Bib sou entènèt

Paj dakèy
Bib sou entènèt
Tesalonikika reè jɔ̀naà 2:13

Tesalonikika reè jɔ̀naà 2:13 - Bible Dzùùngoo Unicode

¹³ Tɔ̀ kamà, kudɛyn ɲe baraka sìan Ŋaablà ra sa, è ɲɛn à tsɛ ye y'à re gooma niì myɛ̀un ɲe re, ye na e tsiì à ra, ci à adamàdzin mòdzin ì nè gooma waa, ŋà ci à Ŋaablà re gooma ni taki, nìi faagoò faa ye ɲɛynamoo rèè ɲàn.

Gade chapit la Kopi

tounen moute ⬆

Tesalonikika reè jɔ̀naà 2:13
41 Referans Kwoze

Dzyèèsìbee mòdzin neè 4:12

Àwà, Ŋaablà re goomaa jaama, à ŋɔ̀n yè bà vùn. À dzii dzi è geren kaamunun dzii fiɛ̀ sa tsɛ. À dɔ̀ɔn mòdziin ɲàn, è bè wɔ fɔ xɔɔn ko akir'là tsɛ, a ci kaamunun ka xɔ tsuma rèè kùn'na nìi tsuru è dɔ̀n è bè wɔ fɔ sɔmɛɛ tsɛ. À mòdzian kɛ̀sɛ̀maà ko à duungoo sapɛ ɲansiɛ̀n, è tɔ̀.

Ɔ̀rɔ̀mùnka reè 10:17

Tà doùn, ɲɛynaà tàr'la waajibia rìì ɲàn, waajibia yè bà ni Kirisà raa goomaa tsɛ.

Piyɛrì jɔ̀naà 1:23

Ye sèè kereu yeu, ŋà tɔ̀ na fa shìmàn tsu baraka ɲan, nìi bar'la waa fɔ bara bɛy, tɔ̀ niì Ŋaablà re gooma jaamaa, dò na ni à mà waa.

Piyɛrì jɔ̀naà 1:25

ŋà Tsìfaà rè Goomaa, tɔ ni tsuù kudɛyn.» Tɔ̀ Goomaa nì Kùnàgoo Dziɔ̀ goomaa, nìi dèu ye ra.

Piyɛrì jɔ̀naà 2:2

A ci dzinyɛy kereuma yeu ì, ye sɔ̀ɔ̀n Ŋaablà re Goomaa nɔnɔn taki takìà kpɛyn, gè riì ni à to tɔ̀ baraka ɲan, ye dzi bɔɔ e tsià kamà.

Lukì 11:28

Yesù sa yeè dzin à ra tɔ̀un ci: «À kpɛ̀yn tɔ̀ tsuru, ŋà, nìì reè yè e toro wɔɔ̀ Ŋaablà re goomaa rè, y'à bo e shi tsɛ, twɛy rìì laa wùbeu Ŋaablà re è geren kɔn.»

Kɛɛradzin neè faadziɛ 13:48

Àyìwà, nìì reè na Dzyèèsìbee mòdzin ì waa, twɛy dziu twɛy gooma reè myɛ̀n è dzu min niì, è taama yè dzibe fɔ è bè geren. Yè e maa yè tsoo dzi ɲɛɛn Ŋaablà tsɛ e re goomaa kamà. Tà doùn, Ŋaablà na jaamabe dòbɛɛ ɲɛɔ̀n nìì reè sapɛ ra, twɛy sapɛ yeè ɲɛn Tsìfaà rà.

Yùxanà jɔ̀naà 3:3

Mòò o moò si xɔ à tsɛ, è ɲɛn tɔ̀ tsɛ, tɔ̀ yeè e yɛrɛ fɛnɛbeè a ci à sa fɛnɛ nìi tsuru.

Galatsika reè 4:14

Mun ne ɲìn'nà kpɛ̀ynto bàu byɛnbe brisi ye mà, ŋà tɔ̀ na à to ye yè mun ɲanfyɛnbe, tàmafa ye yè ɲii mun ɲan waa. Ye yɛ̀rɛ̀ to mun kùùntsiu ni a ci Ŋaablà re mɛ̀rɛ̀kɛ, arì Yesù Kirisà tsuru.

Korɛntsika reè fiiraa 3:18

Àwà ɲe sapɛ, vyaà boo ɲe nìì reè jaa ra, ɲe Tsìfaà nɔɔrɔɔ̀ siɛ̀n a ci mòo gè siɛ̀n dzwàleyn na nìi tsuru. Ɲe lakereu ɲe yè bà à bosi gè, nɔɔrɔ yè ɲɛn ɲe tsɛ nìi blà kɔn è geren Tsìfaà rè, tɔ̀ niì Dzi.

Kɛɛradzin neè faadziɛ 17:11

È bèu Dzyèèsìbee mòdzin niì reè jà mɔn, twɛy ka goo na dzi, è geren Tesalonikì wɔ̀ɔ̀ Dzyèèsìbee mòdzin neè raà tsɛ. Twɛy yè e tsiiŋ Ŋaablà re Goomaa nà taamadzibe ko duun fyɛ ka. Jisee sapɛ, twɛy mòdzin neè na Ŋaablà re Goomaa kìtaabuà dzii saàn, y'à siin Polì ì nìi dèe, è ba sààben taki.

Kolosika reè 1:6

Tɔ̀ Kùnàgoo Dziɔ̀ dziu ye sa tsɛ a ci à dziu dziɲaan min niì sapɛ nìi tsuru è bà dzin bèe jɔun. À tɔ̀ soo sa faa ye fi, fɔ jisee riì ye Ŋaablà ɲanwùɔ gooma myɛun, y'a tɔ̀ sààben na.

