Bib sou entènèt

Paj dakèy
Bib sou entènèt
Tesalonikika reè jɔ̀naà 2:12

Tesalonikika reè jɔ̀naà 2:12 - Bible Dzùùngoo Unicode

¹² Ɲe ye màxɔ̀un, ɲe yè fààn wɔ ye ɲan, ɲe y'à gaa ye re gaaŋ'n kur'la sapɛ, ci ye yè e re jaamabee fa a ci Ŋaablà ci è fa nìi tsuru, wò riì ye kir'là ye yè dɔ̀n à re màsàbee doùn, è nɔɔrɔɔ̀ sìn ye ra.

Gade chapit la Kopi

tounen moute ⬆

Tesalonikika reè jɔ̀naà 2:12
29 Referans Kwoze

Efɛsika reè 4:1

Àyìwà, mun nìi kàsòdzin Tsìfaà kamà, m'a gaa e re ci e kiriɔ è ɲɛn kùn nìi tsɛ, ye maxɔbe ye re jaamabee fa, è kòrò tɔ̀ ka.

Yùxanà jɔ̀naà 2:6

Mòò riì ci wo ni Kirisà ɲàn, à wù à sa yeè jìì, a ci Kirisà jìiŋ nìi tsuru.

Tesalonikika reè jɔ̀naà 4:12

Ye tɔ̀ fa gè riì ni à to e jiì saàn yè blà wɔ e ɲan dà dzin neè jaa ra, e magoo to mà tsìì mòò pɛn na waa.

Piyɛrì jɔ̀naà 5:10

Àwà ye byɛunmaà shɔ̀ùn waatsi dɛɛnin doùn, Ŋaablà riì wùɔ sapɛ Tsifaà è bà ye kiriu Yesù Kirisà ɲàn e nɔɔrɔ dòbɛɛ doùn, tɔ nà ye màbyɛ̀n, è ye sàn gban, è fààn wɔ ye ɲan, à y'à fa gèsɔn pɛn na dzia ye yuuyuu bo e shɔùn waa.

Tesalonikika reè jɔ̀naà 5:24

Ye kiribaà vusootsi, wò rii nà tɔ̀ sa bo e shi tsɛ.

Kolosika reè 1:10

Tà tsuru, e jiì saàn yè bà ni byɛn Tsìfaà sàɔ mà, e goo yè dzibe à ra kàjaa sapɛ tsɛ. E faadzii wuɔ yè dzin ì wɔ, ye bɔɔ bè jɔun Ŋaablà tɔɔ̀ ɲàn.

Efɛsika reè 5:8

Dan, ye na ni tsitsiɛ̀ ɲàn, ŋà dòònuùn, Tsìfaà ɲàn, ye bàu ni vyevyeè ɲàn. Tà doùn, ye e re jaamabee fa a ci vyevyee dzin ì.

Piyɛrì jɔ̀naà 2:9

Ŋà ye, ye bàu kun ɲankɛrɛunma, màsà kpir'là rè saakagoojaabobaa ì, jàmààndzin fɛnɛ ì, Ŋaabla nìì reè bàu e raa yè bà ni à re goo blà bla fauma rèè dè, à nìì reè kiri bou tsitsiɛ̀ ɲàn, yè nà à re vyevyee kabagoomaa nà.

Tesalonikika reè jɔ̀naà 4:1

Tà doùn neema ì, ye wù ye yè jìì nìi tsuru ye yè dzibe Ŋaablà ra, ɲe tɔ̀ kàraun ye ra. À kpɛ̀yn sààben, ye y'à faa tɔ̀ tsuru. Ŋà arì she, Tsìfa Yesù ɲàn, ɲe y'à gaa ye re, ɲe yè ye màxɔ̀n ci ye yè sɔn ba à tɛ̀y.

Kolosika reè 2:6

Tà doùn, a ci ye yè e tsiiŋ Tsìfa Yesù Kirisà rà nìi tsuru, ye jìì à yè e to à ɲan.

Efɛsika reè 5:2

Ye e re jaamabee fa kɛ̀nbààbee tsɛ, a ci Kirisà sa mùn kɛ̀niun nìi tsuru, è yɛrɛ sin mùn kamà kwɛ̀yge ko saaka, nìi kinìn dzi Ŋaablà ra.

Galatsika reè 5:16

Tà doùn, mun nìi dèe e ra, tɔ̀ rii yɛ, y'a to Ŋaablà re Dzia yè e re jaamabee kuru kun. Tà tsuru, ye fa gɔɔ̀n kur'la goo ɲaan neè fa dɛ.

Korɛntsika reè jɔ̀naà 1:9

Ŋaablà riì ye kiriu, è ye ko e Dzin Kpiri Yesù Kirisà, mùn Tsìfaà bà gè soo, tɔ vusootsi.

Filipika reè 1:27

Ŋà ye e re jaamabee fa rii, a ci Kirisà rè Kùnàgoo Dziɔ̀ ci è fa nìi tsuru. Tà tsuru, mun bèu ye siin ò, mun to na be ò, mun y'à myɛ̀n ci ye san gbaɔn akiri soo ka, ye yè bà ni ɲɛynaà Kùnàgoo Dziɔ̀ sikuan nà esire.

Piyɛrì jɔ̀naà 3:9

E maà ɲaan ka ɲaan sarà, e to mà ɲɛ̀yn ka ɲɛ̀yn sarà. Ŋà ye dzwɛ rìì ji, è ɲɛn à tsɛ ye kiriɔ tɔ̀ rii là, nìi yɛ ye yè dzwɛɛ̀ tàrà shɛn.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Ɔ̀rɔ̀mùnka reè 8:28

Mùn y'a tɔ̀ sa, ci goò sapɛ faagoò faa esire, è goowùù fa Ŋaablà kɛnbaa rèè rà, nìì reè sapɛ kiriɔ è kòrò à re goo sɔ̀n byɛunmaà ka.

Ɔ̀rɔ̀mùnka reè 8:30

À nìì reè jɔ̀na ŋɛnɛ̀ɲan tsuuŋ, à twɛy kiriu sa. À to nìì reè kiriu, è kpàdèu tereunma ì sa. À nìì reè sa kpadèu tereunma ì, à nɔɔrɔ sa ɲɛun twɛy tsɛ.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Tesalonikika reè fiiraa 1:10

Tɔ nà fa, jisee riì è na nà, blà ye bà ni wɔ à ɲan e re mòò rèè fi, tà ko nìì reè ɲɛun à ra, è bà kabagoo twɛy sapɛ re. Ye sa to ɲɛun ɲe re shɛɛrɛbee rà do.

Piyɛrì fiiraa 1:3

Goo nìì reè baraka ɲan mùn jaamabee faa, Ŋaablà jɔun shiɲaanbe yè bà ni mùn ɲan, à re ŋaablabee dzibaabee twɛy sìun mùn na, à y'à to mìn kiribaà tɔ̀, tɔ̀ niì mùn kiriu e yɛr'la nɔɔrɔɔ̀ ko e re wùɔ baraka rɔ̀n.

Yùxanà zhììgìraa 1:6

È wo ɲan kɛ̀nbààbee shɛɛrɛbe bou ɲɛynamoo kur'là jaa ra. Arì she, è màgoo ni nìi ra e re jìɛ̀ doùn, wo ye dzi è dzwɛ̀ma tɔ̀ ka è kòrò Ŋaablà saɔ ka, tɔ nà wùbe kɔsɔbɛ.

Swiv nou:

Lyen patwone

Piblisite

Piblisite