Tesalonikika reè jɔ̀naà 2:10 - Bible Dzùùngoo Unicode

¹⁰ Ye ɲe shɛɛrɛ, Ŋaablà sa yeè bà ɲe shɛɛrɛ, ci ye ɲɛynamoo rèè kàjaa tsɛ, ɲe yè e re jaamabee fau fyɛu tsɛ, ɲe y'à fa terenbe tsɛ, jààma to naà ni ɲe ra.

Tesalonikika reè jɔ̀naà 2:10 Referans Kwoze

Piyɛrì jɔ̀naà 5:3

Twɛy nìì reè kɛ̀ɛ̀yfaɔ̀ ye mà, e maà e faan ɲinan è tsɛ waa, ŋà ye bà sààkur'là jaakpadebaa ì rìì.

Tesalonikika reè jɔ̀naà 1:5

È ɲɛn à tsɛ, ɲe re Kùnàgoo Dziɔ̀ goomaa na dzi ye tsɛ gooma basɔùn ka waa, ŋà à dziu ko dzibaabe ka Ŋaablà re Dzi Fɛnɛɛ baraka rɔ̀n, sɔ̀swɛy na ni nìi ɲàn waa. Àwà ye wùbe kamà, ɲe yè e re jaamabee fau fau'n kur'liì rà ye fi, ye tɔ̀ tɔ̀.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Tsìmotè fiiraa 3:10

Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.

Kɛɛradzin neè faadziɛ 20:18

Àwà, twɛy nàu nà waatsi riì bwèy, è dzin è ra ci: «È sen fɔ mun dɔ̀n jisee jɔnaa Azhi jamaan doùn, è bè suu, fɔ mun waatsi niì sapɛ fau, min bà ni ye ka, mun na ni ye ka nìi tsuru, ye na fìriɔ̀ tɔ̀ mà waa.

Tsìmotè jɔ̀naà 4:12

Maà à to mòò pɛn y'à dzyɛnbe ci a dziinkòòmɛ̀yn waa. Ŋà bà jaakpadeyra rìì ɲɛynamoo rèè rè, goomaa kàjaa tsɛ, jaamabee fau'n kur'la kàjaa tsɛ, kɛ̀nbààbee kàjaa tsɛ, ɲɛynaà kàjaa tsɛ, ko duunfyɛɛ̀ kàjaa tsɛ.

Tesalonikika reè fiiraa 3:7

Ye wù ye yè ɲe shɔ̀ùn mìnàn nìi tsuru, ye yɛ̀r'leè y'à tɔ̀. È ɲɛn à tsɛ, è ɲe to ye fi, ɲe na e re jaamabee fa pìrìpàrà waa.

Tesalonikika reè jɔ̀naà 2:5

Ye sa y'a tɔ̀ ci ɲe na gooma ì dè jà nìì reè mòdzìn mànììn goòmà ì, à ŋɛ̀nɛ̀ɲan to na ja jà ɲe ɲan, ɲe yè mòò ɲɔn. Ŋaabla ɲe shɛɛrɛ.

Korɛntsika reè fiiraa 11:11

Feera mun tɔ̀ dèe ? Ci mun na ye kɛ̀niɔ̀n gbɛ ? Ŋaablà y'a tɔ̀ kɛ !

Korɛntsika reè fiiraa 7:2

Ye kàjaa to mùn ne e duùn. Ɲe na goo terenbɛy fa mòò pɛn ka, ɲe na mòò pɛn suun kongon, ɲe to na mòò pɛn tɔ̀nɔ̀n ɲɔn.

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Kɛɛradzin neè faadziɛ 20:26

Tɔ̀ kamà, m'a dè màxɔbee e ra she, e ge o ge ye na sèè bo mun ne kàr'nà kpɛyn, nìi ye na à tsìfa tàrà, tɔ̀ na mun ne goo dɛ.

Korɛntsika reè fiiraa 11:31

Tsoo dzi ye ɲɛn Ŋaa tsɛ kudɛyn, mùn Tsìfa Yesù Kirisà Fàà, tɔ̀ y'a tɔ̀ ci mun na doò dèe waa.

Korɛntsika reè fiiraa 5:11

Mùn sa Tsìfaà jɔun shiɲaanbeè tɔ̀ gè niì, ɲe goò sapɛ faa mòdzian yè bà ni à tɔ̀, ci ɲe nìi dèe à sààben. Ɲe re goo sɔn pɛn na mɛnɛɔn Ŋaablà ma waa. Mun kɛ̀sɛmà nɔ̀n, ɲe tsu re goo sɔn pɛn na mɛnɛɔn ye mà, e duùn waa.

Korɛntsika reè fiiraa 4:2

Goo nìì reè goo shɔn fakɔɔn yè bà seeyragoo, ɲe yè e nɔun twɛy mà. Ɲe na e raa goo faa sànbe ka, ɲe to na Ŋaablà re goomaa laker'la. Ɲe na tɔ̀ faa waa, ŋà ɲe sààbeen rìì kpàdè fyɛɛ̀, gè riì ni à to mòdzian sapɛ yeè bà ni dzi ɲɛn ɲe ra, Ŋaablà jaa ra.

Lukì 23:41

Nìi yɛ faa ɲe ra nèe, à ni e shi tsɛ, kàtsu ɲe nìi fau, tɔ̀ tɔ̀n'nà nì yɛ ɲe tsɛ. Ŋà, nèe do, à fee soo rii faɔ̀ ?»