Lukì 8:21

Yesù yè dzin mòdzian nà tɔ̀un ci: «Nìì reè yè e toro wɔɔ̀ Ŋaablà re goomaa rè, y'à shi jiì a ci à deò nìi tsuru, twɛy rìì mun na ko mun tseyn kpiri ì.»

Yùxanà 17:19

È kamà, min n bo jia n si wo re, sànko sààbeen baraka rɔ̀n, è sa yeè e bo ji e si wo re.

Matsiyù 10:40

Àwà Yesù yè dzin kɔn ci: «Mòò o moò ye kuun'n kuru wubee, tɔ mun nì kuun'n kuru wubeu. Mòò o moò to ye mun kuun'n kuru wube, tɔ mun kabaà rìì kuun'n kuru wubeu.

Yùxanà 17:17

Mun wo màfyɛ̀ɛn, e fɛnɛbe e bo ji e si a re, sààbeen baraka rɔ̀n. Wo re goomaa sààbeen rìì.

Yùxanà 15:3

Min dzugooma niì dèu ye ra, tɔ̀ baraka rɔ̀n, ye sa raa sààn ɲaan neè baran bou nòn, ye yè fɛnɛbe.

Lukì 8:11

Àwà, tɔ̀ tàleèn dzuɔn nì yɛ nèe tsuru ci: Shìmàndzian, tɔ Ŋaablà re Goomaa nì.

Matsiyù 10:20

Àwà, à fa bà ye goomakɔɔn waa, ŋà à nà bà ye Fà Ŋaablà re Dzia rìì goomakɔɔn ye ɲan.

Piyɛrì fiiraa 3:2

Kɛɛra fɛnɛ reè gooma niì reè dè dɔ̀un, tà ko mùn Tsìfaà ko mùn Tsibaà dzugooma xɔù nìi dèu ye ra è bo kɛɛradzin neè dzu, ye taa yeè to twɛy rè.

Yàkubà 1:18

À bàu à sàò, è ɲe ɲɛn e re sààbèn goòmàà baraka rɔ̀n, gè riì ni à to, ɲe yè bà à re gè ɲɛunma rèè sapɛ ɲan kùngɔ̀ jɔna reè sɔn.

Kɛɛradzin neè faadziɛ 17:32

Àwà, è toro dziu ji fùn nèè sèè kpunaàn goomaa ɲàn Polì dzu min niì, swey yè jiran à mà. Swey yè dzin à ra ci: «Mùn nà nà e toro wɔ à dzyeè rè waatsi kpɛrɛ.»

Kɛɛradzin neè faadziɛ 16:14

Tàan sɔn na ni twɛy tàan rèè ɲàn, tɔ̀ tsoo yè bà ci Lidzì. Tɔ̀ taàn na vya kun sɔn ni duru faa, nìi ni xèù, à kpà yè bà xɔ. À na wɔ̀ sɔn modzin, nìi kir'là ci Tsiyatsirì. Àwà, tɔ̀ taàn na shia Ŋaablà jɔun. Tɔ̀ taàn toro wɔ tsùuŋmaà goomaa rè, Ŋaablà y'a akir'là dzii san, sànko è Pol'lè goomaa lamyɛùn'n kuru wube cɛyn.

Kɛɛradzin neè faadziɛ 10:33

Mun sa to yè mòdzin ì fù suu, tɔ̀ rii ɲàn, ci yè bè wo kir'na. Àwà, à dzibe niì fau wo ra, wo yè nà, n ne tswɛy ni à re tɔ̀ ra. Dòònuùn, mùn sa dzyeèmaa yɛ mìin, Ŋaablà jaaterema. Tsìfaà ci wo yè nìi sapɛ de ɲe ra, tɔ̀ dè mùn y'a myɛ̀n.»

Kɛɛradzin neè faadziɛ 2:41

Nìì reè na ni mɔn, twɛy giri yè e tsiì Piyɛrì rè goomaa nà, y'à to yè ye jaara foò Ŋaablà re shia goo rèè rà ko yuà ka. Tɔ̀ sii sèè, mòkun gbaa zhììgi rii yè e bau Yesù rè kàràndzin neè tɛ̀y.

Kɛɛradzin neè faadziɛ 8:14

Kɛɛradzin neè yè to Yerusalɛmùn, y'à myɛ̀n, ci Samarika reè yè e tsiiŋnà Ŋaablà re goomaa nà. Àwà, y'à myɛ̀un tɔ̀ tsuru, yè Piyɛrì ko Yùxanà ka bè è re.

Lukì 5:1

Àyìwà, sii sɔn see, Yesù na tsìiŋnà Zhenezarɛtsì yu blàa dzii ra. Jàmaà na tsìiŋnà min niì sapɛ y'à laguru, yè bà Ŋaablà re goomaa lamyɛɛ̀n Yesù dzu.

Dzyèèsìbee mòdzin neè 4:2

Kùnàgoo Dziɔ̀ goomaa dèu ɲe ra, a ci à dèu ɲe fàbɔɔ rèè sa ra nìi tsuru. Ŋà, à myɛ̀unmaà ko e raà sa twɛy rè, à na è màgoo wube waa, kàtsu nìì reè y'à myɛ̀un yè ɲɛn à ra, è na e tsiì yè e ba twɛy tɛ̀y waa.

Swiv nou:

Lyen patwone

Piblisite

Piblisite