reè yè e tsiɔ twɛy rà yeu, è twɛy màniɛ̀n gɔɔ̀n kur'la goo seeybɛyma reè ka, yè è kùnànban.

Tsìmotè jɔ̀naà 3:8

Tɔ̀ soo tsuru, ɲɛynamoo kur'là goojaabo reè sa wù yè bà mòdzìn sɔbɛn ì, è na gooma fii debaa ì waa, è na mììn faa waa, è to na tàrà faa nanmarama waa.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Korɛntsika reè fiiraa 4:2

Goo nìì reè goo shɔn fakɔɔn yè bà seeyragoo, ɲe yè e nɔun twɛy mà. Ɲe na e raa goo faa sànbe ka, ɲe to na Ŋaablà re goomaa laker'la. Ɲe na tɔ̀ faa waa, ŋà ɲe sààbeen rìì kpàdè fyɛɛ̀, gè riì ni à to mòdzian sapɛ yeè bà ni dzi ɲɛn ɲe ra, Ŋaablà jaa ra.

Korɛntsika reè fiiraa 2:17

Mòò giri ni, twɛy Ŋaablà re Goomaa baɔ̀ durukun. Ɲe na ni a ci twɛy waa. Ɲe goomaa fyɛɔ rìì tsɛ. Ɲe tɔ̀ faa è bo Ŋaablà rii lè, Ŋaablà jaa ra, ko Kirisà ɲàn.

Ɔ̀rɔ̀mùnka reè 16:18

È ɲɛn a tsɛ, twɛy mòdzìn tsu rèè na faagoò faa Kirisà, mùn Tsìfaà rè waa, ŋà y'à faa e yɛr'la doòn rìì lè. È dzugoomaa tsiinbee ko e re nanmara goòmà rèè saabu rɔ̀n, è mòdzin kunsɔ̀ɔ̀ma reè sàn fìr'la.

Ɔ̀rɔ̀mùnka reè 9:1

Kirisà ɲàn, mun sààbeen rìì dèe, mun na doò dèe waa. Ŋaablà re Dzia baraka rɔ̀n, mun akir'là sa mun shɛɛrɛ,

Matsiyù 23:13

Ye Sàrìryà Kaamoo reè ko Faridziɲɛn rèè, byɛnbe ye nìn, duungoofiitsi ì ! Byɛnbe ye nìn, kàtsu ye Jìrànxɔɔ̀ Màsà ganee tsyeè mòdzian jɔun. Ye yɛ̀r'leè fa dɔ̀n, à to ni nìì reè mà yè dɔ̀n, e fa à to twɛy tsu yeè dɔ̀n.

Matsiyù 22:16

Tà doùn yè e re kàràndzin neè swey, ko Erodzì raa mòò rèè swey ka à kpɛyn, yè bè dzin à ra ci: «Kàrànfaà, m'à tɔ̀ ci wo sààben ni dèe, w'e bà Ŋaabla shià kàr'na mòdzian nà sààben ka, wo na mòò jaadzin siɛ̀n. Mòdzian to kɛ̀nsɛɛn ye ba ni dzii o dzii, wo na tɔ̀ siɛ̀n waa.

Yudè 1:11

È raa barau ! È ɲɛn à tsɛ, è Kayinìn dɔ̀n shià seun, ɲɛyn goo yè bà saabu, yè e san fìrì a ci Bàlaamùn. È màbaunmaà doùn a ci Korè raà tsuru, è barau.